JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur garante Governu sei ezekuta OJE ho di’ak

PM Taur garante Governu sei ezekuta OJE ho di’ak

Primeiru Ministru (PM), Taur Matan Ruak, lori VIII Governu nia naran, agradese ba membru Parlamentu Nasionál, inklui bankada opozisaun tanba durante debate OJE 2020, fó kontribuisaun maka’as, no nia garante katak, sei ezekuta OJE 2020 ho di’ak.

“Ha’u kontente loos tanba finalmente OJE 2021 pasa, iha finál globál iha PN, nune’e ha’u hakarak lori Oitavu Governu nia naran agradese ba Prezidente PN, meza PN no deputadu sira hotu, espesiál ba bankada Governu nian ne’ebé apoiu Governu”, dehan PM Taur.

Xefi Governu ne’e, lori VIII Governu nia naran fó saudasaun espesiál ba partidu opozisaun ne’ebé durante ne’e fó kontribuisaun maka’as no Governu mos rejista sira nia preokupasaun barak.

Líder Ezekutivu ne’e hatutan, espera ba oin kontinua hadia nafatin abilita no kapasita Governu ho prestasaun servisu ida di’ak ba sidadaun sira.

Xefe Governu ne’e hatutan, programa ne’ebé Governu iha ne’e bo’ot, maibé planu prioridade mak rekuperasaun ekonómika, ne’e ho orsamentu montante tokon USD113 resin, ne’ebé sei tau ba populasaun, emprezáriu no traballdór formál no mós non formál.

PM Taur relata, Governu sei servisu maka’as hodi implementa, programa ida ne’e durante fulan rua nia laran, tanba kontinuasaun sei mai iha OJE 2021.

“Dalaruma ita nia asesór sira mak sala, maibé ne’e Governu mak sala hotu ne’e ita aprende hanesan ne’e, mais naturalmente Governu esforsu kontinua hadi’a no ba oin bele mellora nafatin, hodi aprezenta orsamentu ida, estruturalmente ho konteudu di’ak, tuir ita nia konstituisaun, lei sira no rejimentu PN nian,”afirma PM Taur.

Sorin seluk, bankada opozisaun CNRT hateten katak, husi inísiu sira nota momoos ona katak, Governu ida ne’e nia kapasidade fraku teb-tebes iha ezekusaun Orsamentu Jeral Estadu (OJE) 2020, tanba sei atinji de’it porsentu 48.4.

Lee hotu :   PEP sei hari´i uma ba oan kiak no idozos

“VIII Governu ninia kapasidade fraku iha ezekusaun, OJE 2020, tanba ajinji de’it porsentu 48.4 no sei iha saldu tokon USD 690,27 maibé, Governu hakarak dada hotu osan husi fundu petrolíferu,” informa, Vise Xefi Banakda CNRT, Patrocínio Fernandes, iha Parlamentu Nasionál, Kinta (08/10/2020).

Patrocínio esplika, tuir lolos husik osan hirak ne’e hodi investe iha merkadu finanseira, nune’e fó retornu ba konta fundu petrolíferu, liu-liu iha situasaun ne’ebé, Timor sei depende hela ba fundu soberanu ida ne’e.

“CNRT vota kontra iha final globál tanba lakohi atu kontribui ba hahalok gasta osan arbiru ne’ebé Governu ida ne’e sei komete,” tenik Patrocínio.Cin

Add to Comments Here!!!!

error: Content is protected.
Secured By miniOrange
You might also like:
Deskonfia Vise MI fasilita kareta plat RI tama TL iha períodu EE

Deputadu bankada CNRT, José Virgílio, hatete,...

FRETILIN-PD apoia Governu investe fibra ótika iha Kosta Sul

Reprezentante povu iha uma fukun Parlamentu...

CNRT: KHUNTO la intende demokrasia

Bankada CNRT konsidera deputadu bankada KHUNTO...

Close