JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT la aseita Arsenio prevé tan osan lori fila Ró Haksolok

CNRT la aseita Arsenio prevé tan osan lori fila Ró Haksolok

Vise Xefe bankada CNRT, Patrocínio Fernandes, la aseita Prezidente Rejiaun Administrativa Espesiál Oe-Cusse Ambeno (RAEOA) prevé tan orsamentu atu lori fila Ró Haksolok mai iha Timor-Leste.

“Prosesu ne’ebé tama ona iha prosesu investigasuan ita labele tau tan osan, hodi bele rezolve problema ne’e, ida ne’e mak ponto de vista polítika Governu naran ko’a dalan nian ne’e”, Vise Xefe bankada CNRT ne’e ba GMN iha Parlamentu Nasionál (PN), Segunda (16-11-2020).

Tanba ne’e, tuir Patrocínio, nu’udár instituisaun Estadu Ministériu Públiku (MP) tenke tau atensaun ba kestaun ida ne’e.

Vise Xefe bankada CNRT ne’e lamenta tebes, tanba dau-daun ne’e Ró Haksolok sei iha prosesu investigasaun, maibé Governu atu tau tan osan halo pagamentu ba kompleta ba ró refere.

Xefe bankada FRETILIN, Francisco Miranda Branco, klarifika, maske Ró Haksolok sei iha prosesu investigasaun, maibé orsamentu USD tokon 14 ne’e atu harí Institutu Públiku no funsionamentu aeroportu, inklui ba Ró Haksolok.

“Orsamentu ne’e prevé de’it, maibé kona-bá Ró Haksolok sei iha prosesu negosiasaun ne’ebe hetan ona finalidade orsamentu iha ona, maibé sei iha prosesu negosiasaun. Maske Ró Haksolok sei iha prosesu investigasaun, maibé ita nafatin prevé orsamentu, tanba ita lakohi lakon osan ne’ebé ita investe tiha ona iha ró refere tenke kontinua akompañia, tanba sala mai husi Governu sentrál bainhira halo ajudikasaun direta ba empreza ne’ebé besik atu bankarota, tuir loloos tenke loke konkursu públiku, nune’e bele haree kapasidade. Ita agora labele sé mak sala agora haree oinsa Timor-Leste labele lakon total iha negósiu ida ne’e iha akizasaun ró ne’ebé harí rasik husi kontratu ida ne’e“, dehan Xefe bankada FRETILIN ne’e.

Entretantu kona-bá kazu ne’e, bainhira jornalista husu pergunta ba Prokuradór Jerál Repúblika (PJR), José da Costa Ximenes, maibé PJR lakohi fó komentáriu, tanba konsidera orsamentu ba Ró Haksolok ne’e materia Governu nian.

Foin la-lais ne’e, Prezidente autoridade RAEOA, Arsenio Paixão Bano, informa, OJE tinan 2021 ba RAEOA hamutuk USD tokon 127,000.000, husi orsamentu ne’e inklui USD tokon 14 atu lori fila Ró Haksolok mai Timor-Leste.

Enkuantu, Ró Haksolok ho kustu tokon 13.7 inaugura iha loron 26, fulan Maiu, tinan 2017 no planu atu to’o iha Timor-Leste iha fulan Outubru, tinan 2017, maibé to’o tinan 2020 ne’e. Maibé Ró Haksolok ladauk to’o hela de’it, tanba kompañia Atlantic Eagle Shipbuilding ne’ebé hetan fiar konstroe ró ne’e bankarota, nune’e prejudika prosesu konstrusaun Ró Haksolok. Ety

Lee hotu :   PN aprova voto de congratulação por deliberação da UNESCO de instituir Dia Mundial da Língua Portuguesa

Add to Comments Here!!!!

error: Content is protected.
Secured By miniOrange
You might also like:
Reseita FP sei la aguenta to’o 2031 ba oin

Prezidente Konsellu Konsultivu Fundu Petrolíferu (KKFP),...

Polémika BFA la transfere osan mai, KHUNTO husu BCTL klarifika ba públiku

Xefe bankada KHUNTO, Olinda Guterres, husu...

Mane ida tenta sunu sede suku Comoro

Polísia Nasionál Timor-Leste (PNTL), Eskuadra Dom...

Close