JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MOP prevé orsamentu tokon USD 200 foka liu ba estrada

MOP prevé orsamentu tokon USD 200 foka liu ba estrada

Governu liu husi Ministériu Obras Públika (MOP) prevé orsamentu tokon USD 200, hodi tau atensaun liu ba estrada sira iha nasionál to’o rurál.

Vise Ministru Obras Públika, Nicolau Lino Freitas Belo, hatete, MOP prevé orsamentu ba tinan 2021 hamutuk tokon USD 200 resin, tanba estrada pursentu 59 mak seida’uk estabelese, maibé MOP halo fazeadamente ba iha kultu prazu, médiu prazu no longu prazu.

“Ba iha médiu prazu ba tinan 2021 to’o 2023 ita esforsu para bele finaliza, estrada ho kilometru 300, iha tinan 2021 orsamentu ne’ebé ita prevé haree liu ba estrada nasionál, munisípiu no rurál, ho montante osan tokon USD 25”, Vise Ministru Obras Públika ne’e ba jornalista sira iha munisípiu Ainaro, foin la-lais ne’e.

Governante ne’e esplika, kona-bá klasifikasaun estrada ba estrada nasionál ne’e imprestimu, klasifika iha fundu infraestrutura, orsamentu ne’ebé MOP prevé ba tinan 2021, tokon USD 30 foka liu ba estrada munisípiu.

“Ita haree kondisaun estrada husi Ainaro Villa to’o Soru Kraik, ita haree katak estrada ne’e presiza hadia, tanba kondisaun estrada ladún di’ak no iha suku Soru Kraik populasaun hamutuk rihun 300”, tenik Nicolau.

Nia hatutan, iha tinan kotuk ekipa tékniku husi MOP halo ona levantamentu ba dadus iha estrada Soru Kraik, atu nune’e ba tinan 2021, koloka osan hodi halo preparasaun, levantamentu dadus liu-liu ba iha Detail Engineering Design (DED), atu nune’e bele halo estimasaun.

Vise Ministru Obras Públika ne’e subliña, bainhira Orsamerntu Jerál Estadu (OJE) 2021 aprova iha Parlamentu Nasionál, iha tinan oin hahú ona faze oinsa halo reabilitasaun estrada husi Soru Kraik, Ainaro ba to’o Same, Manufahi.

“Ha’u halo ona despaixu ba iha Diresaun Nasionál Estrada Ponte no Controlo de Seias atu haree ba asuntu ida ne’e, tanba estrada ida ne’e tama iha klasifikasaun estrada urbana”, informa Nicolau. Cin

Lee hotu :   PR Lú Olo promulga ona OJE 2019, PPN Arão Noe: Bele normaliza funsionamentu Estadu

Add to Comments Here!!!!

error: Content is protected.
Secured By miniOrange
You might also like:
Apoia subsídiu ba traballadór no empreza iha faze rejistrasaun

Medida rekuperasaun ekonómika ne’ebé Governu atu...

CNRT alerta ba FRETILIN sira kritika Xanana tenke sukat ibun

Deputada bankada CNRT, Maria Câmara Bisoi,...

PN preokupa Governu adia pagamentu subsídiu ba reklamante

Reprezentante povu iha uma fukun Parlamentu...

Close