JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN: VIII Governu laiha interese atu dada kadoras GS mai TL

PN: VIII Governu laiha interese atu dada kadoras GS mai TL

Deputada bankada CNRT iha Parlamentu Nasionál (PN), Virgínia Ana Belo, hatete, VIII Governu ne’ebé lidera husi Primeiru Ministru (PM), Taur Matan Ruak, laiha interese no laiha seriedade atu dada kadoras Greater Sunrise (GS) mai Timor-Leste (TL), tanba alokasaun orsamentu ne’ebé ki’ik liu ba projetu Tasi Mane iha proposta Orsamentu Jerál Estadu (OJE) tinan 2021.

Tanba ne’e, deputada opozisaun ne’e konsidera, orsamentu refere la sufusiente, ne’ebé reflete ba pozisaun Governu ne’ebé laiha interese atu dezenvolve.

“Estudu ba dada kadoras ka pipeline ne’e, ita hatene katak ida ne’e importante tebes no krusial loos, atu bele hatene loloos kustu real ka ho situasaun agora ne’ebé kresimentu tun tebes no fó impaktu ba kustu material nian. Maibé ami hatene katak Governu ida ne’e laiha intensaun duni atu dada kadoras hosi GS mai TL no lakohi duni atu harí planta LNG iha ita  nia rain”, afirma deputada Virgínia Ana Belo, hato’o preokupasaun ne’e liu husi audiénsia públika ho komisaun C, D no Ministru Petróleu no Minerais, Víctor da Conceição ho ninia ekipa iha PN, Tersa (17/11/2020).

“Tanba ha’u ka’er ba orsamentu iha pasadu, iha proposta OJE 2020 ida ne’ebé xumbadu, iha USD 20 milloens, maibé agora ita boot sira tau de’it USD 500 mill, ne’e osan ki’ik tebes, ne’e ita bo’ot sira iha intensnaun saída? hakarak atu bosok tan povu ou hakarak atu halo saida”, dehan Deputada opozisaun ne’e.

Virgínia haktuir, iha tinan kotuk ka fulan kotuk liu bá ne’e deklara atu suspende tiha projetu Tasi Mane, maibé agora mai fila-fali husu USD 3 milloens atu jere  projetu Tasi Mane.

“Píor liu tan, ha’u haree hanesan osan ne’e atu uza ba hanesan pre-kondisaun ba Suai Supply Base, hodi hatán ba dezmantelamentu ou pembongkaran ba kampu Bayu Undang”, tenik nia.

Ministru Petróleu no Minerais, Víctor da Conceição, hateten, nia parte kontinua prosesu ne’ebé la’o ona husi governante anterior, tanba laiha intensaun atu paraliza prosesu refere.

“Tuir ha’u nia kompeténsias, atividades ne’ebé uluk  la’o ona no kompete mai ha’u, ne’ebé iha ninia efeitu direitu hanesan ba komunidade afeitadu aeroportu ou hanesan auto estrada ne’ebé iha, tanba Governu ida ne’e tau ema hanesan sentru ba dezenvolvimentu, povu ne’ebé afeitadu nia nesesidade ita tenke fó duni indemnizasaun ba sira, tanba ne’e mak propoin USD 8 milloens, hodi halo realokasaun, halo bairu foun no semitériu foun ba komunidade ne’ebé afeitadu husi aeroportu”, subliña governante ne’e.

Ba tinan 2021, Ministériu Petróleu no Minerais (MPM) propoin tokon USD 85,573,288, kompostu husi saláriu vensimentu, bens servisu, kapitá menor no transferénsia públika.

Nune’e mós iha uma fukun Parlamentu Nasionál (PN) kontinua husu klarifikasaun husi Governu kona-bá prosesu negosiasaun atu dada kadoras mai Timor-Leste.

