JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN: La tempu ona Governu implementa programa sesta bázika

PN: La tempu ona Governu implementa programa sesta bázika

Xefe bankada PD iha Parlamentu Nasionál (PN), António da Conceição “Kalohan”, konsidera, la nesesáriu Governu implementa planu no programa sesta bázika durante fulan rua nia-laran, tanba loloos ne’e implementa hahú Estadu Emerjénsia (EE).

“Governu atu implementa planu no programa sesta bázika la ladun sufisiente, atu halo preparasaun hodi sosa produtu lokál tenke mobilizasaun. Planu no programa refere implementa hanesan urjente, tuir loloos implementa iha implementasaun iha EE, ha’u dehan darurat buat ida la devia sesta bázika foin hanoin agora, tuir loloos hanoin iha implementasaun EE“, Xefe bankada PD ne’e ba jornalista sira iha Parlamentu Nasionál (PN), Kuarta (21-10-2020).

Kalohan akresenta, Governu implementa planu no programa sesta bázika ne’e ho urjensia, maibé tempu la nesesáriu ona, tanba hela de’it fulan rua no dau-daun ne’e tempu ba povu agrikultór sira atu kuda sira-nia produtu no sei halo kolleta iha fulan Marsu, tinan 2021.

Tanba ne’e, Governu la’ós ona atu halo rekuperasaun ekonómika iha rai-laran, maibé osan kontinua ba estranjeiru.

“Ha’u tenke dehan tempu mak la nesesáriu ona, loloos ne’e Governu tenke hanoin ida ne’e, iha tempu implementa EE ne’e halo populasaun maioria lakon servisu ou informa antes tiha para povu hela ho hakmatek, hodi halo to’os Governu bele rekolla produtu sira, hodi halo distribuisaun. Planu no programa sesta bázika laiha ona benefísiu iha tempu ne’ebé povu agrikultór sira atu kuda haree ba kuantidade sufisiente ou lae, ida ne’e mak sai preokoperasaun, ho nune’e Governu difísil atu implementa programa no planu sesta bázika”, tenik Xefe bankada PD ne’e.

Husi parte seluk, Xefe bankada FRETILIN, Francisco Miranda Branco, apresia, planu no programa VIII Governu Konstitusionál ne’ebé tenta atu rekupera ekonomia iha faze emerjénsia no faze pós emerjénsia rua, faze primeiru liu ona no agora tama ona ba faze segundu.

“Agora dau-daun ita iha faze emerjénsia atu halo resposta ba kestaun sira ne’ebé define tiha ona iha kuadru legál lubuk ida ne’ebé Governu prepara tiha ona, atu ezekuta planu rekuperasaun ekonómiku. Haree ba kultu prazu medida ekonómiku sei fó benefísiu ba produtór ou agrikultór sira ne’ebé produs báziku alimentár no benefísia setór komersiál. Planu no programa sesta bázika benefísia sidadaun hotu iha rai ne’e, ne’ebé ita seidauk hatene dadus ikus liu ita-nia númeru populasaun iha nasaun ida ne’e 1.4 ou 1.3, ha’u hanoin importante ita tenke determina“, tenik Xefe bankada FRETILIN ne’e.

Antes ne’e, Ministru Turizmu Komérsiu no Indústria, José Lucas do Carmo da Silva, hateten, preparasaun Governu nian kona-bá atribuisaun sesta bázika ne’e sei implementa iha fulan Novembru no Dezembru to’o ona pursentu 90.

Entretantu despeza ba programa sesta bázika hamutuk tokon USD 113,4, hodi finansia atividade sira hotu liu husi fundu COVID-19. Husi númeru ne’e atribui ba sesta bázika tokon USD 71 liu, ne’ebé sei implementa iha fulan Novembru no Dezembru, tinan ne’e. ety

Lee hotu :   KHUNTO aprezenta Longuinhos ba MI, sei deside subtitui Turquel

Add to Comments Here!!!!

error: Content is protected.
Secured By miniOrange
You might also like:
Lere: Prabowo la tama lista violasaun direitu umanu iha Timor-Leste

Xefe Estadu Maior FALINTIL-Forsa Defeza Timor-Leste...

COVID-19 lori Governu investe barak iha setór produtivu

Ministru Prezidénsia Konsellu Ministru (MPKM), Fidelis...

KAK kontinua investiga ireguladidade konstrusaun ró Haksolok

Komisáriu Komisaun Anti Korupsaun (KAK), Sérgio...

Close