JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Implementa servisu militár obrigatóriu, PR Lú Olo sei ko’alia ho PM Taur

Implementa servisu militár obrigatóriu, PR Lú Olo sei ko’alia ho PM Taur

Relasiona ho aprovasaun dekretu lei númeru 33/2020 kona-bá estatutu foun militár FALINTIL-Forsa Defeza Timor-Leste (F-FDTL) kona-bá servisu militár obrigatóriu, hodi hatán ba nesesidade forsa armada nian. Prezidente Repúblika Francisco Guterres “Lú Olo”, hateten, dekretu lei ne’e desizaun Governu nian, maibé nu’udár Komandante Supremu forsa armada nian sei buka meius ko’alia ho Xefe Governu, Taur Matan Ruak, atu tetu vantajen husi lei ne’e.

“Bom ha’u rona dehan katak aprova iha reuniaun Konsellu Ministru rezolusaun ida ka, para atu halo rekrutamentu militár obrigatóriu ba joven sira ba halo servisu militár nian. Maibé prontu ami na’in rua Primeiru Ministru (PM) sei hasoru malu para ko’alia, ne’e desizaun Governu nian claro que ne’e desizaun órgaun ketak ida nian, PR labele mete. Maibé sé PR iha nia opiniaun ruma kona-bá ida ne’e klaru tempu oportunu ami sei hasoru malu. Agora ita haree katak militár sira-nia efetivu ne’e prontu atu ba to’o iha 4 ka 5 mill, prontu ne’e ita haree servisu ida ne’ebé voluntáriadu ka kontratadu ne’e prontu oinsa ona, para depois atu efetivu ida ne’e to’o ona ka oinsa, para ita ba iha servisu ida obrigatóriu militár. Iha nia vantajen no dezvantajen naturalmente prontu ita sei haree atu oinsa ita bele sukat rua ne’e hotu, ida servisu voluntariadu no ida seluk obrigatóriu”, Xefe Estadu ne’e ba jornalista sira, hafoin partisipa iha aniversáriu 12 de Novembro ba dala 29, iha Santa Cruz-Díli, Kinta (12/11/2020).

Entretantu dekretu lei ne’e aprezenta husi Ministru Defeza, Filomeno Paixão no aprova ona iha Konsellu Ministru iha loron 28, fulan Outubru, foin la-lais ne’e.

Dekretu lei númeru 33/2020 ne’e nu’udár alterasaun foun husi dekretu lei númeru 28/ 2016 kona-bá estatutu militár F-FDTL. san

Lee hotu :   PN aprova projetu deliberasaun komisaun verifikasaun

Add to Comments Here!!!!

error: Content is protected.
Secured By miniOrange
You might also like:
Komite 12 Novembru ezije Governu harí monumentu

Prezidente Komite 12 de Novembro, Gregório...

Envolve juventude iha dezenvolvimentu, PR husu Governu tenke kria empregu

Prezidente Repúblika (PR), Francisco Guterres “Lú...

PNTL kaptura joven na’in haat hakerek panfletu kontra PR Lú Olo

Polísia Nasionál Timor-Leste (PNTL) munisípiu Díli...

Close