JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN rekoñese mosu dezintendimentu entre Mandati ho Alex Samurai

PN rekoñese mosu dezintendimentu entre Mandati ho Alex Samurai

Uma fukun Parlamentu Nasionál (PN) rekoñese mosu dezintendimentu entre deputadu bankada FRETILIN, David Dias Ximenes “Mandati” ho Koordenadór Seguransa iha PN, Inspetór Xefe Alexandrino da Costa “Alex Samurai”, tanba autoriza kareta ho xapa matrikula privadu para iha resintu PN.

“Sim horiseik mosu duni dezintendimentu entre deputadu FRETILIN, David Dias “Mandati” ho ami-nia Komandante Seguransa iha ne’e, tanba de’it estasionamentu kareta nian tuir sirkular PN kareta seluk labele para iha ne’e. Ami hakarak ko’alia laiha grupu ida mai halo asaltu iha PN informasaun ne’e laloos wainhira akontese problema ida ne’e depois Komandante Jerál PNTL to’o iha fatin lori Komandante Seguransa PN, hodi hakalma situasaun“, Sekretária Jerál PN, Cedelizia Fária dos Santos ba jornalista sira liu husi konferénsia imprensa iha PN, Tersa (10-11-2020).

Cedelizia esplika, solusaun ba problema ne’e sei hein relatóriu eskrita husi Inspetór Alexandrino da Costa “Alex Samurai” no simu ona orientasaun husi Prezidente PN, Aniceto Guterres.

“Ita sei haruka sira rua husu deskulpa karik husi parte ne’ebé mak sala, nune’e ba oin hala’o servisu di’ak nafatin, seidauk bele fó sai rezultadu, sei hein rezultadu, ita ko’alia haree ba sirkular ne’ebé mak iha la’ós iha númeru PN nian labele para iha resintu PN kareta ne’ebé mak merese para iha resintu PN mak hanesan plat PN no PM, PR, PTR, ne’ebé ami fó ona access pass kareta plat privadu labele para iha PN, seguransa iha gabinete Prezidente PN nia okos, tanba ne’e sei hein desizaun husi Prezidente PN“, dehan Sekretária Jerál PN ne’e.

Deputadu FRETILIN, David Dias Ximenes “Mandati” klarifika, nia parte defende legalidade no entrega ona Prezidente PN atu buka solusaun.

“Ha’u labele ko’alia buat barak orsida média sosiál hakerek buat oi-oin, tanba ne’e ha’u ko’alia ona ba Prezidente PN husu tuir tiha ona kona-bá solusaun Prezidente PN mak sei ko’alia ona, ha’u horiseik defende de’it legalidade, kareta privadu labele tama, tanba ema hakilar ha’u ne’e. Tanba ne’e ohin Prezidente PN bolu hodi ko’alia ona primeiru aman ho oan tenke hatene rezolve problema, maibé oan nakar tenke hatene tuir mós ema krítika aman telefone labele halo hanesan ne’e ema krítika aman, nia krítika la di’ak oan loloos ko’alia parte iha ne’e lei ho regra mak vigora. Labele ita nain rua maun-alin atu halo ida-idak nian, tanba de’it parkiran ne’e ha’u mos la haree, maibé ema funsionáriu mak ko’alia ha’u”, klarifika Mandati.

Nune’e mós, Inspetor Alexandrino da Costa “Alex Samurai”, rekoñese, kareta xapa matrikula privadu labele para iha resintu PN, maibé haree ba situasaun no nu’udár umanu iha sentimentu mak autoriza kareta privadu para iha resintu PN, maske nune’e nu’udár aman ho oan bainhira nia parte sala prontu atu husu deskulpa.

“Kolega ne’e la’o ba mai buka parkir fatin, entaun ha’u nian ne’e, ha’u mak fó orientasaun laiha problema, maibé lorokraik tuku 05:09 ha’u simu telefone husi deputada David Dias “Mandati” nia esplika ha’u mak fó orientasaun hodi para kareta. Maske nune’e deputadu ne’e la aseita kareta ho xapa matrikula privadu atu para iha resintu PN. Ha’u dehan klaru kontra regra duni kareta privadu ho Governu labele tama iha laran, maibé situasaun mak la hanesan nu’udár umanu iha sentimentu bele oferese fatin ida ba ema ne’e bainaka, ha’u oferese ha’u nia fatin ba nia la’ós deputadu sira-nia fatin, hodi para temporáriu, problema ne’e mosu tanba de’it atende malu ho emosaun“, tenik Alex.

PNTL konsidera aman hanorin oan

Segundu Komandante Jerál PNTL Komisáriu Mateus Fernandes konsidera, dezintendimentu entré deputadu David Dias Ximenes “Mandati” ho Koordenadór Seguransa iha uma fukun Parlamentu Nasionál (PN), Inspetór Xefe Alexandrino da Costa ‘Alex Samurai’ hanesan aman hanorin nia oan.

Dezintendimentu entré deputadu David Dias Ximenes “Mandati” ho Koordenadór seguransa iha uma PN, Inspetór Xefe Alexandrino da Costa “Alex Samurai” ne’ebé autoriza kareta xapa matrikula privadu ida para iha resintu PN.

Wainhira hare’e tiha kareta privadu ne’e para, deputadu Mandati hasa’i lian kareta ne’e sé nian mak para fali iha área refere. Ho aktu refere Alex Samurai mós responde katak, kareta ne’e nia mak autoriza para, tanba fatin ne’ebé mak kareta privadu ne’e para durante ne’e utiliza husi Alex Samurai rasik.

Relasiona ho aktu refere, Segundu Komandante Jerál PNTL, Komisáriu Mateus Fernandes, konsidera dezintedimentu argumentu entre deputadu ho ofisiál Polísia refere, hanesan aman hanorin ninia oan.

“Ha’u hanoin ne’e normal, Polísia hanesan komunidade, hanesan aman ho maun-alin tenke fó hanoin malu cada vez ema ida-idak mai ho nia karakter ida diferente, cada vez ema ko’alia lian mak boot ita hanoin ema emosionál, maibé lae ida”, Komandante Jerál PNTL, Komisáriu Mateus Fernandes ba jornalista sira, Tersa (10/11/20), iha Kuartel Unidade Espesiál Bairro Pite, Díli.

Entretantu problema refere akontese iha Segunda (09/11), iha resintu PN. ety/avi

Lee hotu :   Konfiansa povu, FRETILIN LIDERA ORGAUN SOBERANU TOLU

Add to Comments Here!!!!

error: Content is protected.
Secured By miniOrange
You might also like:
Masakre Santa Cruz ba-dala 29, Riak Leman: Foinsa’e sira tenke hametin unidade

Selebra loron Masakre Santa Cruz ba-dala...

Deskonfia membru PNTL ida sa’e sintu iha Indonézia

Deskonfia membru Polísia Nasionál Timor-Leste (PNTL) ida...

PM Taur Matan Ruak louva sakrifísiu juventude masakre 12 Novembru

Primeiru Ministru (PM), Taur Matan Ruak,...

Close