JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Envolve juventude iha dezenvolvimentu, PR husu Governu tenke kria empregu

Envolve juventude iha dezenvolvimentu, PR husu Governu tenke kria empregu

Prezidente Repúblika (PR), Francisco Guterres “Lú Olo”, husu ba Governu atu kria empregu iha Timor-Leste, ho nune’e joven sira bele hetan servisu no partisipa iha prosesu dezenvolvimentu Timor-Leste.

“Joven sira bele dezenvolve rai atu sai di’ak, maibé dezempregu aas tebes, maioria joven sira labele servisu, tanba laiha servisu. Servisu iha rai-liur la’ós solusaun di’ak liu atu rezolve problema dezempregu iha rai-laran. Situasaun ida ne’e hori uluk kedas ho ninia kauza rasik, nune’e Governu tenke kria kondisaun atu hamosu empregu iha rai-laran iha teritóriu tomak. Estadu tomak, liu-liu Governu iha obrigasaun atu buka identifika no koloka joven sira iha área oi-oin, tuir sira-nia kapasidade. Governu tenke fasilita joven sira, hodi sira bele envolve-an iha Timor-Leste nia prosesu dezenvolvimentu”, Xefe Estadu hato’o lia hirak ne’e ba jornalista sira iha selebrasaun masakre Santa Cruz ba dala-29, Santa Cruz-Díli, Kinta (12/11/2020).

Alende ne’e, Prezidente Repúblika (PR), Francisco Guterres “Lú Olo”, apela mós ba sobrevivente 12 de Novembro sira tenke transforma sosiedade no esplora foinsa’e sira-nia poténsia, hodi partisipa iha prosesu dezenvolvimentu.

Nune’e juventude sira tenke halo diskusaun ho juventude sira seluk, hodi  transforma sosiedade no fó espasu ka oportunidade para esplora foinsa’e sira-nia potensiál ka talentu ne’ebé iha.

“Iha loron 12 Novembro 1991, juventude Lorico Asu’ain liu 200 lakon sira-nia vida iha masakre ne’ebé akontese iha Semitériu Santa Cruz no iha loron sira tuir, ho espíritu nasionalista no domin ba ita-nia povu no ba ita-nia nasaun mak ita-nia joven-sira see-an ba mate, hodi defende ita-nia independénsia”, Xefe Estadu hato’o lia hirak ne’e ba jornalista sira iha selebrasaun masakre Santa Cruz ba dala-29, Santa Cruz-Díli, Kinta (12/11/2020).

Hafoin hetan tiha ukun, juventude barak mak buka servisu iha rai-liur, tanba laiha empregu iha rai-laran, nune’e aproveita iha loron importante ne’e Lú Olo, apela ba juventude 12 de Novembro sira no juventude sira seluk hamutuk diskute hodi transforma sosiedade, liu liu fó espasu promove poténsia no talentu jerasaun foun sira hodi denzevolve nasaun.

“Ba erói sira ne’e, nia sentida omenájen! ba sira-nia família tomak, nia hako’ak boot! Tanba aman-inan, oan, maun, bin, alin sira ne’ebé lakon, tanba tuir manifestasaun 12 de Novembro, hatudu duni ba mundu tomak, iha momentu ne’ebá, katak povu Timor-Leste tomak hamri’ik organizadu no determinadu nafatin atu ukun-rasik-an. Timor-Leste hanesan país joven ida no país joven sira-nian katak, maioria populasaun iha idade 35 ba kraik, realidade demográfika ida ne’e hatudu katak joven sira forsa boot no importante iha ita-nia rain. Nune’e, Juventude Lorico Asua’in iha kna’ar importante oi-oin atu hala’o iha ita-nia prosesu dezenvolvimentu nasionál”, subliña Xefe Estadu.

Lú Olo realsa, juventude bele ajuda Estadu hetan solusaun ba problema hotu-hotu ne’ebé mosu ohin loron, nune’e juventude mós bele ajuda Governu implementa planu rekuperasaun ekonómika. 

Iha serimónia selebrasaun loron importante ne’e, mosu akontesimentu autór 12 de Novembro sira halo protestu hasoru komisaun organizadora, tanba la fasilita fatin ba sira, maibé tanba kondisaun limitadu obriga sobrevivente sira asiste selebrasaun ne’e to’o remata. oly

Lee hotu :   PN ladauk simu proposta lei alterasaun orsamentu no jestaun finanseira

Add to Comments Here!!!!

error: Content is protected.
Secured By miniOrange
You might also like:
PNTL kaptura joven na’in haat hakerek panfletu kontra PR Lú Olo

Polísia Nasionál Timor-Leste (PNTL) munisípiu Díli...

MEJD enfrenta dezafiu durante pandemia COVID-19

FOTO: Facebook Vise Ministru Edukasaun Juventude...

Konstrusaun Ró Nakroma II sei finaliza iha tinan 2021

Governu liu husi Ministériu Transporte no...

Close