JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur haraik-an husu deputadu aprova proposta OJE 2020

PM Taur haraik-an husu deputadu aprova proposta OJE 2020

Primeiru Ministru (PM), Taur Matan Ruak, husu ba deputadu sira Parlamentu Nasionál ho haraik-an atu Orsamentu Jeral Estadu (OJE) tinan 2020 pasa.

 “Iha momentu ida ne’ebé ba datolu no lori Governu Konstitusionál VIII nia naran, ha’u iha onra atu ho haraik-an no sentidu futuru nian, aprezenta no husu dala ida tan, aprovasaun ba proposta Lei OJE ni’an ba tinan fiskál 2020,” dehan, Primeiru Ministru, Taur Matan Ruak, iha Parlamentu Nasionál, Kinta (01/10/2020).

PM Taur hatutan liu tan, país ida-ne’ebé prósperu, pasífiku, tolerante, inkluzivu, sensivel ba kestaun jéneru no maske preokupa ho ninia sidadaun sira-nia moris haksolok, la haluha no la husik hela maluk ida ba kotuk.

PM Taur akresenta, entendimentu ida ne’ebé garante ona, entre fulan-Juñu no fulan-Jullu tinan ida ne’e, formasaun husi maioria parlamentár foun ida, ne’ebé bele lidera país to’o mandatu remata, hodi dezblokeia impase Governativu ne’ebé hahú kedas husi tinan 2018.

“Kondisaun no biban hirak ne’ebé ema hotu rekoñese hanesan buat ne’ebé nesesáriu no esensiál atu kumpre promesa oin-oin ne’ebé Governu hotu, repete ona durante tinan 18 nia laran atu halakon hamlaha, hamenus moris-kiak, kria empregu dignu no husik hela, hanesan liman-rohan ida ba jerasaun foun sira,” dehan PM Taur.

Xefe Governu ne’e esplika, Governu halo aprezentasaun ida-ne’e iha sirkunstánsia sira ne’ebé exesionál tebes, bainhira pasa fulan sanulu ho ezekusaun orsamentál iha rejime duodésimu, durante períodu ne’ebé Timor-Leste hasoru teste ida, nu’udar povu no hanesan nasaun soberana, ne’ebé unida no independente.

Líder ezekutivu ne’e hatutan, dala ida tan Timor-oan sira hatudu ba mundu sira-nia kapasidade atu rejiste hasoru krize no diversidade, hodi rejeisaun ba dezafiu no obstákulu sira, ba difikuldade no mudansa sira ho aten brani, firmeza, konjugasaun entendimentu no mobilizasaun husi vontade no esforsu sira.

Ida ne’e duni mak akontese bainhira, hafoin rejeisaun ba proposta Lei OJE ni’an daruak, mosu tuir kedas períodu inserteza no impase polítiku iha nivel nasionál.

“Ita hotu nu’udar nasaun, bele sente orgullu, tanba ita-nia diferensa polítika oin-oin ita rezolve ho dame, maibé, naturalmente, katak, husi natureza polítika ni’an ne’e rasik, mak ita iha hanoin la hanesan, ne’e maka forma oinsá ita diskute, ho respeitu, no partilla ita-nia mehi ne’ebé bo’ot tebes atu transforma Timor-Leste sai país ida ne’ebé justu, modernu, ekuitativu, prósperu no dezenvolvidu liután, ho rendimentu médiu-as,” tenik Taur.

Xefe ezekutivu ne’e hatutan, ho membru VIII Governu Konstitusionál ne’ebé kompleta ona, hamutuk iha misaun atu ezekuta programa Governu nian ida-ne’ebé konsensuál, atu atinje meta no indikadór sira, tuir objetivu hirak ne’ebé hatur ona.

Xefe Governu akresenta, ho matenek no hanoin di’ak maka bankada parlamentár oi-oin, ne’ebé ohin loron apoia Governu ne’e konsege hakat liu iha tempu util, impase ne’ebé halo país ne’e moris iha inserteza polítika bo’ot ida nia laran no ne’ebé halo sidadaun sira no ajente ekonómiku oi-oin lakon konfiansa.

“Impase ne’ebé sai grave liután ho inundasaun no dezastre naturál sira ne’ebé akontese iha ita-nia país iha fulan-Marsu no fulan-Maiu, hodi halo ema balu mate, estraga sasán no fó prejuízu bo’ot ba ema no família atus ba atus,” afirma, PM Taur.Cin

Lee hotu :   MASKE LA TAMA GOVERNU, HORTA: GOVERNU NAFATIN RONA XANANA

Add to Comments Here!!!!

error: Content is protected.
Secured By miniOrange
You might also like:
TDD husu MP loke investigasaun ba oknum PNTL ne’ebé simu osan husi motorista

Tribunál Distritál Díli (TDD) liu hosi...

PNUD apoia konstrui uma komunikasaun ba PN

Uniaun Europeia ho Programa Nasones Unidas...

MESSK propoin millaun USD 2.2 ba indemnizasaun afetadu sidade universidade

Iha loron 30, fulan ne’e, Ministériu...

Close