JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alkatiri: Kontra Plano da Paz wainhira Xanana sei iha Cipinang

Alkatiri: Kontra Plano da Paz wainhira Xanana sei iha Cipinang

Sekretáriu Jerál partidu FRETILIN, Marí Alkatiri, afirma, nia parte kontra Plano da Paz ne’e hahú kedas Xanana Gusmão sei dadur hela iha prizaun Cipinang-Jakarta, Indonézia.

“Husu ba Xanana, uluk kedas ha’u hakerek ba nia iha Cipinang, kestiona planu ne’e nia hatene”, Sekretáriu Jerál partidu FRETILIN ne’e ba jornalista sira iha edifísiu Prokuradoria Jerál Repúblika (PJR), Sesta (06-11-2020), hafoin hato’o keixa ba PJR hasoru deputadu CNRT na’in 21.

Alkatiri subliña, sé tuir Plano da Paz ne’e mak Timor-Leste sei integra ba Indonézia.

“Sé tuir planu ida ne’e, ohin loron ita ibu ho bapa hotu ona”, hakotu Sekretáriu Jerál partidu FRETILIN ne’e.

Antes ne’e, Marí Alkatiri, iha ninia pájina Facebook, husu eis Komandante em Xefe, Kay Rala Xanana Gusmão no eis Prezidente Repúblika, José Ramos Horta, atu aprezenta fali Plano da Paz, nu’udár estratéjia polítika, hodi solusiona problema ne’ebé akontese, durante invazaun Indonézia, no Plano da Paz ne’e presiza aprezenta no konta ba jerasaun foun, hodi hatene prosesu libertasaun nasionál ho loloos.

Ramos Horta–José Luis Guterres esplika Plano da Paz

Antes ne’e diplomata senior Timor-Leste, José Ramos Horta, hatete, kona ba Plano da Paz 1993/1994 neé nia parte prontu debate ho sé-sé de’it, tanba Plano da Paz ne’e la’ós ekskluzivu. Tanba nia rasik mak aprezenta Plano da Paz CNRM iha Parlamentu Europeiu, iha fulan Abríl, tinan 1992 no iha Nova Iorque, iha fulan Maiu, tinan 1992. Alende ne’e, Horta mós aprezenta Plano da Paz CNRM ne’e iha Noruega, iha fulan Novembru, tinan 1993.

“Ha’u prontu atu debate ho sé de’it, sé mak hakarak debate ho ha’u kona-bá asaun diplomátika, kona-bá Plano da Paz ida ne’e, ou Larigutu ou planu seluk, akadémikamente ita bele ko’alia. Tanba laiha Plano da Paz ida que ita bele hatete ekskluzivu, tanba laiha dalan ida mak tanba ita lee Plano da Paz CNRM implementa duni, mas implementa iha tempu kompaktadu ne’e, ne’e mak akontese sein violénsia. Mezmu Prezidente Indonézia fiar hakarak rezolve, maibé sira la konsege kontrola situasaun iha Ambon, ho seluk tan. Portanto Plano da Paz ida que bele di’ak teb-tebes, tenke ezekuta tuir nia tempu’, ita hanoin dehan la’o di’ak akadémikamente, mas dinámika iha rai-laran be ódiu, be kria violénsia”, Ramos Horta ba GMN iha Bebora Díli, Segunda (13/10/2020), hodi hatán kona ba Plano da Paz 1993/1994 ne’ebé Sekretáriu Jerál FRETILIN, Marí Alkatiri, liu husi nia konta facebook ezije Ramos Horta ho Xanana atu esplika ba públiku.

Horta dehan, iha luta ba libertasaun Timor-Leste ne’e difísil teb-tebes, tanba mobiliza ko’alia ho ema internasionál barak. Dalaruma ema sira ne’e taka odamatan ba nia hodi ko’alia kona-bá problema Timor-Leste.

