JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur fó pose ba membru KNDJ

PM Taur fó pose ba membru KNDJ

Primeiru Ministru (PM), Taur Matan Ruak, Segunda (16/11) fó pose ba membru Konsellu Nasionál Dezenvolvimentu Juventude (KNDJ). Membru KNDJ hamutuk na’in 17 ne’e mai husi liña ministérial sira, Kámara Komérsiu Industria (CCI-TL), sigla Português) no reprezentante ema ho defisiénsia.

Iha serimónia tomada de posse ne’ebé hala’o iha salaun Ministériu Finansa ne’e, Taur Matan Ruak, hatete, ho toma pose ne’e marka dala ida tan esforsu Governu nian oinsa mak enkuadra no integra joven sira iha prosesu dezenvolvimentu nasaun nian.

“Ita-nia joven sira hahú mehi ba ukun-an maioria ne’e idade 25 mai kraik, Ramos Horta, Marí Alkatiri, Xanana Gusmão no sira ne’ebé mate idade 25 mai kraik, úniku ida ne’ebé ultrapasa idade 30 mak avó Xavier do Amaral. Iha dekretu lei númeru 32/2017 23 de Agosto ne’e define natureza órgaun juventude nian, KNDJ hanesan órgaun akonsellamentu no koordenasaun esforsu instituisaun públiku no privadu sira-nian, oinsa mak buka dalan no oportunidade integra ita-nia joven sira iha prosesu dezenvolvimentu. Ne’e la’ós servisu ida kma’an, maibé ne’e todan, iha parte ida ne’e ha’u delega kompeténsia ba Sekretáriu Estadu Juventude no Desportu, atu servisu ho ita boot sira, tanba PM iha servisu barak no okupadu loos”, hateten Xefe Governu ne’e.

Membru KNDJ iha mandatu tinan haat, tuir dekretu lei númeru 32/2017 23 de Agosto lei hala’o sira-nia kna’ar hanesan embaixadór ba joven sira iha liña ministeriál sira no instituisaun Estadu sira.

Tuir Sekretáriu Estadu Juventude no Desportu (SEJD), Abrão Saldanha, hanesan mós Koordenadór ba KNDJ, servisu Konsellu ne’e sei buka solusiona problema joven sira-nian iha Timor-Leste.

“Agora ne’e ita hatene problema boot joven sira-nian mak empregu, formasaun, empregabilidade joven sira-nian. Konsellu ne’e sei reune para buka estratéjia no intervensaun iha liña ministeriál sira hotu, la’ós SEJD de’it mak toma konta ida ne’e. Joven iha agrikultura, joven iha turizmu, joven iha siénsia no teknolójia no seluk tan. Mandatu prinsipal Konsellu hafoin simu pose mak sei hahú uluk harí planu asaun nasionál integradu ba joven sira. Kuandu planu iha ona Konsellu ne’e sei koordena nia implementasaun no monitoriza hamutuk juventude sira”, Abrão.

Entretantu KNDJ rasik tutela ba iha Gabinete Primeiru Ministru, maibé Xefe Governu rasik delega ona kompeténsia ba SEJD atu koordena no prezide KNDJ. oct

Lee hotu :   MF sei prepara kalendáriu OJE 2021 bainhira membru 8 Governu kompletu

Add to Comments Here!!!!

error: Content is protected.
Secured By miniOrange
You might also like:
Durante implementa EE, PNTL kaptura ema 1000 resin

Durante implementasaun Estadu Emerjénsia (EE), Polísia...

MNEK briefing PR Lú Olo ba adezaun TL iha ASEAN

Ministra Negósiu Estranjeiru no Kooperasaun (MNEK),...

INSS: Apoiu ba empreza no traballadór la inklui empreza formal

Prezidente Administrasaun Institutu Nasionál Seguransa Sosiál...

Close