GMN TV Politika Akuza uza USD rihun 70 halo festa, Arsénio: Deklarasaun CNRT ne’e laloos

Akuza uza USD rihun 70 halo festa, Arsénio: Deklarasaun CNRT ne’e laloos

Prezidente Autoridade Rejiaun Administrativa Espesiál Oe-Cusse Ambeno (RAEOA) no Zona Ekonomia Espesiál Sosiál Merkadu (ZEESM), Arsénio Paixão Bano, rejeita deklarasaun husi deputadu bankada CNRT iha Parlamentu Nasionál (PN) kona-bá autoridade RAEOA propoin osan montante USD 70.000 hodi halo festa iha fim da semana, tanba informasaun ne’e laloos.

Arsénio konfirma, osan ne'ebé autoridade RAEOA propoin ba Governu sentrál ho montante USD 70.000 ne’e la’ós uza ba festa, maibé uza ba atividade selebrasaun loron nasionál ba tinan 2021, ne'ebé deskreve ona iha kalendáriu nasionál no mós serimónia ofisiál sira seluk.

“70 mill ne’e ami atu halo ba festa tinan 2021 ne’e laloos. 70 mill ne’e ita tau para halo serimónia ofisiál sira ba 20 de Agosto, halo reseisaun ba 20 de Maio, ba loron Oe-Cusse nian, ba serimónia ofisiál ho populasaun, serimónia ofisiál kuandu Prezidente, Primeiru Ministru, Ministru sira no deputadu sira mai karik, ne’ebé 70 mill ne’e ba tinan tomak, la’ós de’it ba ema ida rua, ne’e ba hotu-hotu. Ita-boot sira bele husu ba deputadu sira atu check serimónia ofisiál iha nasionál ne’e gasta osan hira? 20 de Maio de’it gasta osan besik 1 milhão liu”, Prezidente Autoridade RAEOA- ZEESM hafoin partisipa serimónia inaugurasaun edifísiu foun Banco Nacional Comércio de Timor-Leste (BNCTL) iha Pante Makassar-Oe-Cusse, Sesta (19/11/2020).

Arsénio akresenta, orsamentu ne'ebé autoridade husu ba Governu sentrál prevé hodi uza mós ba vizita espesiál deputadu PN, Governante sira husi nasionál no ba atividade seluk tan.

Orsamentu Jerál Estadu (OJE) ba tinan 2021, autoridade RAEOA propoin USD millaun 127, inklui USD millaun 14, hodi finaliza konstrusaun Ró Haksolok.

OJE tinan 2021, Governu sentrál propoin USD tokon 127.000,000 ba RAEOA-ZEESM ne’ebé sei koloka ba saláriu no vensimentu USD 11.072.049, bens SERVISU USD 23.775.569, kapitál menor USD 2.360.470, kapitál dezenvolvimentu USD 85.506.102 no transferénsia públika USD 4.285.810.

Enkuantu kona-bá saláriu vensimentu hamutuk USD 11,072,049 ba funsionáriu hamutuk na’in 2,474 ne’ebé dezagrega iha Gabinete Prezidente Autoridade, Adjunta Prezidente ba Asuntu Sosiál no Sekretáriu Rejionál na’in hitu iha RAEOA-ZEESM. san


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker