Labele husik emprezáriu sai vítima, Projetu 143 Governu sei diskute fó solusaun

Vise Primeiru Ministru no Ministru Planu Ordenamentu Teritóriu, José Maria dos Reis, hatete, projetu 143 ne’ebé seidauk halo pagamentu, Governu sei diskute iha Konsellu Ministru (KM), atu nune’e bele buka solusaun.

“Ami sei diskute hamutuk asuntu ida ne’e iha KM oinsa mak atu buka solusaun, tanba ita hotu labele husik emprezáriu sira ne’ebé mak halo ona servisu labele sai vítima no oinsa mak atu fó solusaun, ami sei diskute hodi fó solusaun,” Vise Primeiru Ministru no Ministru Planu Ordenamentu Teritóriu ne’e iha Palásiu Governu, Tersa (20/10/2020).

Governante ne’e hatutan, maske nune’e ema balun tenke responsabiliza ba aktu hirak ne’ebé sira halo.

“Solusaun polítika la’ós de’it ho solusaun polítika, maibé ho baze jurídika balun, ita tenke aprezenta ideia hodi sai hanesan baze atu bele halo pagamentu ba emprezáriu sira, maibé ema balun tenke responsabiliza ba aktu hirak hanesan ne’e,” tenik José Reis.

Antes ne’e mós, Prokuradór Jerál Repúblika, José da Costa Ximenes husu ba Governu atu labele halo pagamentu ba projetu 143, tanba konsidera laiha termu kontratu. Cin