JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Konsidera fó benefísiu ba Governante-kompañia, CNRT husu PM Taur kansela programa sesta bázika

Konsidera fó benefísiu ba Governante-kompañia, CNRT husu PM Taur kansela programa sesta bázika

Bankada CNRT sujere ba Primeiru Ministru (PM), Taur Matan Ruak, atu kansela implementasaun programa sesta bázika, tanba la fó benefísiu ba povu, maibé fó benefísiu de’it ba membru Governu no kompañia sira.

“Ba ha’u  iha  informasaun balun ekipa husi membru Governu dezloka ba to’o iha munisípiu hela to’o iha semana rua liu distribui de’it apoiu sesta bázika, ita imajina sira konsege distribui ba munisípiu hotu kada loron, ita kompara ida ne’e ho kustu operasionál boot liu. Ha’u sujere ba PM Taur kansela programa refere, hodi estuda lai ninia mekanizmu no prosedimentu oinsa mak bele buka estratéjia foun mak ba halo, lori  injustisa ba povu, PM iha sensibilidade ba nia povu. Ha’u fiar di’ak liu Xefe Governu kansela, tanba iha ona buat lubuk ne’ebé ita haree katak presiza hadi’a duni polítika ne’e, atu halo rekuperasaun ekonómika ita lori fali injustisa ba povu, ita fó vantajen ba sira ne’ebé iha mákina Estadu”, Vise Xefe bankada CNRT, Patrocínio Fernandes ba jornalista sira iha Parlamentu Nasionál (PN),  Segunda (23-11-2020), relasiona ho krítika husi povu kona-bá implementasaun programa sesta bázika, tanba konsidera la fó benefísiu ba povu, maibé iha tendénsia ba korupsaun.

Tuir Patrocínio, Governu mak loke dalan ema hirak ne’ebé iha mákina Estadu aproveita oportunidade hodi politiza implementasaun programa sesta bázika ne’ebé iha tendénsia korupsaun.

“Semana rua ka tolu distribui de’it programa refere iha suku ida ou rua nia kustu operasionál boot duke ba membru Governu duke ba povu. Realidade hatudu sasan ne’ebé Governu distribui tau iha bote laran nia presu la to’o USD 25, aat liu polítika ita atu sosa produtu lokál, maibé realidade kompañia sira sosa sasan iha rai-liur hodi fahe ba povu sira. Pior liu la uza mákina Estadu iha munisípiu sira, hodi hamenus kustu operasionál, tanba sá mak mobiliza ekipa komboiu husi nasionál mak ba munisípiu, sira-nia intensaun saída povu presiza duni. La’ós ita aprova lori povu nia naran, maibé komponente seluk mak sai benefisiáriu, boot liu ba programa refere ho implementasaun programa sesta bázika sei la halo rekuperasuan ekonómika iha rai-laran, ekonomista mós la konvense atu bele garante rekuperasuan ekonómika iha rai-laran, maibé polítika ida atu tulun de’it povu ne’ebé Governu limite sira-nia”, afirma Vise Xefe bankada CNRT ne’e.

Xefe bankada FRETILIN, Francisco Miranda Branco, rekoñese, ho partisipasaun membru Governu sira iha impelementasaun programa sesta bázika ne’e hatodan ba orsamentu Estadu, tanba kustu operasionál ne’ebé boot liu.

“Ita-nia produsaun menus Governu halo mobilizasaun liu husi membru Governu hola parte implementasaun programa sesta bázika hodi responde ba programa sesta bázika ne’e, ohin ha’u hateten programa ne’e komplexu. Ami mós haree no halo avaliasaun ladún prátiku hodi hatodan orsamentu Estadu, ba atividade ida ne’e tenke fó fiar ba parte balun reprezenta, lalika hotu-hotu iha atividade atu distribui sesta bázika ida ne’e ami rekoñese presiza koriji ida ne’e. Negosiante sira halo negósiu la buka rendimentu ne’e la’ós servisu sosiál, negosiante sira hakarak manan, maibé hakarak kompañia hotu hola parte iha ne’e nia-laran Governu laiha benefísiu, nia implementa programa nia susesu mak ida ne’e kompañia sira mak iha negósiu”.

“Programa sesta bázika ita intensiva ita-nia produtór sira fiar-an atu bele produs iha merkadu atu sosa rekuperasaun ekonómika labele tinan ida ou rua, tinan sanulu ita-nia ekonomia dependénsia ba importasaun rai-liur, nune’e Governu atu koriji polítiku ida ne’e, la’ós fásil iha tinan ida ou rua atu rekupera ekonomia”, tenik Xefe bankada FRETILIN ne’e.

Entretantu programa sesta bázika ne’e Governu implementa ona iha munisípiu Díli, Bobonaro no Covalima. ety

Lee hotu :   FONGTIL : CNRT ameasa vota kontra OJE 2020 la’os solusaun

Add to Comments Here!!!!

error: Content is protected.
Secured By miniOrange
You might also like:
MKAE desmente informasaun produtu lokál tama husi Atambua

Ministériu Koordenadór Asuntu Ekonómiku (MKAE), seidauk...

Tempu badak, MSSI-MAE halo pagamentu subsídiu ba reklamante

Vise Ministra Finansa, Sara Lobo Brites,...

Rui Gomes simu pose sai MF

Prezidente Repúblika (PR), Francisco Guterres “Lú...

Close