JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lori FRETILIN ba muzeu, Marí Alkatiri kontra ideia Xanana

Lori FRETILIN ba muzeu, Marí Alkatiri kontra ideia Xanana

Sekretáriu Jerál partidu Frente Revolucionária de Timor-Leste Independente (FRETILIN), Marí Bin Amude Alkatiri, konsidera, Kay Rala Xanana Gusmão mak aas liu hotu, tanba durante ne’e buka alternativu atu lori partidu FRETILIN halo’ot iha Arkivu no Muzeu Rezisténsia.

“Loloos Xanana FRETILIN tenke ba muzeu, nia halo buat hotu atu lori FRETILIN ba muzeu, tanba FRETILIN mak iha muzeu, entaun Xanana iha lalehan, objetivu mak ne’e FRETILIN tenke ba muzeu, iha tinan 1999 nia lakohi FRETILIN atu reorganiza-an, tanba FRETILIN ne’e povu tomak nian la’ós grupu ida de’it atu kaer FRETILIN, ha’u hatán sim povu tomak nian, maibé oho tiha nia entaun povu ba ne’ebé?”, Sekretáriu Jerál partidu FRETILIN ne’e liu husi atividade formasaun polítika patriótika iha Comite Central FRETILIN Comoro-Díli, Segunda (19-10-2020).

Marí Alkatiri subliña, wainhira Oitavu Governu susesu to’o rohan la’ós partidu FRETILIN nian mesak, tanba FRETILIN nia prezensa iha Oitavu Governu hodi kontinua polítika no prinsípiu ne’ebé antes ne’e labele realiza iha VII Governu la’ós sai ai-tongka.

“Luta agora ita nian ne’e importante mak servisu, atu dudu Oitavu Governu ba oin la’ós fásil, maibé FRETILIN mak laiha mós difísil liu tan, sé Governu ida ne’e mak susesu la’ós FRETILIN nian mesak ne’e Oitavu Governu nian la buat ida, maibé perigu mak ne’e, sé Governu ne’e mak laiha susesu entaun FRETILIN mak sala no sé mak atu fó sala uluk FRETILIN, ema FRETILIN nian duni”, tenik Sekretáriu Jerál partidu FRETILIN ne’e.

Entretantu wainhira jornalista sira tenta husu pergunta relasiona ho deputadu PLP kona-bá akordu intendimentu ne’ebé iha entre PLP ho FRETILIN atu viabiliza de’it Governu iha estrutura nasionál, la’ós atu aproveita to’o iha baze.

Maibé husi parte FRETILIN, Marí Alkatiri, rejeita fó komentariu, tanba ne’e servisu Governu nian.

Relasiona ho polémika atu lori FRETILIN halo’ot iha Arkivu no Muzeu Rezisténsia, antes ne’e Sekretáriu Estadu Arte no Kultura nia polítika hakarak rai partidu istóriku FRETILIN, inklui partidu CNRT konserva nu’udár patrimóniu Estadu no istóriku Timor-Leste nian durante luta libertasaun nasionál.

Maibé to’o notísia ne’e publika GMN seidauk hetan konfirmasaun husi líder nasionál Kay Rala Xanana Gusmão. ida

Lee hotu :   Manuel Tilman: Konstituisaun la permite militar halo politika

Add to Comments Here!!!!

error: Content is protected.
Secured By miniOrange
You might also like:
ESTV Railaco husu ME sosa kadeira ho meza ba estudante sira

Diretór Eskola Sekundáriu, Tékniku Vokasionál (ESTV)...

Governu sei eleva kapasidade HNGV sai Ospitál Internasionál

Ministra Saúde, Odete Maria Freitas Belo,...

Deskonfia ta’a ema iha merkadu Taibessi, PNTL identifika suspeitu ida

Polisia Nasionál Timor-Leste (PNTL), Eskuadra Na’in...

Close