Timor GAP sei fornese kombustível ba EDTL.EP

Governu deside Timor Gas And Petroleum Empreza Públiku (Timor GAP.EP) sei halo fornesimentu kombustível ba Eletrisidade Timor-Leste Empreza Públiku (EDTL.EP).

Ministru Prezidensia Konsellu Ministru, Fidelis Leite Magalhães informa, Konsellu Ministru aprova alterasaun projetu dekretu lei, ne’ebé aprezenta husi Minístru Óbras Públikas, Salvador Soares dos Reis Pires.

“Liu husi aprovasaun ida ne’e ho tempu tuir mai Timor GAP.EP sei fornese mina ba jeradór sira EDTL.EP ni’an, kona-bá jeradór ne’ebé ni’an parte hateten EDTL mai sei define, ida ne’ebé loos mak sei atribui ba Timor GAP.EP,” dehan, Ministru Prezidensia Konsellu Ministru, Fidelis Leite Magalhães, iha Palásiu Governu foin la-lais ne’e.

Governante ne’e esplika, projetu dekretu lei ne’e ho objetivu atu regula fornesimentu kombustível ho regular no obrigatóriu husi Timor GAP.EP ba EDTL.

Fidelis hatutan nune’e, permite fornesimentu kombustível nesesáriu ho seguru hodi bele mantein funsionamentu, sentru produsaun eletrisidade sira.

Fidelis subliña, Governu halo ona aprovasaun no ba futuru Timor GAP.EP sei halo fornesimentu ba jeradór ne’ebé, EDTL define ona. Cin