JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SEMA suspende atividade kompañia Handy Plastic tanba kontra lei

SEMA suspende atividade kompañia Handy Plastic tanba kontra lei

Governu liu husi Sekretaria Estadu Meiu Ambiente (SEMA), suspende atividade kompañia Handy Plastic, tanba kontra lei númeru 37/2020.

Sekretáriu Estadu Meiu Ambiente (SEMA), Deométrio Amaral, ho nia ekipa halo inspesaun hodi hapara provizóriu sira nia atividade, tanba kontra lei kona-bá eliminasaun plástiku iha Timor-Leste, maske antes ne’e SEMA fó ona karta ba sira hodi labele halo produsaun plástiku, maibé kompañia refere kontinua produz plástiku.

Tanba ne’e, SEMA deside hapara sira nia atividade, tanba antes ne’e halo ona inspesaun dala rua no halo mós notifikasaun, maibé la hetan resposta husi kompañia refere.

Deométrio mós ameasa sei hato’o keixa formál ba Ministériu Públiku (MP), hodi halo prosesu tuir dalan justisa.

“Ami halo inspesaun ida bazeia ba dekretu lei eliminasaun importasaun produsaun saku plástico de uzo iha fatin ida ne’e, kompañia ho naran Handy Plastic opera laiha lisensa ambientál, ami halo notifikasaun iha kedas 22 de Juñu 2020, sira nein mosu ba ami nia fatin atu ami mai halo inspesaun, tuir lei lisensamentu dekretu lei lisensamentu kona-bá eliminasaun produsaun importasaun saku plástico de uzo úniku empreza ne’e kontra lei 37/2020,” SEMA ne’e ba GMN iha Bairo Píte-Díli, Sesta (09/10/2020).

Iha fatin hanesan traballadór, Damião Perreira, preokupa ho suspensaun ne’e, tanba fó impaktu ba sira nia saláriu kada fulan, tanba saláriu mensal ne’ebé sira hetan kada fulan USD 115, maske sira servisu husi loron Segunda to’o Sábadu.

Alende ne’e sira la hetan subsídiu porsentu 60, ne’ebé apoiu husi Governu, maske sira husu ona ba kompañia, maibé laiha resposta.

“Ami nia kompañia prosesu to’o ba lei ami bele ezije ami nia saláriu, saláriu ba oin ka ou saláriu ba fulan ida ne’e sementara agora taka ona, agora ami na’in hira nia saláriu ne’e la’o ka la’e, sé la la’o taka loos ona, ami bele husu ami nia saláriu tinan kotuk ni’an, ami husu ami nia PHK karik ami nia saláriu la la’o, ami bele tuntut ami nia PHK, COVID-19 ni’an atu ba fulan haat ona ami la hetan ami nia BNCTL sai númeru NIS mai fó, maibé laiha, tanba wainhira ami husu ba dehan laiha”, traballadór Damião.

Traballadór ne’ebé servisu iha kompañia Handy Plastic hamutuk na’in sia (9), husi númeru ne’e feto na’in lima (5) no mane na’in haat (4).

Relasiona ho asuntu ne’e, GMN tenta konfirma na’in ba kompañia, maibé nia parte lakohi fó komentariu ho razaun la hatene ko’alia lian Tetun.

Entretantu tuir observasaun GMN iha terenu hatudu katak, maske servisu produsaun plástiku perigu ba ema nia vida, maibé kompañia la prepara uniforme no materiál protesaun ba traballadór sira. Ina

Lee hotu :   PPN Arão Noe: Avaliasaun AMP la’os atu ofende ema

Add to Comments Here!!!!

error: Content is protected.
Secured By miniOrange
You might also like:
Fretilin-PD enkontru koalia rekuperasaun ekonómika

Sekretáriu Jerál partidu FRETILIN, Marí Alkatiri,...

Estende EE impaktu ba roda ekonomia povu ki’ik

Administradór postu administrativu Cailaco, munisípiu Bobonaro,...

Governu prevé tokon USD 338 ba infraestrutura iha 2021

Orsamentu Jeral Estadu (OJE) tinan 2021,...

Close