JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN lamenta asesór MAP nível estudu sekundária saláriu USD 5.000

PN lamenta asesór MAP nível estudu sekundária saláriu USD 5.000

Parlamentu Nasional (PN), liu husi deputadu bankada CNRT no PD lamenta ho asesór iha Ministériu Agrikultura no Peska (MAP), ne’ebé ho nivel estudu sekundária simu saláriu rihun USD 5.

“Orsamentu ba MAP nian barak liu ba iha bens servisu no husi bens servisu nian barak liu mak iha servisu profesionál, iha audénsia ami husu ba ministru relasiona ho servisu profesionál sira iha ema na’in 500 funsionáriu kontratadu”, Deputada bankada CNRT, Virginia Ana Belo liu husi ninia intervensaun iha plenária, Kuarta (07/10/2020).

Virginia hatete, tuir informasaun ne’ebé Diretór balun husi MAP hatete, pesoál ne’ebé ba apoiou iha Gabinete Ministru, Vise Ministru no Sekretáriu Estadu hamutuk na’in 24.

“Ema hirak ne’e nia saláriu hahú husi USD 1.200 to’o rihun USD 6 ami la kestiona ida ne’e, problema ba ami mak ne’e, iha asesór balun ho nivel edukasaun sekundaria, maibé simu saláriu rihun USD 5. Ita boot sira presiza haree di-di’ak, tanba ida ne’e mak ita dehan gastu ne’e ba sira ne’ebé ho nivel estudu favóravel, ba ami laiha problema, ha’u bele sura orsamentu ne’ebé tau boot liu ba servisu profesionál ho montante rihun USD1.6, ne’e rihun USD 556 uza selu hotu asesór 24 ne’e”, tenik deputada bankada CNRT ne’e.

Iha fatin hanesan, deputadu PD, Adriano do Nascimento, informa, iha dekretu lei balun hatete, ema ne’ebé ho nivel estudu sekundáriu ou lisensiatura ne’ebé zero esperénsia, hahú husi saláriu rihun USD 1 no ba sira ne’ebé iha esperénsia ho saláriu USD 1.500 kada fulan.

“Buat ne’ebé halo ha’u preokupa ema ne’ebé sai asesór laiha títulu lisensiatura, simu saláriu rihun USD 5 señor PM, sé ida ne’e loos ne’e ita tenke tau atensaun ba problema ne’e, ha’u nia preokupasaun ne’e, enkuantu ida la tuir loloos regra ne’ebé iha mak ema ne’ebé ho nivel estudu pre-primária ate sekundária hakat liu fali ema ne’ebé iha títulu ne’e ita halo insulta boot ida ba komunidade akadémiku sira”, afirma Adriano.

Nia haktuir tan katak, ida ne’e la valóriza ona ema sira ne’ebé eskola tinan lubuk ida iha esperénsia barak, ne’e sira bele halai ba nasaun seluk hodi fan sira nia matenek, ida ne’e problema sériu ida.

Hatán ba lamentasaun ne’e, Ministru Agrikultura no Peska, Pedro dos Reis, subliña, ba sira ne’ebé mak remata estudu sekundária hetan saláriu rihun USD 5, odamatan MAP nakloke ba deputada no deputadu sira bele hakat ba, hodi halo justifikasaun.

“Atu hatete klaru katak, iha MAP ami-nia prezensa iha ne’ebá asesór internasionál sira ha’u hapara hotu, ha’u foti Timor-Oan sira ne’ebé iha esperénsia para atu servisu hamutuk ho ha’u. Ami ba iha MAP ho vontade atu servisu, la’ós atu fahe osan iha ne’ebá, ami iha ne’ebá sai servidór, ami la’o tuir lala’ok ne’ebé eis Ministru MAP nian no ami dader mai servisu lorokraik fila ba uma, la’ós ba fali Becora”, subliña Ministru Agrikultura no Peska ne’e.

UDT konsidera OJE 2020 hanesan siluman

Xefe bankada UDT, Francisco David Carlos “Ramkabeam”, konsidera, proposta Orsamentu Jerál Estadu (OJE) tinan 2020 hanesan siluman, tanba orsamentu ho montante ne’ebé boot, nune’e hela fulan rua (2) ne’e Governu iha kapasidade atu ezekuta ka lae.

“Orsamentu ne’e ha’u konsidera orsamentu siluman, tanba montante orsamentu ba fulan rua (2) ne’e, sera que iha kapasidade ministériu atu ezekuta, ha’u konsidera, maibé bolu naran Governu tonka-tonka”, Xefe bankada UDT ne’e liu husi ninia intervensaun bainhira hala’o debate ba proposta OJE 2020 iha faze espesialidade ba loron datoluk, Kuarta (07-10-2020).

Nia akresenta, hafoin akompaña proposta OJE 2020 to’o diskusaun ba faze espesialidade loron tolu, konkluzaun ne’ebé nia parte foti, tanba hela de’it fulan rua orsamentu ne’e, membru Governu iha kapasidade bele ezekuta ka lae?

“Maibé prontu Timor tenke la’o ba oin, ho VIII Governu daruak nia konsiderasaun boot, maibé nia bolu naran Governu tonka-tonka”, tenik Francisco.

Deputada bankada FRETILIN, Josefa Álvares Pereira Soares, rejeita, OJE 2020 hanesan orsamentu furtividade ka siluman, tanba liafuan ne’e la merese atu hasai, tanba polítika hakarak destrói de’it.

“OJE 2020 hanesan atu kobre duni ba governasaun, agora ha’u kontra bolu dehan Governu tonka ita la komprende saída mak viabiliza FRETILIN, viabiliza atu Governu ne’e bele to’o remata nia mandatu, sé lae ita komesa kria ona tradisi hasae no hatun malu. Maibé lakohi suporta, nune’e Governu bele la’o ba oin atu bele kumpre nia mandatu ne’e to’o remata, hodi halo dezenvolvimentu ba rai. Sé bainhira bolu OJE 2020 hanesan siluman, ne’e sira komprende sala kona-bá OJE ne’ebé ezekutadu tiha ona ne’ebé mai husi OJE 2020, só atu kompleta de’it saída mak falta hodi ezekuta”, tenik deputada FRETILIN ne’e.

Entretantu PN finaliza ona debate OJE iha faze jeneralidade no tama ona iha faze espesialidade durante loron tolu. cin/ety

Lee hotu :   PD SEI RESPONDE KARTA FRETILIN semana ne’e

Add to Comments Here!!!!

error: Content is protected.
Secured By miniOrange
You might also like:
MS sei prosesa pagamentu ba pasiente iha rai-liur

Ministra Saúde (MS), Odete Maria Freitas...

OJE kada tinan valor boot sirkula ba estranjeiru

Vise Prezidente Camara Comercio Industria Timor-Leste...

Vigararia Díli entrega illas Na’in Feto ba Vigararia Díli Leste no Oeste

Atu komemora ezisténsia tinan 80 Dioseze...

Close