JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Konstrusaun Ró Nakroma II sei finaliza iha tinan 2021

Konstrusaun Ró Nakroma II sei finaliza iha tinan 2021

Governu liu husi Ministériu Transporte no Komunikasaun (MTK),  sei muda sai terminál Becora ba Hera no terminál Tasi Tolu ba Tibar, alende ne’e, prosesu kontrusaun Ró Nakroma II sei finaliza iha fulan Setembru, tinan 2021.

Ministru Transportes no Komunikasaun, José Agustinho da Silva, dehan, iha sorumutu ne’e ko’alia mós kona-bá Ró Berlin Nakroma II ne’ebé dau-daun ne’e konstrui hela iha nasaun Xina, prosesu kontrusaun sei finaliza.

“Koalia mós kona-bá polítika MTK nian oinsa mak konkretiza ita nia polítika liña marítima ba parte norte no sul, ita hotu hatene katak oras ne’e dau-daun Ró ahi Berlin Nakroma II halo hela kontrusaun iha nasaun Xina no tuir eskedul ne’ebé iha Ró ahi ne’e sei finaliza nia kontrusaun iha Setembru, tinan 2021”, Ministru ne’e ba jornalista sira iha Pálasiu Governu, Tersa (10/11/2020).

José Agustinho subliña, bainhira remata ona ró ahi ne’e, to’o mai sei halo operasaun iha parte norte no sul illa Timor-Leste, ida ne’e bele fasilita populasaun iha munisípiu nen (6) hanesan Manatuto, Baucau, Lautem, Viqueque, Manufahi no Covalima.

“Foin la-lais iha planu ba orsamentu tinan 2021 ita aseguradu ona, oinsa mak kria kondisaun, atu nune’e bainhira ró ne’e to’o mai bele ona halo operasaun ba parte norte no sul”, afirma Governante ne’e.

Nia subliña mós katak, polítika MTK halo kontrusaun ba terminál rejionál, nune’e terminal ida sei halo atendimentu ba populasaun sira husi parte leste nian mak iha Becora, ne’e sei muda sai ba Hera no husi parte oeste nian iha Tasi-Tolu sei muda ba Tibar, atu bele loke espasu sidade Díli.

“Tanba Tasi Tolu nu’udár fatin istóriku ne’ebé ita presiza prezerva no konserva, tanba eventu Estadu nian ita sempre realiza iha Tasi Tolu, ho razaun ida ne’e ita muda sai terminal Tasi Tolu ba Tibar, atu nune’e taxi no mikrolete sira bele halo movimentu ba fatin ne’ebé Governu sei prepara, hodi hasa’e sira-nia rendimentu”, informa José Agustinho. Cin

Lee hotu :   FRETILIN la admite nia kuadru sira tama VIII governu

Add to Comments Here!!!!

error: Content is protected.
Secured By miniOrange
You might also like:
L-7: Jerasaun foun tenke konsidera líder nasionál sira nu’udár patrimóniu Estadu

Fundadór Organizasaun Sagrada Família, Cornélio Gama...

CNRT: Aeroportu Rota de Sândalo nakfilak ba fatin festa

Reprezentante povu iha uma fukun Parlamentu...

PN rekoñese mosu dezintendimentu entre Mandati ho Alex Samurai

Uma fukun Parlamentu Nasionál (PN) rekoñese...

Close