JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ramos Horta: PR tenke neutru iha desizaun

Ramos Horta: PR tenke neutru iha desizaun

Premiadu Nobel da Paz, José Manuel Ramos Horta, hatete, atu kria situasaun di’ak iha nasaun ida Prezidente Repúblika (PR) ninia papel importante tebes liu husi hatudu neutralidade bainhira  foti desizaun, tanba liu husi neutralidade mak la hamosu problema.

Premiadu Nobel da Paz, hato’o asuntu ne’e wa’inhira sai oradór iha Semináriu Nasionál ho tema Patriotizmu Konstituisionál Sensibilizasaun Konsiensializasaun ne’ebé realiza husi East Timor Coffee Institute (ETCI) hamutuk ho komisaun Justisa Paz Integridade Kristaun (JPIK), iha munisípiu Ermera.

“Portantu Prezidente Repúblika tenke buka mantein ninia neutralidade, imparsialidade mezmu nia mai husi partidu ruma, nia la presiza dehan labele ne’e ema partidu, iha Portugál iha Fransa sira hotu-hotu mai husi partidu ruma, balun lae, mas kuaze hotu-hotu mai husi ne’ebá, por ezemplu Prezidente Portugál ninian, PSD ninian uluk tinan 20 liu ba tiha ona, i dalaruma PSD rasik iha Portugál mak hirus nia, tanba sira haree nia halo desizaun ruma tendénsia fali ba PSD, portantu Prezidente tenke asima de toda a suspeita, sé lae problema iha ita nia rai,” Ramos Horta liu husi ninia aprezentasaun, Sesta (09/10/2020), iha salaun Parokia Ermera.

Iha fatin hanesan, oradór Avelino Coelho, esplika situasaun polítika ne’ebé oras ne’e dau-daun akontese, tanba reprezentante povu sira la kumpre ona norma konstitusionál ne’ebé durante ne’e iha.

“Lei ne’ebé maka Parlamentu rejeita ona labele submete fila-fali, iha sesaun lejislativu ne’ebé hanesan ita iha konseitu lejislatura no ita iha mós sesaun lejislativu, ita aprezenta fila-fali iha terseira sesaun lejislativu, terseira sesaun lejislativu pode ser 15 de Setembru ba to’o fali Jullu tinan oin bainhira deputadu sira foti sira nia ferias, quer dizer ita la kumpre norma konstituisionál, tanba ita ladun respeita ita-nia norma konstituisionál mak ita-nia Estadu Direitu Demokrátiku ne’e ladun funsiona ho diak,” esplika Avelino.

Enkuantu iha semináriu ne’e partisipa husi estudante hamutuk 1.100 husi eskola sekundaria 4 iha munisípiu Ermera, Universidade ETCI, UNPAZ, inklui estajiadu UNTL.Jen

Lee hotu :   PR Lú Olo haruka ona karta estensaun Estadu Emerjénsia ba PN

Add to Comments Here!!!!

error: Content is protected.
Secured By miniOrange
You might also like:
KM estende prazu entrega projetu estrada Díli-Manatuto ba Governu

Konsellu Ministru (KM) aprova projetu deliberasaun...

CNRT sei husu TR pronunsia legalidade OJE 2020

Vise Xefe bankada CNRT, Patrocínio Fernandes,...

Governu muda estatutu ADN ba institutu públiku

Governu liu husi Konsellu Ministru (KM),...

Close