JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu deside fó kompeténsia ba DJ asina kontratu

Governu deside fó kompeténsia ba DJ asina kontratu

Governu liu husi Konsellu Ministru (KM) deside membru Governu bele fó kompeténsia ba Diretór Jerál (DJ) bele asina kontratu entidade sira ho montante orsamentu USD 500.000.

“Dekretu ne’e nu’udar dekretu ida ne’ebé tenke halo kada tinan wainhira Orsamentu Jerál Estadu (OJE) aprova ne’ebé muda uitoan ninia estrutura no mós iha dekretu ezekusaun ida ne’e diferente uitoan, tanba dekrete ne’e loke dalan wainhira membru Governu liu-liu Ministru ka Sekretáriu Estadu sira bele delega kompeténsia balun ba DJ asina CPV no kontratu”, Ministru Prezidénsia Konsellu Ministru (MPKM), Fidelis Manuel Leite Magalhães, iha Palásiu Governu Sábadu (23/10/2020).

Governante ne’e hatutan, bazeia ba Dekretu Governu ne’e bele halo delegasaun ba entidade sira ne’e ho montante osan bele sa’e to’o rihun USD 500.

“Dekretu Governu sira antes ne’e la temi ida ne’e, entaun ho Dekretu Governu foun ne’e loke dalan halo metin liu tan opsaun ba membru Governu sira atu bele delega kompeténsia hirak ne’e ba DJ ou pesoál iha entidade ekiparadu ho DJ, atu nune’e sira bele iha jestaun administrativa di’ak liu tán iha ministériu sira”, tenik Fidelis.

Porta Voz Governu ne’e subliña, dekretu Governu ne’e haktuir regra sira kona-bá ezekusaun OJE ba tinan 2020, ne’ebé hetan aprovasaun husi lei númeru 10/2020, loron 19, Outubru no aplika ba orsamentu ba órgaun no servisu sira husi administrasaun sentrál, Rejiaun Administrativa Espesiál Oe-Cusse Ambeno (RAEOA) no seguransa sosiál. Cin

Lee hotu :   Opozisaun konsidera, VII Governu reajusta programa Governu anterior

Add to Comments Here!!!!

error: Content is protected.
Secured By miniOrange
You might also like:
SEKOMS no órgaun komunikasaun halo kampaña kombate hoax

Sekretáriu Estadu Komunikasaun Sosial (SEKOMS), Mericio...

GMD bandu vendedór Kampung Baru fa’an iha estrada-ninin

Xefe Jestaun Merkadu Munisípiu Díli, Berta...

Governu adía pagamentu subsídiu ba reklamante 2.909

Diretór Jerál Ministériu Solidaridade Sosial no...

Close