JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: Aeroportu Rota de Sândalo nakfilak ba fatin festa

CNRT: Aeroportu Rota de Sândalo nakfilak ba fatin festa

Reprezentante povu iha uma fukun Parlamentu Nasionál (PN), liu-liu bankada CNRT husu ba Prezidente autoridade Rejiaun Administrativa Espesiál Oe-Cusse Ambeno (RAEOA), Arsenio Paixão Bano atu fó klarifikasaun, tanba deskonfia uza Aeroportu Rota de Sândalo halo festa.

Lamentasaun ne’e, Xefe bankada CNRT, Duarte Nunes hato’o relasiona ho imajen ne’ebé viral iha média sosiál facebook Aeroportu Rota de Sândalo ema uza halo festa.

“Ami haree  Aeroportu Rota de Sândalo ne’e ita boot aluga fali ema halo festa iha ne’ebá ne’e oinsa, ida ne’e mak estudu viabilidade, inklui ona tempu ruma halo festa iha ne’ebá ka oinsa, keta halo Rota de Sândalo sai fali ba ita halo festa iha ne’ebá, sé la’e ema iha ne’e fatin laiha ema aluga  iha ne’eba”, Xefe bankada CNRT ne’e liu husi ninia intervensaun bainhira komisaun E, C no D hala’o audénsia konjunta ho Prezidente autoridade RAEOA iha Parlamentu Nasionál (PN), Tersa (10-11-2020).

Duarte esplika, bainhira aeroportu refere sai ona fatin festa loron ruma ema iha Díli bele aluga, hodi hala’o festa iha aeroportu refere, tanba ne’e presiza halo esplikasaun.

Prezidente autoridade RAEOA, Arsenio Paixão Bano, hateten, Aeroportu Rota de Sândalo nakfila ba fatin festa ne’e laloos. Tanba iha loron hirak liu ba nia rasik mak organiza jantar hamutuk ho Embaixadór Koreia iha aeroportu, nune’e la’ós halo festa.

“Oferese jantar ne’e, tanba embaixadór rasik hakarak haree fasilidade sira iha aeroportu refere. Iha ba aeroportu fatin hotu-hotu iha restaurante iha buat no iha Díli agora mós iha restaurante no Burger King ami la halo festa iha aeroportu, ami jantar ho embaixadór Koreia, tanba nia nunka ba aeroportu Oe-Cusse. Foin la-lais ne’e ho númeru ema limitadu la to’o 40 ne’ebé embaixadór gaba tebes aeroportu Oe-Cusse, tanba hala’o jantar ne’e la’o di’ak no laiha atividade dansa. Maibé iha múzika ami rona ha’u Prezidente autoridade RAEOA durante oras rua nia-laran de’it ami jantar hamutuk la’ós iha aeroportu laran, maibé iha liur, karik fó informasaun ladún loos, karik informasaun mak ne’e aeroportu refere la’ós fatin atu halo festa“, tenik Arsenio.

Aeroportu Rota de Sândalo ne’ebé inaugura husi Prezidente Repúblika (PR), Francisco Guterres “Lú Olo” iha loron 19, fulan Juñu, tinan 2019, gasta orsamentu tokon USD 120. ety

Lee hotu :   Dili kontinua halerik bee moos, José Reis: Governu presija estudu klean

Add to Comments Here!!!!

error: Content is protected.
Secured By miniOrange
You might also like:
PN rekoñese mosu dezintendimentu entre Mandati ho Alex Samurai

Uma fukun Parlamentu Nasionál (PN) rekoñese...

Masakre Santa Cruz ba-dala 29, Riak Leman: Foinsa’e sira tenke hametin unidade

Selebra loron Masakre Santa Cruz ba-dala...

Deskonfia membru PNTL ida sa’e sintu iha Indonézia

Deskonfia membru Polísia Nasionál Timor-Leste (PNTL) ida...

Close