“Uluk nanain iha enkontru Larigutu, Viqueque, Maun Bo’ot Xanana nu’udár komandante em Xefe FALINTIL, enkontru ho Purwanto, enkontru ne’ebé fasilitadu husi Gubernur Ir. Mario Viegas Carrascalão, aprezenta tiha ona FRETILIN ho FALINTIL nia kondisoens para solusaun ba problema Timor-Leste. Klaru pozisaun militár Indonézia nian, pozisaun Purwanto nian saída? Ne’e mak revizaun Comité Central da FRETILIN tomak, revizaun FALINTIL, garantia sira-nia seguransa, ne’e sira (Indonézia) nia proposta (maun Xanana ko’alia kona-bá ida ne’e foin la-lais ne’e). La signifika que ita tenta iha inisitiva diálogu ruma no iha kedas solusaun, iha kedas aseitasaun, klaru Indonézia joga ho nia forsa. Ita (Timor) tenta manan boa vontade International, hatudu ita-nia matenek, ita-nia sentidu Estadu e que ita nunka rejeita diálogu”, dehan diplomata senior ne’e.

Laureadu Nobel da Paz ne’e dehan, realidade Plano da Paz nian termina ho re­ferendu i termina iha akordu fulan Maiu, tinan 1999, depois 30 de Agosto 1999, úniku ne’ebé la akontese Indonézia ba ita mak ida ne’e, laiha faze tranzisaun ida, sé fosse faze tranzisaun ida iha pode-ser violénsia iha 1999 ne’e la akontese.

“Sira hotu-hotu dehan ba Maun Xanana adia referendu, Portugal mós momentu ne’e adia referendu, Bispu Ximenes Belo mós hatete, adia referendu, tanba violénsia, Maun Xanana tuku meza dehan, laiha adiamentu, ba oin, ba oin asina akordu 5 de Maio, ba oin halo referendu iha 30 de Agosto, tanba maun Xanana hatudu nia vizaun, nia matenek, Ingles hatete, window of opportunity ka janela oportunidade. Sé o lakon oportunidade ida ne’e, tanba o ezije kondisoens oi-oin, tenke iha seguransa 100%, ne’e ita lakon oportunidade referendu sei la akontese, ne’e mak akontese iha Sahara Osidentál nian, ne’e mak akontese kestaun Palestina nian to’o agora, ne’e hatudu maun Xanana nia matenek”, dehan tan Horta.

“Plano da Paz, ita buka kriativu, ita buka manan espasu internasionál. Deklarasaun de prinsípiu la’ós Plano de Paz ida, ne’e deklarasaun de prinsípiu. Plano de Paz buat seluk ida, o buka ho pragmatisma, ho matenek oinsa o bele manan espasu, o bele manan apoiu no ita konsege duni”, dehan Laureadu Nobel da Paz ne’e.

Eis Prezidente Repúblika ne’e mós hatete, Plano da Paz, la signifika iha diálogu ida, iha kedas solusaun no aseitasaun.

Nune’e mós diplomata senior Timor-Leste, José Luis Guterres (LuGu), hatutan, Plano da Paz ne’e hanesan instrumentu traballu para buka apoiu ba Timor-Leste nia luta.

“Akordu 5 de Maio ita hotu apoia, balu iha dúvidas, maibé ho akordu ne’e mak ita iha referendu”, dehan LuGu. san/gmn

Lee hotu :   MUTL AMEASA HALO ASAUN PASIFIKU

Add to Comments Here!!!!

error: Content is protected.
Secured By miniOrange
You might also like:
MJ: Elementos da PCIC poderão ser demitidos em caso de mau uso de arma de fogo

O Ministro da Justiça (MJ), Manuel...

Alkatiri keixa CNRT ba Ministériu Públiku

Sekretáriu Jerál partidu FRETILIN, Marí Alkatiri,...

Konsolida profesionál IT, ICT-TL realiza kongresu daruak

Asosiasaun Information Comunication and Technology Timor-Leste...

Close