JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Rui Gomes simu pose sai MF

Rui Gomes simu pose sai MF

Prezidente Repúblika (PR), Francisco Guterres “Lú Olo”, iha Segunda (23/11/2020), ofisialmente fó pose ba Rui Gomes hodi asume kna’ar nu’udár Ministru Finansas (MF), hodi troka MF sesante, Fernando Hanjam ne’ebé la bele kontinua kna’ar ne’e, tanba kondisaun saúde la permite.

“Atu hala’o di’ak kna’ar sira ne’ebé nia simu ho pose ida ne’e, Rui sei haktuir matadalan prinsipál sira hanesan programa Governu daualu nian, Planu Rekuperasaun Ekonómika no ninia espresaun iha Orsamentu Jerál Estadu (OJE) tinan 2021 ne’ebé sei aprova husi Parlamentu Nasionál (PN)”, PR Lú Olo liu husi ninia diskursu hafoin fó pose ba Rui Gomes nu’udár MF, iha salaun Xina Palásiu Prezidensiál, Nicolau Lobato, Bairro Píte, Díli.

Xefe Estadu afirma, ho konfiansa tomak katak dezempeñu husi Governu no setor públiku en-jeral sei hadi’ak liut an no nia parte deside nomeia Rui Gomes nu’udár MF. Nomeiasaun Rui Gomes ba MF fó sai iha dekretu Prezidensiál númeru 68/2020, publika iha Jornal da República.

“Ita iha espetativa boot tebes katak, Rui Gomes liu husi ninia kna’ar nu’udár MF sei husik marka pozitiva, tanba ezemplar ba Oitavu Governu Konstitusionál no mós ba País. Ita-nia kna’ar nu’udár MF ba implementasaun Planu Rekuperasaun Ekonómika sei simu ksolok husi hotu-hotu ne’ebé hala’o ona misaun murak atu hamenus efeitu husi COVID-19 iha tempu badak no kontribui ba rekuperasaun ekonomia nasionál, tanba ohin (horiseik) PR lakon asesór di’ak tebes ida ne’ebé integru, dedikadu no efisiente”, PR Timor-Leste ne’e.

Alende ne’e, Primeiru Ministru (PM), Taur Matan Ruak, realsa, Rui Gomes iha esperiénsia ne’ebé boot no dezempeñu di’ak iha Funsaun Públika no ezekutiva ne’ebé toma ona pose no nia pontu de vista katak, Rui Gomes mak ema ne’ebé merese lidera MF to’o Governu nia mandatu remata.

“MF sesante Fernando Hanjam la konsege kontinua, tanba kondisaun saúde ne’ebé la permite. Nune’e iha loron 5, fulan Novembru, MF sesante Fernando Hanjam hato’o nia karta demisaun ba PM, Taur Matan Ruak hodi husu atu demite husi ninia kargu MF, tanba ne’e agradese ba Sekretáriu Jerál partidu FRETILIN, Marí Alkatiri no Konselleiru Másimu KHUNTO, José dos Santos Naimori Bucar, tanba ho komunikasaun di’ak hodi hili hikas Rui Gomes hodi asume hikas MF ba Governu konstituisionál daualu”, subliña Taur.

Iha biban ne’e, Rui Gomes espresa sentimentu kontente, tanba simu kna’ar nu’udár MF ba Oitavu Governu Konstitusionál, maibé nia preokupa uitoan, tanba sei hasoru dezafiu boot ida, dezafiu ne’e mak oinsa atu garante estabilidade ekonómika no sosiál país ida ne’e nian.

“Konserteza ha’u nia prioriedade iha Finansa ne’ebá ne’e, atu investe liu iha parte rigor iha kontas Públikas, ne’e para ita kuidadu ho ita-nia osan, porque sé laiha rigor no responsabilizasaun mak ita labele ko’alia kona-bá sustentabilidade finanseira, purtantu aspeitu ida ne’e mak ha’u sei foka”, tenik Rui. oly

Lee hotu :   Timor-oan tama-sai ilegál durante COVID-19 hanesan traidór ba nasaun

Add to Comments Here!!!!

error: Content is protected.
Secured By miniOrange
You might also like:
Veteranu Ermera diskorda líder ParPol balun tenta hasés Xanana husi palku polítika TL

Veteranu Ermera sira apela ba líder...

Prosesu judisiáriu kleur, halo labarik sira sai vítima

Komisária Nasionál Direitu Labarik (KNDL), Dinora...

Governu sei halo pagamentu ba funsionáriu MF prepara OJE 2020

Ministru Prezidénsia Konsellu Ministru (MPKM), Fidelis...

Close