JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu preparadu ona ba debate OJE 2021

Governu preparadu ona ba debate OJE 2021

Primeiru Ministru (PM), Taur Matan Ruak, ho membru Oitavu Governu realiza retiru ba dalima hodi fó hanoin ba membru Governu sira atu prepara-an di’ak liu tan, nune’e bele fahe informasaun ne’ebé klaru ba membru Parlamentu Nasionál (PN) no públiku.

Retiru ba dalima Oitavu Governu ninian ne’e, partisipa mós husi Koordenadór Plataforma Intendimentu, Marí Alkatiri no Konselleiru Másimu partidu KHUNTO, José dos Santos Naimori. 

Entretantu loron debate, Orsamentu Jerál Estadu (OJE) tinan 2021 sei realiza iha loron 15, fulan ne’e no proposta lei OJE 2021 ne’ebé Governu aprezenta ba PN iha loron 15, fulan Outubru, tinan ne’e ho montante billiaun USD 1.895.

“Oitavu Governu konstituisionál realiza retiru ba dala lima ne’e, Governu konvida entidade sira ne’ebé hakarak fahe hanoin no informasaun”, Ministru Prezidénsia Konsellu Ministru (MPKM), Fidelis Leite Magalhães, iha salaun Politéknika Hera, Sábadu (30/10/2020).

Fidelis hatutan, iha tempu hanesan bolu mós ema hirak ne’ebé sai hanesan espesialista ba iha sira nia área hodi fahe informasaun, atu nune’e membru Governu sira bele prepara-an liu tan, durante mandatu Governu nian no debate OJE.

“Retiru ida ne’e ho mehi katak bainhira tama iha debate OJE, governante sira bele preapara-an, inklui mós iha seisaun audénsia iha PN, membru Governu sira iha ona hanoin ida ne’ebé mak hanesan no bele iha bukae ne’ebé barak liu tan, atu nune’e bele fahe informasaun ho klaru ba membru PN, inklui públiku”, tenik MPKM ne’e.

Porta Voz Governu ne’e subliña, iha retiru ne’e unidade planeamentu monitorizasaun no avaliasaun (UPMA) halo aprenzentasaun kona-bá orsamentu bazeia ba programa no Ministériu Finansas (MF) mós halo aprezentasaun kona-bá lei OJE 2021.

Nia informa, Ministru Planu Ordenamentu Teritóriu halo aprezentasaun  kona-bá fundu infraestrutura no funsionamentu ajensia sira iha Ministru Planu Ordenamentu Teritóriu, oinsa Governu bele hadi’ak liu tan implementasaun, Governu nian iha setór infraestrutura.

“Retiru ne’e mós iha komprimísu atu asegura modelu orsamentu ne’ebé ita aplika, liu husi prestasaun de konta no PN sai hanesan fiskalizadór, hodi ajuda Governu atu orienta di’ak liu tan programa”, afirma Fidelis. Cin

Lee hotu :   PM Taur sei partisipa diskusaun reapresiasaun OJE 2019

Add to Comments Here!!!!

error: Content is protected.
Secured By miniOrange
You might also like:
PNTL munsípiu Díli la rejista kazu krime iha Loron Finadu

Selebrasaun loron 2, fulan Novembru (loron...

Júlio Crispim: Relatóriu KJP la’ós atu publika

Padre Júlio Crispim, hateten, relatóriu husi...

Xanana Gusmão: Tribunál labele aplika pena prizaun tinan ki’ik ba autór kazu Terra Santa

Líder nasionál, Kay Rala Xanana Gusmão,...

Close