JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Laiha kapasidade lidera meja, CNRT husu PPN Aniceto tun husi nia fatin

Laiha kapasidade lidera meja, CNRT husu PPN Aniceto tun husi nia fatin

Deputada sira husi bankada CNRT ho lian maka’as husu Prezidente Parlamentu Nasionál (PPN), Aniceto Guterres Lopes, atu tun tiha hosi nia fatin, no fó fali ba Vise Prezidente PN mak ba prezide meza, tanba konsidera laiha kapasidade hodi la tuir regra diskusaun orsamentu ninian.

Dezentendimentu ne’e mosu, iha diskusaun proposta Orsamentu Jerál Estadu (OJE) tinan 2020 iha loron dahuluk faze espesialidade, bainhira diskute no aprezenta proposta númeru 1, kona-bá eliminasaun tabela referensia kada anexu, ne’ebé deputada CNRT, Fernanda Lay husu atu halo intervensaun ba proposta refere, maibe Prezidente Parlamentu lakohi fó tempu, tanba konsidera la presiza halo komentáriu tan, bainhira Governu halo ona justifikasaun.

Ho resposta Prezidente Parlamentu nian, hamosu diskusaun naruk kuaze deputada CNRT hotu hakilar no protesta pozisaun Aniceto Guterres nian. Tanba PPN Aniceto Guterres la kalma hodi netraliza situasaun sira hanesan ne’e, pelo contrario PPN Aniceto simu deputadu sira ho hirus de’it, no mos tensaun sa’e.

Deputada CNRT, Virgínia Ana Belo husu PPN Aniceto tun hosi nia fatin, tanba konsidera viola direitu deputadu no opozisaun nian hodi halo intervensaun.

“Ne’e tanba kapasidade atu jere meja laiha, tenke fó direitu deputadu nian”, realsa deputada CNRT ne’e.

Alénde ne’e, deputada Bendita Moniz mós reforsa katak, di’ak liu PPN Aniceto tún tiha hodi hatún tensaun ida be maka’as los ne’e, nune’e vise bele kontinua prezide meza. Tanba tuir konstituisaun RDTL no rejimentu PN mos fó dalan atu deputadu sira hotu halo intervensaun iha plenária ba asuntu nasionál nian, la’os PPN Aniceto la fó fali tempu hanesan ne’e.

“Se ita boot (PPN) sente tensaun karik, tun tiha lai mai hemu tiha bee malirin, haruka lai vise dirije ba, depois mak ita boot sa’e fali dirije ba. Ami feto hadau ema mane mak túr ne’e kalo hanesan nune’e duni”, reforsa Bendita.

“Meja halo favór labele víola konstituisaun RDTL artigu 70 kona-bá direitu de opozisaun no rejimentu PN artigu 167. Kada deputadu bele halo komentáriu ba proposta hotu-hotu, ne’e rejimentu mak atribui”, tenik Deputada Carmelita Moniz.

Entretantu deputada CNRT, Maria Barreto haktuir tan katak, uluk imi FRETILIN halo opozisaun, trata imi ho igual, tuir konstitusional, tuir lei, la’os hanesan agora ne’e diskriminativu no kontra konstituisaun, lei no buat barak tan.

“Imi kuandu opozisaun, ami trata ho igúal, laiha diskriminasaun”, afirma Deputada Maria Barreto.

Iha biban hanesan, deputadu bankada FRETILIN, Antonino Bianco, rekoñese, argumentu bankada CNRT loos, tanba Prezidente PN mak la fó direitu intervensaun.

“Hanoin buat ne’e simples, maibe Prezidente mak halo la simples tiha, ne’e mak sala uitoan, giaun ne’e hateten loos hela, dévia fó atribui sira nia direitu ne’e”, esklarese Bianco.

Maske deputadu sira hotu tantu opozisaun ho FRETILIN rasik rekoñese katak, PPN Aniceto sala hela, maibe Prezidente Parlamentu Nasionál, Aniceto Guterres Lopes, dezafia fali tan deputadu bankada CNRT sira ba keixa iha Tribunal, tanba Tribunal mak bele anunsia desizaun viola konstituisaun ka la viola.

“Dalan nakloke para atu kestiona inkonstitusionalidade iha Tribunal, espresaun sira hanesan nene’e loro-loron ita boot sira (CNRT) ko’alia inkonstitusionalidade, se mak atu deklara ida ne’e legal ka ilegal, konstituisaun hi’it ba mai depois dehan inkonstitusional, mais Tribunal rasik iha konstituisaun ne’e hateten iha dalan ikus atu hateten inkonstitusional ka legal”, argumenta Aniceto.

Maske nune’e, Primeiru Ministru, Taur Matan Ruak ho nia komitiva tuur hodi hateke de’it diskusaun entre deputada CNRT ho Prezidente Parlamentu Nasional ne’ebé akontese iha parte dader, diskusaun OJE iha faze espesialidade loron dahuluk nian.

Enkuantu proposta alterasaun númeru 1 ne’e pasa ho votu a favór 32 kontra 0 no abstensaun 5, maibe deputadu sira husi bankada CNRT 21 la vota.

Enkuantu diskusaun proposta OJE 2020 iha faze espesialidade ne’e sei hala’o durante loron 4 no final global loron 1. Say

Lee hotu :   Veteranus apoiu MUTL, Povu sei moris inkondisional, la merese sosa tan Prado

Add to Comments Here!!!!

error: Content is protected.
Secured By miniOrange
You might also like:
UNIJMA Pro-RDTL alerta ba Governu investe maka’as iha setór produtivu

Ativista União Nacional Juventude Maubere Pro-República...

Dom Basílio: Sunu lilin la’ós sunu Maromak

Bispu Dioseze Baucau, Dom Basílio do...

CNRT ezije Governu halo pagamentu subsídiu USD 200 ba família reklamante

Reprezentante povu iha uma fukun Parlamentu...

Close