JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu promete 2022 dada fibra ótika mai TL

Governu promete 2022 dada fibra ótika mai TL

Konsellu Ministru (KM) aprova opsaun tolu kona-bá implementasaun sistema fibra ótika, ne’ebé tuir planu iha tempu badak Governu sei implementa iha Timor-Leste (TL).

Tanba ne’e, Governu promete tinan rua tan (2022) sei dada sistema fibra ótika husi Austrália mai Timor-Leste.

Opsaun tolu ne’e aprezenta husi, Vise Primeiru Ministru no Ministru Planu Ordenamentu Teritóriu, José Maria dos Reis hamutuk ho grupu tékniku interministeriál.

“KM halo aprovasaun ba aprezentasaun ida husi Ministru Planu Ordenamentu Teritóriu kona-bá modelu natureza projetu, modelu finansiamentu no opsaun téknika balun kona-bá projetu fibra ótika, ho aprovasaun ida ohin loke dalan iha tempu badak bainhira Governu konsentra la-lais, bele dudu la-lais ligasaun fibra ótika sei dada husi Austrália mai TL”, Ministru Prezidénsia Konsellu Ministru (MPKM), Fidelis Leite Magalhães, iha Palásiu Governu, Kuarta (28/10/2020).

Governante ne’e, hatete, Governu iha mehi katak iha tinan rua nia laran, TL nia kondisaun ba iha kustu no velosidade internet sei di’ak liu, ida ne’e sei kontribui ba dezenvolvimentu ekonómiku, inklui mós dezenvolvimentu sientífiku iha TL.

“Governu aprova opsaun hirak ne’ebé Ministru Planu Ordenamentu Teritóriu aprezenta, espetativa ita ekipa interministeriál bele servisu liu tan ho velosidade, atu nune’e rekezitu saída mak ita presiza halo instituisaun saída mak ita presiza harí no lei hira mak ita presiza halo atu bele fasilita implementasaun ne’e, ita bele prepara iha tempu ne’ebé badak”, tenik Fidelis.

Porta Voz Governu ne’e subliña liu tan, Austrália fó opsaun ba Governu TL dada fibra ótika ne’e husi Tasi Mane mai Díli no opsaun ida dada husi Tasi Mane ba Suai no hafoin mai Díli no estudu ne’e mós identifika modelu dezenvolvimentu saída, kustu saída mak envolve, ne’e hola parte iha estudu ida ne’ebé Governu Austrália fó mai TL.

“Estudu hirak ne’e final ona, entaun Governu TL kaer estudu hirak ne’e no dau-daun ne’e foti desizaun atu implementa oinsa, tanba projetu ida ne’e la’ós lori de’it reseita ba Estadu, maibé poupansa jerál ba kustu telekomunikasaun iha TL”, dehan Governante ne’e. Cin

Lee hotu :   TL sosa asaun 30% husi ConocoPhilips, Alkatiri kongratula Xanana

Add to Comments Here!!!!

error: Content is protected.
Secured By miniOrange
You might also like:
La selu koima, sidadaun na’in tolu sei hatán iha MP

Vise Ministru Interior (MI), António Armindo,...

PR Lú Olo dekreta tan EE ba dahitu

Prezidente Repúblika (PR), Francisco Guterres “Lú...

IPTL ezije ba PN-MJ altera lei kódigu sivíl

Igreja Protestante iha Timor-Leste (IPTL) ezije...

Close