JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur: EE daneen fó kbi’it ba Governu reforsa kontrolu

PM Taur: EE daneen fó kbi’it ba Governu reforsa kontrolu

Parlamentu Nasionál (PN) liu husi plenária estraordinária Sábadu (03/10/2020), aprova ona unanimidade ba pedidu estensaun Estadu Emerjénsia (EE) ba da-6, ho votu a favór 55, kontra 0 no abstensaun 0, maibé deputadu na’in 10 la marka prezensa.

Iha aprezentasaun, Primeiru Ministru (PM), Taur Matan Ruak, hateten, ho autorizasaun estende EE ne’e hodi fó kbi’it ba Governu, atu reforsa liu-tan nia kontrolu, hodi asegura povu Timor-Leste husi moras COVID-19 ne’ebé hamate ema barak iha mundu.

“País sira bo’ot de’it dalaruma la konsege atu kontrola sira-nia país, liu-liu iha fulan Setembru ne’e kazu sa’e maka’as liu, iha Europa ameasa ba segunda vaga ne’e intensidade bo’ot loos, dadus husi Organizasaun Mundiál Saúde (OMS) hatudu katak, iha 27 de Setembru ne’e 32,7 milloens mak infetadu iha mundu tomak no besik millaun ida mak mate”, afirma PM Taur.

Xefe Governu ne’e hateten, Timor-Leste rejista kazu 28, maibé mate laiha, ida ne’e akontese, tanba kolaborasaun sidadaun no entidade sira hotu ni’an, nune’e identifika la-lais kazu ne’ebé mai husi rai-liur, izola no impede sira-nia alastramentu ba iha komunidade no ilumina sira-nia prezensa iha ita-nia rai.

“Tanba ne’e atu fó kbi’it ba Governu, hodi kontinua reforsa kontrolu, laiha dalan seluk selain ami husu autorizasaun husi Prezidente Repúblika (PR) no haruka mai iha PN para deklara EE”, afirma PM Taur.

Alénde ne’e, Prezidente Parlamentu Nasionál, Aniceto Guterres Lopes, husu ba Governu, atu tau iha konsiderasaun ba rekomendasaun sira ne’ebé reprezentante povu sira koloka iha diskusaun ne’e, nune’e prevene Timor-Leste husi moras refere.

“Autorizasaun ba renovasaun iha ona, PN hein katak Governu implementa ho di-di’ak no konta proekupasaun deputadu hotu-hotu ni’an ne’ebé ohin koloka iha plenária ne’e, atu hetan atensaun másimu”, sujere Prezidente PN ne’e.

Enkuantu númeru kazu COVID-19 nível mundial rejista kuaze tokon 34.4, inklui Indonézia rihun 295. Say

Lee hotu :   AUSTRALIA PROMETE SEI APOIA MILLAUN 10.5 USD BA TL

Add to Comments Here!!!!

error: Content is protected.
Secured By miniOrange
You might also like:
Reitor UNPAZ: Membru PN menus kontrolu ba ezekusaun OJE kada ministériu

Reitór Universidade da Paz (UNPAZ), Adolmando...

Polémika osan sei la mai TL, FRETILIN: Informasaun ne’e la loos

Deputada bankada FRETILIN, Maria Angelica Rangel,...

FRETILIN garante OJE 2020 1.4 Governu sei ezekuta hotu

Prezidente komisaun C ne’ebé trata Asuntu...

Close