JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Rui Gomes: Ha’u hetan konfiansa husi PM-PR asume kargu MF

Rui Gomes: Ha’u hetan konfiansa husi PM-PR asume kargu MF

Ministru Finansas (MF) nomeadu, Rui Gomes, deklara, nia hetan konfiansa husi Primeiru Ministru (PM), Taur Matan Ruak, Prezidente Repúblika (PR), Francisco Guterres “Lú Olo” no Sekretáriu Jerál partidu FRETILIN, Marí Alkatiri, hodi asume kargu nu’udár Ministru Finansas (MF), hodi troka Fernando Hanjam.

“Ha’u mai enkontru ho sua exselénsia PM kona-bá serimónia tomada de posse iha Segunda Feira, tanba infelizmente ita boot sira hatene katak, ita-nia Ministru, Fernando Hanjam nia saúde seidauk rekuperadu, tanba ne’e la konsege kontinua nia kna’ar”, MF nomeadu, Rui Gomes, bainhira remata enkontru ho PM iha Palásiu Governu, Kuarta (18/11/2020).

Rui Gomes, hatutan, nia parte prontu atu asume pasta ida ne’e no prontu atu serví povu Timor-Leste, no mós ekonomia rai-laran.

“Ho ida ne’e mak iha konfiansa husi PM, PR no Marí Alkatiri hanesan Sekretáriu Jerál FRETILIN, eskolla ha’u para atu asume kargu MF, ha’u prontu para paíz ida ne’e ba povu no ba ita-nia ekonomia”.

Rui Gomes haktuir liu tan, bainhira hahú hala’o kna’ar hanesan MF sei diskute no rona husi Vise MF, Sara Lobo Brites no Diretór sira kona-bá orsamentu.

“Ha’u seidauk haree orsamentu ne’e, la’ós ha’u mak prepara ne’ebé ha’u sei estuda orsamentu ida ne’e depois ita ko’alia, agora tempu para ha’u atu tama lai, ha’u sei presiza mós diskute no rona husi Vise MF, Sara Lobo Brites, Diretór sira depois mak ita sei ko‘alia”.

MF nomeadu ne’e kompremetidu sei servisu tuir planu prioridade Oitavu Governu nian, ne’ebé sei hadi’a jestaun finansiál no jestaun finansa públika, no área seluk tan ne’ebé integra iha MF.

“Konserteza que iha prioridade mak planu, Oitavu Governu nian no fundu planu ida ne’e para ita hadi’a, jestaun finansiál no jestaun finansa públika, ne’e ita hadi’a liu husi diversifikasaun finanseira, ita haree husi parte despeza, parte reseita, atu hadi’a parte aprovizionamentu nian, ita mós tenke foti la-lais sistema dezentralizasaun finanseira”.

Rui Gomes informa, agora tama ona ba orsamentál programa, tanba ne’e presiza halo buat ruma, atu nune’e MF sai hanesan sentru ba buat hotu.

“Agora mos ita tama ona iha orsamentál programa, purtantu buat sira ne’e hotu ita presiza haree, saída mak ita presiza atu halo para MF ne’e sai hanesan sentru ba buat hotu, ekonomia. Nia funsaun ne’e hanesan suporta ba ekonomia para avansa buat ne’e ba oin, mas depois mak ita sei ko’alia tan, tanba ha’u seidauk halo servisu”. cin

Lee hotu :   Deputadu sira lamenta aktu MUTL hotar lider PN ■Arão Noe: Posibilidade retira proposta sosa kareta

Add to Comments Here!!!!

error: Content is protected.
Secured By miniOrange
You might also like:
Governu la sériu dada kadoras GS mai TL

Vise Xefe bankada CNRT, Patrocínio Fernandes,...

Relatóriu FONGTIL kona-bá PEDNSS sai ezemplar ba MS

Ministra Saúde, Odete Maria Freitas Belo,...

Pagamentu ba lista reklamante la’o lentu, PM husu ba inan-aman tenke pasiénsia

Primeiru Ministru (PM), Taur Matan Ruak,...

Close