JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Traballadór sazonál 100 resin sei aranka ba Austrália iha fulan Dezembru

Traballadór sazonál 100 resin sei aranka ba Austrália iha fulan Dezembru

Sekretáriu Estadu Formasaun Profisional no Empregu, Alarico do Rosário, hateten, kandidatu traballadór sazonál 100 resin sei aranka ba Austrália iha inísiu fulan Dezembru.

Tuir Alarico do Rosário, oras ne’e dau-daun Sekretaria Estadu Formasaun Profisional no Empregu (SEFOPE) halo hela preparasaun atu haruka traballadór sazonál sira ne’ebé liu ona teste, ba servisu iha Austrália.

“Bazeia ba kontratu ne’ebé ajénsia sira husi Austrália haruka mai, kontratu hamutuk 162 ita hotu hatene katak ita-nia aviaun laiha, oinsa mak aviaun mai tula traballador sira ne’e. Ita tenke servisu hamutuk ho Governu Austrália, servisu hamutuk oinsa para lori ita-nia ema sira ne’e ba. Tuir planu loron 2, 3 no 4 sira na’in 162 ne’e tenke aranka”, Sekretáriu Estadu Formasaun Profisional no Empregu ne’e hafoin hasoru malu ho Primeiru-Ministru (PM), Taur Matan Ruak, sesta (27/11/2020).

Alénde traballador sazonál ba Austrália, Alárico haktuir, Governu mós dau-daun ne’e halo preparasaun no ko’alia ho Governu Koreia du Sul oinsa haruka kandidatu traballadór ne’ebé atu ba servisu iha Koreia du Sul, liu-liu sira ne’ebé hetan ona kontratu husi empreza Koreana sira.

“Koreia ne’e mak ita sei ko’alia hela, tanba razaun ida mak ita-nia aviaun laiha, ita tenke aluga aviaun husi ne’ebá mai. Depois ita mós tenke ko’alia kona-bá Timor-Oan sira ba tenke tama kuarentena. Ida ne’e mak tenke ko’alia ho Governu Koreia oinsa para haree ba asuntu ida ne’e. Tanba orsamentu ba kuarentena ne’e mós boot. Kandidatu sira ne’ebé atu ba Koreia du Sul hamutuk 465 ne’ebé sira nia kontratu haruka mai ona no ema na’in 37 billete sosa tiha ona, aviaun mak laiha atu lori sira ba”, hateten Sekretáriu Estadu Formasaun Profisional no Empregu ne’e.

Iha enkontru ne’e, Sekretáriu Estadu mós informa ba Xefe Governu kona-bá konstrusaun ba Sentru Formasaun Exelénsia ne’ebé tuir planu sei konstrói iha Metinaro. oct

Lee hotu :   Xanana fila hikas mai Timor-Leste, Husu MUTL konsentra ba estuda

Add to Comments Here!!!!

error: Content is protected.
Secured By miniOrange
You might also like:
MTK Agostinho: Ha’u iha koñesimentu kona-ba ligasaun internet ilegál ne’e

Ministru Transporte no Komunikasaun (MTK), José...

Defende labarik sira, Governu kria Institutu Públiku Direitu Labarik

Liu husi Konsellu Ministru (KM), iha...

MEJD rejeita informasaun estudante 3.417 la liu iha Ezame Nasionál

Koordenadór Nasionál Kurikulum, Pedro Gonçalves, hateten,...

Close