JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PLP-FRETILIN konsidera la merese bolu Taur xefe Governu defaktu

PLP-FRETILIN konsidera la merese bolu Taur xefe Governu defaktu

Bankada Partidu Libertasaun Popular (PLP) ho bankada FRETILIN, konsidera la merese atu CNRT bolu Primeiru Ministru (PM), Taur Matan Ruak núdar “Xefe governu defaktu” ne’ebé luta tinan naruk ba independénsia Timor-Leste.

“Ha’u lakohi hateten ba PM ne’e Primeiru Ministru de faktu, tanba nia terus ba nasaun durante tinan 24  nia laran, ida ne’ebé ko’alia de faktu ne’e nia maluk sira mak agora iha Indonézia no Kupang ne’e, ita tenke respeitu ita nia maun sira no fiar ita nia maun sira, la’os fiar mak hadau osan. Uluk iha ai-laran hateten mate ka moris ukun rasik an,  maibe ita nia liafuan ida inkonstitusional ne’e ha’u nia laran kontra, veteranus sira dehan hanesan ne’e, uluk Indónezia la kontra, maibe OJE imi kontra fali ne’e”,deklara xefe bankada PLP, deputadu Cornelio Gama “L7”,  iha deklarasaun votus hafoin aprova OJE 2020, kinta (08-10-2020) iha PN.

Alénde ne’e, deputadu Bankada Fretilin, David Diaz Ximenes “Mandati” mós reforsa katak , Timor-Leste nia ukun aan ne’e la’os hanensan oferta, maibé liuhosi fakar ran no ruin naklekar lemo-lemo, tanba ne’e líder nasionál sira la merese hetan liafuan insultu hosi deputadu inklui públiku tomak.

“ Kuandu ko’alia kona-bá polítika, ita ko’alia kona-bá desizaun ne’ebé atu kesi sosiedade nia opoiniaun, kesi programa no objetivus, atu lakansa seguransa no justisa ne’ebé di’ak, hodi fó prosperiedade ba ita nia ema”,afirma deputadu Mandati.

Nia hatutan, TL hetan ukun an ne’e la’os oferta de’it, maibe selu ho ruin ho ran, prosesu sira nakonu ho matan been, maibe ho korajen determinasaun  no intendimentu ho ema barak nia abnegasaun patriótika,  no korajen nasionalista.

Lee hotu :   PD sei promove industria turizmu Liquiça

“Ohin loron ita haree ba ita nia erois sira nia matan laran, katak dehan maupagador,  seráke sira merese simu insultu sira ne’e?, ko’alia kona-bá polítika ha’u konkorda, maibe kona-bá liafuan insultu sira ne’e laiha kabimentu”,sublinha deputadu FRETILIN.

Tuir deputadu ne’e katak, wainhira halo polítika labele nega sira katak, ukun an ne’e lori de’it mak pregu ho surat tahan, maibe antes to’o iha surat tahan ida ne’e prosesu ne’e naruk tebes.

“Tenke lori ema barak nia terus, karik ida ne’e mak la akontese mós ita nia mak Timor Portugés lae Timor Timur, la’os Timor-Leste,”haklean Mandati.

Hahú hosi dezentendimentu iha Parlamentu Nasionál ne’ebé konsege rezulta meza prezidente Parlamentu Nasionál rahun, deputadu sira CNRT bolu ho naran de faktu ilegal ba membru oitavu governu ho Primeiru Ministru Taur Matan Ruak nia kompozisaun polítika foun, iha Parlamentu Nasionál, bainhira plenária no diskusaun públiku ruma.

Enkuantu CNRT walk out iha plenária, antes bankada Parlamentares seluk hato’o deklarasaun, hafoin halo deklarasaun votus ba OJE 2020 USD 1.4 billoens ne’ebé passa iha PN ho votus a favor 43, kontra 21 no abstensaun 1.

Antes ne’e mos deputadu bankada CNRT hatete, sira nia parte sente komik fali, tanba iha tempu liu ba bankada FRETILIN sei halo opozisaun iha Parlamentu Nasional hasai ona liafuan defaktu ba eis Primeiru Ministru, Kay Rala Xanana Gusmão, hanesan mos komandante em xefe Falintil iha tempu funu ba libertasaun teritorial husi okupasaun Indonéziu, maske Kay Rala Xanana Gusmão ukun tuir hela konstituisaun RDTL, no Xanana iha momentu ne’eba ho nia bankada sira la hola ba kestaun. Maibe ikus-ikus ne’e bankada CNRT, hatete liafuan sira bazeia hela ba  konstituisaun katak, VIII Governu no Primeiru Ministru, Taur Matan Ruak, defaktu no inkontitusional, bankada apoiu Governu alerjia fali, halo deputadu bankada CNRT sira la tama iha lójika. Say

Add to Comments Here!!!!

error: Content is protected.
Secured By miniOrange
You might also like:
Komete kazu droga, TDD kondena Casemiro prizaun tinan lima

Tribunál Distritál Díli (TDD) liu husi...

Autoridade lokál Bobonaro koopera ho ministériu relevante kontrola movimentu ilegál

Administradór postu administrativu Cailaco, Munisípiu Bobonaro,...

PM Taur garante Governu sei ezekuta OJE ho di’ak

Primeiru Ministru (PM), Taur Matan Ruak,...

Close