JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu sei submete OJE 2021 billiaun USD1.895 ba PN iha semana ne’e

Governu sei submete OJE 2021 billiaun USD1.895 ba PN iha semana ne’e

Sekretaria meza Parlamentu Nasionál (PN), Lídia Norberta, informa, VIII Governu konstitusionál sei submete ou aprezenta proposta Orsamentu Jerál Estadu (OJE) tinan 2021 billiaun USD1.895, iha loron 15, fulan ne’e ba PN.

“Maske OJE tinan 2020 sei iha meza Prezidente Repúblika (PR), Francisco Guterres “Lú Olo”, maibé iha loron 15, fulan ne’e, Governu sei haruka tan proposta OJE ba PN. Kona-bá OJE 2020 kompeténsia Xefe Estadu nian, ami órgaun soberanu hanesan PN, ami labele pronúnsia buat ruma kona-bá órgaun seluk nia kompeténsia”, Sekretaria meza PN ne’e ba jornalista sira iha PN, Segunda (12-10-2020).

Lídia subliña, tuir konstituisaun RDTL no rejimentu PN kompeténsia PN tinan-tinan Governu tenke haruka OJE mai iha loron 15, fulan Outubru.

“Ami buka atu asegura ida ne’e ami-nia komunikasaun ho Governu para bele aprezenta OJE mai iha 15 de Outubro, maibé atu adianta de’it ba ita boot sira prosesu agora ho situasaun ne’ebé mak iha prosesu la’o regular“, afirma Sekretaria meza PN ne’e.

Hafoin PN simu proposta OJE 2021, iha loron 15, fulan ne’e, Segunda (19/10) semana oin PN baixa kedas ba komisaun sira iha PN.

Alende PN simu proposta OJE 2021 husi Governu, iha loron 20, fulan ne’e, Governu mós sei aprezenta planu rekuperasaun ekonómika iha PN.

Tuir Ministru Asuntu Parlamentár no Komunikasaun Sosiál, Francisco Jerónimo, iha loron 15, fulan ne’e, Governu entrega ona proposta OJE 2021 no mós sei aprezenta planu rekuperasaun ekonómika mai iha PN.

Nune’e mós iha Konsellu Ministru (KM) aprova ona tetu agredadu no dezagregadu OJE ba tinan 2021 ho montante billiaun USD1.895.

“Tetu agregadu no dezagregadu OJE ba tinan 2021 aprezenta husi Vise Ministra Finansas, Sara Lobo Brites, ho montante billiaun USD1.895 ne’ebé inklui empréstimu sira”, Ministru Koordenadór Asuntu Ekonómiku (MKAE), Joaquim Amaral iha Palásiu Governu, Segunda (12/10/2020).

Governante ne’e relata, OJE 2021 ne’e kobre ba nesesidade husi programa prioridade nasionál ne’ebé VIII Governu Konstituisionál define ona liu-liu iha nivel dezenvolvimentu kapitál sosiál, dezenvolvimentu ekonómika, dezenvolvimentu infraestrutura bázika fundamentál, dezenvolvimentu ambientál, dezenvolvimentu instituisionál no prosesu reforma instituisionál ne’ebé dau-daun ne’e la’o hela.

“Husi total OJE 2021 Governu aloka ba saláriu vensimentu hamutuk tokon USD 239,26 aloka ba bein no servisu tokon USD 421,49 ba transferénsia públika tokon USD 669,91, ba kapitál tokon USD 503,20 no ba kapitál dezenvolvimentu ho totál tokon USD 503,20”, tenik Joaquim. ety/cin

Lee hotu :   HAKOTU IMPASE POLÍTIKA, MAUN BOOT NAIN 3 TENKI DIÁLOGU

Add to Comments Here!!!!

error: Content is protected.
Secured By miniOrange
You might also like:
Governu sei uza medida haat ba rekuperasaun ekonómika

Ministru Koordenadór Asuntu Ekonómiku (MCAE_sigla portugés)...

PLP lamenta FRETILIN domina to’o administradór munisípiu

Deputadu bankada PLP, Noé da Silva...

Governu implementa polítika rekuperasaun ekonómika, tanba impaktu husi COVID-19

Ministru Koordenadór Asuntu Ekonómiku (MKAE), Joaquim...

Close