JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu Austrália kontinua hametin relasaun ho veteranu TL

Governu Austrália kontinua hametin relasaun ho veteranu TL

Embaixadór Austrália ba Timor-Leste, Peter Roberts, informa, Governu Austrália kompremetidu kontinua hametin relasaun ho Timor-Leste (TL) liu husi fó kontribuisaun ba veteranu sira.

“Ha’u kontente tebes bele hasoru malu ho Ministru Veteranu, tanba nasaun rua ne’e viziñu, maibé veteranu iha nasaun rua ne’e iha ligasaun metin duni no fiar katak iha kontribuisaun importante ba Austrália ho TL nia relasaun no ha’u kontente tebes tinan kotuk Austrália nia ministru vizita ona TL no ami hakarak kontinua explora, hodi hametin ligasaun iha área importante ne’e, tanba iha istória naruk oinsa iha segundu guerra mundiál no iha tempu 1999 INTERFET no ema  barak iha Austrália hadomi tebes TL, nune’e hakarak kontinua nafatin ho TL”, Embaixadór Austrália ba Timor-Leste ne’e ba jornalista sira iha Caicoli-Díli, Kinta (26-11-2020), hafoin halo sorumutu ho Ministru Asuntu Kombatente Libertasaun Nasionál (MAKLN), Júlio Sarmento da Costa “Meta Mali” ko’alia kona-bá planu ne’ebé nasaun rua ne’e bele halo ba veteranu sira.

Peter Roberts, subliña, veteranu Austrália no TL sai ona amigu iha tempu barak nia laran, ne’ebé fó mós kontribuisaun ba relasaun entre nasaun rua ne’e.

MAKLN, Júlio Sarmento da Costa “Meta Mali”, esplika, Governu Austrália iha ona faze avansadu, nune’e Timor-Leste ne’ebé iha faze konstrusaun sei presiza apoiu iha futuru.

“Amizade Austrália ho Timor-Leste ne’e dezde Segunda Guerra mundiál ita hotu hatene katak la’ós to’o iha ne’e de’it depois de 1999 Austrália sai komando International Force for East Timor (INTERFET) hodi tama iha TL, nasaun rua viziñu Indonézia ho Austrália, Austrália nia apoia no nia relasaun amizade familiar ne’e boot tebes, ho buat sira ne’e mós ajuda buat barak ba veteranu sira, tulun ba harí universidade no veteranu Timor-Leste barak ba Austrália ho sira-nia tulun. TL explora hela nia Ministériu Veteranu ba sira nu’udár nasaun amigu hato’o buat sira ne’ebé TL iha no sira husu kona-bá monumentu, Sekretáriu Estadu lao haleu postu 40 resin ona hodi planu ba ida ne’e”, tenik Governante ne’e.

Nia akresenta, kona-bá planu entre nasaun rua ne’e depende kbi’it ne’ebé TL iha no TL la sukat ho Austrália, tanba sira to’o ona faze avansadu no TL iha faze konstrusaun.

Meta Mali relata, MAKLN rasik hamutuk ho Sekretáriu Estadu hala’o dau-dauk sosializasaun ba programa levantamentu dadus tuir uma-lisan, dekretu lei semitériu espesiál, inklui fundu investimentu ba veteranu sira.

Maibé planu hirak ne’e hotu sei implementa wainhira Orsamentu Jerál Estadu (OJE) tinan 2021 pasa iha Parlamentu Nasionál no promulga husi Prezidente Repúblika (PR). ida

Lee hotu :   Angelina Sarmento: Kompozisaun meja PN tenke hili foun

Add to Comments Here!!!!

error: Content is protected.
Secured By miniOrange
You might also like:
PM rekoñese programa Sesta Bázika la tuir promesa Governu

Primeiru Ministru (PM), Taur Matan Ruak,...

Kay Rala Xanana Gusmão hato’o agradesimentu ba Governu Indonézia

FOTO: MedSos Líder Karismátiku, Kay Rala...

Atu elimina TBC, FKD fasilita formasaun ba PPSF

Fundasaun Klibur Domin (FKD) kontinua fó...

Close