JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN husu PM Taur tau diskursu polítiku ba prátika

PN husu PM Taur tau diskursu polítiku ba prátika

Xefe bankada PUDD, deputadu António de Sá Benevides iha nia instervensaun liu hosi diskusaun proposta Orsamentu Jerál Estadu (OJE) ba tinan 2020, husu ba Primeiru Ministru (PM), Taur Matan Ruak, tau iha prátika hodi sai realidade ba liafuan sira ne’ebé hato’o iha diskursu iha Parlamentu Nasionál (PN).

Reprezentante povu ne’e observa, diskursu Xefe Governu mesak furak durante iha Parlamentu Nasionál, maibe tuir nia furak liu tan bainhira tau iha prátika, maske nei-neik no presiza rekere kontribuisaun ema hotu nian.

 “Ha’u rona ita bo’ot (PM) nia diskursu furak demais, halo ha’u atu rona bei-beik, “Queremos um país onde as oportunidades para todos, um páis de Liberdade um país de escollhas, em que cada sidadão possa contruir com felicidades o seu projeto de vida”  povu tomak hein hela liafuan hirak ne’e.

Maibe nia dehan, liafuan hirak ne’e sei furak liu tan, bainhira tau iha prátika, sei la fásil, maibe ema hotu nia esforsu atu tau iha prátika, se lae liafuan hirak ne’e bele halo ita imajina fali hanesan udan bo’ot, mota merak tun hosi Remeçio no mota ne’e bele nakfilak-an fali ba susu-been ou bani-been.

“Maibe PUDD konsíente katak PM dehan Queremos la’os Quero, Queremos signifika ita hotu hakarak, membru Governu no deputadu, setór privadu no povu tomak nia hakarak, ba ida ne’e rekere ita hotu nia kontribuisaun”, tenik deputadu PUDD ne’e iha PN, Sesta (02/10/2020).

Deputadu António akresenta katak, ho proposta Orsamentu Jerál Estadu ba tinan 2020 ne’e, nu’udar tempu ona atu halo revizaun ba programa governu nian, tanba programa ne’ebé dadaun ne’e VIII Governu iha, kompozisaun governu anterior nian.

“ ha programa lubuk ida ita hatene ho serteza katak programa hirak ne’e labele ezekuta, ezemplu konkretu mak governu promete atu loke kampu traballu ba 60 mil pessoas, nu’udar deputadu ba nasaun, ami husu atu tau atensaun ho másimu ba sentru formasaun sira ne’ebé eziste ona iha Timor, espera bele konsidera iha programa no orsamentu 2021 nian,”realsa deputadu bankada PUDD ne’e.

Alénde ne’e, deputadu PLP, Noe da Silva “Buka Tuir” garante katak, Primeiru Ministru Taur Matan Ruak ho nia elenku Governu sei ezekuta di’ak Orsamentu Jerál Estadu ne’e, ba prioridade povu tomak nian.

Ami laiha kestaun ida atu koloka iha Proposta Orsamentu 2020 ne’e, tanba ami konsiente katak, OJE 2020 ne’e kuaze maioria 60% e tál maioria gastus tiha ona dentru fulan Janeiru to’o mai iha Setembru ao mezmu tempu ba fulan tuir mai.

Ami iha de’it esperansa ba governu atu bele halo ezekusaun ida di’ak, hanesan Sr. Primeiru Ministru rasik dehan , ita labele haree ba nia taxa ezekusaun ida ne’ebé aas, maibe ezekusaun ida ne’ebé mak ba duni nesseidade ida ne’ebé mak ba duni ita nia povu no nasaun.subliña Noe.

Entretantu, proposta Orsamentu Jerál Estadu ba tinan 2020 ho montante billiaun USD 1.4  pasa ona iha jeneralidade hafoin diskute durante loron 2, ho votu a favór 44, kontra 0 no abstensaun 21.

Tuir ajenda, diskusaun faze espesialidade sei hala’o loron 4 no finál globál loron ida, tuir karatér urjénsia.

Tuir planu, Governu sei baixa proposta Orsamentu Jerál Estadu tinan 2020 ho montante orsamentu prelimináriu billiaun USD 1.8 iha loron 15, fulan Outubru, tinan ne’e. Say

Lee hotu :   PN aprova ona projetu lei MPCC ho unanimidade

Add to Comments Here!!!!

error: Content is protected.
Secured By miniOrange
You might also like:
PN husu VIII Governu responde povu nia halerik ba bee moos

Deputadu Parlamentu Nasionál, husi bankada PD,...

Governu esforsu investe iha setór importante sira

Primeiru Ministru (PM), Taur Matan Ruak,...

PM: OGE de 2020 é oportunidade para transformar o país

O Primeiro-Ministro, Taur Matan Ruak, disse...

Close