JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM ameasa hasai membru Governu la kumpre regra Oitavu Governu

PM ameasa hasai membru Governu la kumpre regra Oitavu Governu

Primeiru Ministru (PM), Taur Matan Ruak, afirma, sei hasai membru Governu ne’ebé la kumpre regra Oitavu Governu Konstituisionál.

“Ha’u hodi bainhira dehan ba ha’u nia ministru sira, ita iha dalan rua, ida ha’u asina ho ministru sira, sé la kumpre buat ne’ebé iha, mesmo que loron rua de’it ha’u hasai tiha nia, hatama fali ema foun”, Xefe Governu ne’e iha sala auditória Ministériu Finansas (MF), Sesta (13/11/2020).

Líder Ezekutivu ne’e hatutan, bainhira ezekuta Orsamentu Jerál Estadu (OJE) to’o de’it pursentu 80, ne’e konsidera laiha kapasidade no iha tempu tuir mai sei la fó orsamentu ho pursentu 100 ba nia gabinete.

“Ida seluk ha’u halo kontratu ho sira kona-bá ezekusaun orsamentu, sé nia ezekuta orsamentu atinji de’it pursentu 80, tinan oin ha’u fó de’it orsamentu pursentu 80 ba ninia ministériu, ha’u la fó tan liu ida ne’e, tanba nia kapasidade laiha”, tenik Taur.

Nia hatutan, tanba bainhira ba Parlamentu Nasionál (PN) ema hurlele mak PM, tanba kapasidade de ezekusaun, maibé ministru tur iha ne’ebá no diretór jerál tur iha ne’ebá lia ida la kona sira.

Governante ne’e subliña, ho ida ne’e sistema ne’ebé dau-daun ne’e atu dezenvolve ba dalauluk avansa ho orsamentu baze programa, ba daruak avansa ho dezempeñu ko’alia kona-bá efikas ho efisiénsia, ikus liu mak rezultadu, ida ne’e bele halo kontratu ho ministru no diretór jerál sira.

“Diretór jerál bele partidu ida seluk nian, ha’u la interese, maibé ita boot iha kbi’it ka la’e halo ida ne’e akontese, ha’u estende ita boot nia kontratu, bainhira laiha ita boot ba halo fali buat seluk, tanba ha’u hakarak rezultadu la’ós atu lakon tempu ho ita boot”, afirma PM ne’e.

Eis Prezidente Repúblika ne’e hateten, signifika katak, responsabílidade ne’e tenke boot, bainhira hakat ba faze ida ne’e haree ba kualidade la’ós kuantidade.

“Sé ita haree dalan ba futuru ne’e iha nível ministru sira halo saída, toma konta iha ne’ebé, ita iha programa, sub-programa no atividade, ministru sira toma konta iha área saída, diretór jerál sira toma konta saída”, haktuir Xefe Governu ne’e.

Entretantu iha tinan 2019, Taur Matan Ruak hasai Vise Ministra Saúde, Elia dos Reis Amaral, tanba dezintendimentu iha Sentru Integradu Jestaun Krize (SIJK) wainhira hato’o informasaun kona-bá kazu COVID-19 iha Timor-Leste. cin

Lee hotu :   FRETILIN fó votu kontra ba matebian Gil Alves

Add to Comments Here!!!!

error: Content is protected.
Secured By miniOrange
You might also like:
Governu oferese tokon USD 5 ba Konferénsia Episkopál Timorense

Primeiru Ministru (PM), Taur Matan Ruak...

SEKoop garante valor sasan sesta bázika sei to’o USD 25

Sekretáriu Estadu Kooperativa (SEKoop), Elizário Ferreira,...

Kooperativa 214 partisipa iha progama distribuisaun sesta bázika

VIII Governu Konstitusionál liu hosi Sekretáriu...

Close