“Ita ko’alia kona-bá Fronteira Marítima (FM) no ko’alia mós kona-bá dezenvolvimentu Greater Sunrise (GS), tanba servisu lubuk ida mak aprezenta iha Centro Convenções de Díli (CCD) no PN, Governu inísia hodi fó esperansa katak benefísia tebes Timor-Leste nia polítika hodi hanoin lori kadoras mai Timor-Leste. Ha’u hakarak hatene ho kompromísu polítika AMP sei relevante ou la’e? tanba prátika sei la ko’alia buat sira ne’e nia kontinuasaun iha 2021. Nune’e nafatin husu klarifikasaun husi Governu hanesan kontinuidade ministériu ida ne’e ba hahú, la’ós buat hotu foun, maibé fó kontinuidade saída mak atu halo bele partilla informasaun ruma kona-bá osan ida ne’e. Tanba iha panorama orsamentál estudu sira ne’ebé mak halo ne’e ainda em iniçio aprovasaun osan husi PN liga atu hola asaun ne’e iha efeitu ou lae? Bainhira estudu sira ne’e ainda esta em iniçio desizaun ne’ebé ami hola desizaun ne’ebé mak kontra produtivu atuasaun polítika governativas”, Xefe bankada PD, António da Conceição “Kalohan”.

Nune’e mós deputada bankada FRETILIN, Nélia Menezes, hateten, dada kadoras mai Timor-Leste nu’udár prinsípiu luta Timor-Leste nian, maibé presiza kustu hira, hodi bele realiza prosesu dada kadoras ne’e mai Timor-Leste.

“Ita hotu nia hakarak mak kadoras mai Timor-Leste, prinsípiu luta ne’ebé ita hakarak laiha dúvida, ha’u hakarak husu iha ona estudu ou lae? kadoras mai Timor-Leste presiza kustu hira“, dehan Nelia.

Hatán ba kestaun ne’e, Prezidente Timor GAP, António José Loyola Sousa, klarifika, atu dada kadoras mai Timor-Leste seidauk iha serteza, maske iha mapamentu hatudu katak, barak mai Timor-Leste, maibé GS ne’e la’ós Timor-Leste mesak mak deside, maibé na’in ba rekursu GS mak Timor-Leste ho Austrália.

“Ha’u sente molok atu ko’alia kona-bá pipe line ita tenke haree uluk rejime GS konsekuénsia husi Fronteira Marítima dehan katak, GS la’ós Timor-Leste nian mesak, ita tenke deside hamutuk mezmu ita haree mapamentu barak mai iha Timor-Leste na’in ba rekursu GS ne’e Austrália ho Timor-Leste. Tanba Konsekuénsia Fronteira Marítima kondisaun ekivalente rejime anterior iha kontratu haat, rua iha ZDP retensialis rua iha Austrália nian, rejime foun fali fornese kondisaun hanesan kontratu haat ne’e rezultadu tenke hanesan. To’o ohin loron seidauk iha planu atu dezenvolve GS, tanba enkuadramentu legal nia kontratu mós seidauk, oinsa mak ita bele iha planu negósiu ba ida ne’e, iha momentu ha’u rasik nu’udár membru Konsellu Administrasaun atu dada kadoras mai Timor-Leste, ita tenke hatene uluk up stream la’ós buat mamuk ida ita tenke hatene uluk likuidu”, tenik Prezidente Timor GAP ne’e.

Entretantu Governu Timor-Leste asina tratadu Fronteira Marítima iha loron 6, fulan Marsu, tinan 2018, iha Nova Iorque, ho nune’e polítika dada kadoras nu’udar parte hosi prosesu refere. say/ety

Lee hotu :   Covid-19: Horta pede a timorenses que não discriminem estrangeiros

Add to Comments Here!!!!

error: Content is protected.
Secured By miniOrange
You might also like:
Duni-sai jornalista, autoridade RAEOA husu deskulpa

Dezintendimentu entre protokolu Rejiaun Administrativa Espesiál...

PM Taur: Programa sesta bázika todan

Primeiru Ministru (PM), Taur Matan Ruak,...

Semana oin, Rui Gomes simu pose nu’udár MF

Primeiru Ministru (PM), Taur Matan Ruak,...

Close