JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lú Olo: Líder sira-nia unidade la hanesan uluk ona

Lú Olo: Líder sira-nia unidade la hanesan uluk ona

Prezidente Repúblika (PR), Francisco Guterres “Lú Olo”, informa, iha tempu agora líder sira la unidade hanesan uluk ona, wainhira sei iha tempu rezisténsia nia-laran.

“Líder sira uluk iha unidade, tanba iha objetivu ida de’it mak Timor tenke ukun-an, maibé iha tempu ukun-an iha unidade, maibé iha diversidade, tanba partidu ket-ketak, maske nune’e iha vizaun ida de’it mak lori povu ba moris di’ak no dezenvolve nasaun Timor-Leste ba oin. Unidade ida uluk ho nia objetivu oin seluk, unidade hotu hamutuk hodi liberta ba pátria, agora unidade ne’e iha diversidade ida nia-laran, portantu ne’e maneira kada ema ida-idak ho nia partidu, claro que iha diversidade ida ne’e, maibé dentro iha diversidade ne’e nia-laran mós, para líder sira bele buka saída mak hanesan no saída mak la hanesan”, PR hato’o lia hirak ne’e ba jornalista sira iha selebrasaun masakre Santa Cruz ba dala-29, Santa Cruz-Díli, Kinta (12/11/2020).

Lú Olo hateten, loron ohin ne’e mós hanesan reflesaun ida kona-bá líderansa sira-nia unidade iha tempu uluk no tempu agora.

Tuir Xefe Estadu, ko’alia kona-bá unidade entre líder iha tempu uluk ho objetivu ida de’it mak hetan ukun rasik-an, maibé agora tenke hamutuk liberta povu husi kiak no dezenvolve nasaun Timor-Leste maske iha unidade ne’ebé iha diversidade, tanba partidu keta-ketak, maibé importante mak ho vizaun ida hadi’a povu nia moris.

“Sé uluk iha palku leten ami ko’alia asuntu sira hotu ba povu, ohin loron saída mak diferensa a final de contas, para ita fahe malu, ha’u nia hanoin hotu-hotu ko’alia ida ne’e, hotu-hotu tau hanoin hamutuk kona-bá ida ne’e para ita bele hadi’a povu nia moris, ita-nia rai no oan sira-nia eskola, tanba Governu ida ne’e empeñadu, Oitavu Governu empeñadu para hadi’a, entaun ita hotu tau hamutuk ideia sira ne’ebé ita halo hamutuk iha kompimísu polítika ne’e para hadi’a rai Timor-Leste, ne’e mak pontu prinsipál kona-bá reflesaun ninian”, hakotu PR Lú Olo. oly

Lee hotu :   Líder ParPol tenki sukat ibun iha komunikasaun ho kuadru sira

Add to Comments Here!!!!

error: Content is protected.
Secured By miniOrange
You might also like:
Xanana: Juventude sira-nia mate atu harí, konsolida no ema hotu hakru’uk ba konstituisaun

Líder karismátiku, Kay Rala Xanana Gusmão,...

Implementa servisu militár obrigatóriu, PR Lú Olo sei ko’alia ho PM Taur

Relasiona ho aprovasaun dekretu lei númeru...

Komite 12 Novembru ezije Governu harí monumentu

Prezidente Komite 12 de Novembro, Gregório...

Close