JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

OJE 2020 billiaun USD 1.4 aprovadu iha PN ■CNRT vota kontra tanba VIII Governu laiha lejitimidade

OJE 2020 billiaun USD 1.4 aprovadu iha PN ■CNRT vota kontra tanba VIII Governu laiha lejitimidade

Deputadu sira Parlamentu Nasionál (PN) kinta lejislatura aprova ona proposta Orsamentu Jerál Estadu (OJE) tinan 2020 hamutuk billiaun USD 1.4. Maibé bankada CNRT vota kontra OJE refere, tanba konsidera VIII Governu laiha lejitimidade ukun nomós laiha kapasidade ezekusaun.

OJE ba tinan 2020 hamutuk billiaun USD 1.4, passa iha PN ho votus a favor 43, kontra 21 no abstensaun 1.

“Bankada CNRT afirma nia pozisaun katak, la admite VIII Governu ne’ebé laiha lejitimidade konstitusional atu aprezenta OJE. CNRT mós sei la admite ezisténsia VIII Governu ne’ebé moris ho violasaun ba Konstituisaun no konsolida liuhosi hahalok asaltu podér iha PN”, Vise xefe bankada CNRT, deputadu Patrocínio Fernandes, liuhosi deklarasaun votus justifika hafoin votasaun ba OJE 2020 iha PN, Kinta(08/10/2020).

Deputadu opozisaun ne’e husu Tribual Rekursu atu haree legalidade Proposta OJE 2020 ne’ebé VIII Governu aprezenta dala rua ba Parlamentu Nasionál.

“CNRT konsidera ejisténsia VIII Governu ho PN kinta lejislatura ne’e kaduka tiha ona 86 aliñea F K-RDTL, tuir loloos PR dissolve ona PN tuir prazu loron 60 ne’ebé K-RDTL, sura hosi loron 8 fulan Janeiru fulan Marsu 2020 ne’e”,afirma deputadu Patrocínio.

CNRT afirma katak, VIII Governu ne’ebé moris laiha lejitimidade konstituional atu aprezenta kualker proposta lei OJE ba PN.

Alénde ne’e VIII Governu mós laiha intensaun atu defende kadoras greater sunrise mai TL.

“Governu nia kapasidade fraku ba ezekusaun OJE 2020 nian, tanba atínje de’it 48% no sei iha saldo millaun USD 690,27, maibé governu hakarak dada hotu osan hosi fundu petróleu, tuir lolos ita husik osan ne’e hodi investe merkadu financeira, nune’e bele fó retornu ba konta fundu petróleu, liu-liu iha situasaun ne’ebé ita sei depende hela ba fundu soberanu ida ne’e.

Lee hotu :   MOP kontinua halo normalizasaun ba mota iha kapital Díli

Hosi CNRT nia pozisaun vota kontra iha final global, CNRT ezije ba Tribunal Rekursu  atu pronúnsia konstitusionalidade no legalidade hosi Orsamentu Jerál Estadu 2020 ne’e.

“CNRT maske vota kontra, maibe sei akompaña prosesu ezekusaun osan ne’e, tanba osan hirak ne’e mai hosi povu,”haktuir deputadu Patrocínio.

Alénde ne’e, xefe bankada Fretilin, Francisco Miranda Branco, husu deputadu CNRT atu simu realidade nu’udar opozisaun iha PN, tanba Fretilin rasik hakat liu ona pozisaun refere.

“ Ami kumprimenta opozisaun sira, tanba sira mós ita nia maun alin, ami husu atu sira (opozisaun CNRT) simu realidade polítika ne’ebé tau sira ohin loron iha opozisaun. Ami espera katak sira bele ultrapassa situasaun ne’ebé oras ne’e dadaun sira hasoru, mak situasaun post power syndrome ita tenke kompriende.”tenik Branco.

Deputadu Fretilin ne’e garante, VIII Governu sei kontinua ezekuta OJE ho dia’k ba Orsamentu Jerál Estadu ne’ebé aprovadu.

“Bankada FRETILIN fó valor as polítika ba VIII Governu Konstitusionál ne’ebé lidera husi Sua Excia Primeiru Ministru, Taur Matan Ruak, ne’ebé hatuur Ema iha sentru ba polítika dezenvolvimentu nasionál. Tanba tinan naruk ita la hatuur ema nu’udar sentru ba polítika dezenvolvimentu nasionál, ita bele haree númeru konkretu setór saúde nian ita la fó atensaun, setór edukasaun ita la fó atensaun diak, turizmu ita la fó atensaun di’ak,no agrikultura ne’ebé ita-nia povu 70% moris ba, ita haluha tiha.Tinan barak mak ita laf ó importánsia boot ne’ebé setór hirak-ne’e merese.

Orsamentu jeral Estadu 2020 aloka ba medida rekuperasaun ekonómika kurtu prazu, USD 113 milhões de dólares,ne’ebé ami fiar sei sirkula tomak iha ita-nia rai laran,sei fó benefísiu diretu ba ita-nia povu,sei fó benefísiu diretu ba ita-nia agrikultórsira, ita-nia toos na’in sira, ita-nia komersiante sira. Ami fiar governu sei implementa ho di’ak programa ida-ne’e.

Lee hotu :   Evita Timor-oan husi COVID-19, Mandati: Governu tenke evakua estudante ne’ebé estudu iha estranjeiru

Bankada FRETILIN elojia no fó votus de susesu ba Xefe VIII Governu Konstitusionál ho nia elenku governativu, ne’ebé foin mak remata governasaun 100 dias de’it iha governasaun, maibé hatudu ona diferensa barak, liuliu iha proposta OGE 2020.

Iha oportunidade ida-ne’e b FRETILIN apela ba Primeiru Ministru no membru governu hotu, atu hadia no hametin liután liña koordenasaun inter-ministeriál no entre instituisaun sira hotu, nune’e bele implementa polítika VIII Governunian ho efisiénsia no efikásia, hasa’e kualidade serbisu, kualidade projetu, tuir prinsípiu transparénsia no boa-governasaun.

“Ida ne’e mak Ita bo’o’t nia governu bele hatudu diferensa no mudansa! inklui bankada FRETILIN apela nafatin iha-ne’ebé de’it, iha fatin uma-lulik ida-ne’e, ba reprezentante povu nian, ba instituisaun hotu-hotu, ba sidadaun Timor-Leste hotu, atu ita kuda nafatin no ba beibeik kultura diálogu, hodi tau aas interese komún, interese ita hotu ninian. Opozisaun sim, mas diálogu maka parte ida importante liu iha demokrásia, iha pluralizmu polítiku iha ne’ebé la eskluí ema ida,”sublinha deputadu Branco.

Nune’e mós Prezidente Parlamentu Nasionál, Aniceto Guterres Lopes, husu ba komisaun C ne’ebé trata asuntu finansas públikas atu aselera redasaun final par bele haruka tarde liu Sesta-feira semana ne’e ba Xefe Estadu Francisco Guterres Lú Olo, atu promulga.say

Add to Comments Here!!!!

error: Content is protected.
Secured By miniOrange
You might also like:
PN finaliza diskusaun OJE 2020 billiaun USD 1.4 iha espesialidade

Deputadu sira kinta lejislatura finaliza ona...

MOP sei rezolve problema bee moos iha proposta OJE 2021

Ministru Obras Públikas (MOP), Salvadór Pires,...

PNTL ho F-FDTL identifika pesoál seguransa fasilita sidadaun tama-sai ilegál

Xefe Estadu Maior FALINTIL-Forsa Defeza Timor-Leste...

Close