JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR propoin sosa kareta iha OJE 2020

PR propoin sosa kareta iha OJE 2020

Prezidensia Repúblika (PR), Francisco Guterres Lú Olo, liu hosi proposta Orsamentu Jerál Estadu (OJE) 2020, propoin atu sosa kareta ida no mákina fura bee moos ida ba nesesidade Prezidénsia Repúblika nian.

Iha diskusaun espesialidade ba proposta OJE 2020 ne’e, iha proposta alterasaun rua, maibe ida mak pasa, hodi halo mudansa hosi PR nia viajen estranjeiru, ba fali kapitál Menór hodi sosa kareta ida ho mákina fura bee moos.

Proponente ba proposta alterasaun kona-bá halo mudansa ba osan viajen estranjeiru, deputadu Joaquim dos Santos, justifika, pedidu sosa kareta no mákina fura bee ne’e nesesidade urjente, tanba ne’e presiza apoiu hosi deputadu sira hotu.

“Casa Civíl PR nian husu para viajen estranjeiru nian ne’e muda fali ba kapitál menór, tanba ate Dezembru sira laiha nesesidade atu ba rai-liur, maibé sira prezisa sosa kareta ida ba PR no mákina fura bee ida ba nesesidade Prezidensia nian”.

“Sira (Casa Sivíl) dehan kareta ho mákina ne’e ba sira urjente teb-tebes atu hola iha entre Novembru to’o Dezembru ne’e, tanba ne’e mak ita konkorda atu PN aprova pedidu ida ne’e, para iha 2021 laiha ona nesesidade atu sosa kareta ba Prezidensia Repúblika. Tanba ne’e, proposta ne’e pertinente PN tenke aprova, tanba nesesidade urjente,” haktuir Prezidente komisaun A ne’e, iha diskusaun OJE 2020, iha Parlamentu Nasionál (PN), Segunda (05/10/2020).

Maske nune’e, deputada bankada CNRT, Fernanda Lay, konsidera, montante ne’ebé parte Casa Sivíl aloka sosa veíkulu boot demais, nune’e presiza iha justifikasaun.

“Atu hola kareta rua de’it mak ho valór USD 200 tál mill, ninia kritéria ne’e saída? espesífikasaun saída, ne’e ita tenke kestiona duni,” kestiona deputada opozisaun ne’e.

Maske nune’e, PN konsege halo mudansa osan hosi viajen estranjeiru ba Xefe Estadu, ba fali sosa kareta ida no mákina fura bee moos ba nesesidade Prezidensia da Repúblika.

Entretantu proposta Orsamentu ba Prezidensia da Repúblika ne’e pasa ona iha faze espesialidade ho votu a favór 43, kontra 7 no abstensaun 13.

Ba montante orsamentu tokon USD 6.004 kompostu hosi saláriu vensimentu rihun USD 996, bens servisu tokon USD 4.961, inklui transferénsia públika rihun USD 53 no kapitál menór rihun USD 34, maibé laiha kapitál dezenvolvimentu.

Alénde deputadu sira PN prepara proposta alterasaun hamutuk 51 maioria aprezenta hosi deputadu opozisaun no diskusaun iha faze espesialidade ne’e sei hala’o durante loron 4. Say

Lee hotu :   Mari Alkatiri: Mákina Estadu funsiona ho normal

Add to Comments Here!!!!

error: Content is protected.
Secured By miniOrange
You might also like:
CNRT kritika PM Taur fó kompetensia ba xefe gabinete asina kontratu

Bankada opozisaun CNRT halo kritika maka’as...

CC tenke halo auditoria ba servisu profisionál Armanda Berta

Bankada CNRT iha uma fukun Parlamentu...

PD lamenta MF auzente iha debate OJE 2020

Deputada Partido Democrátíco (PD), Elvina de...

Close