JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alkatiri: Ha’u la dehan konkorda millaun USD 14 ba empreza Atlantic Eagle

Alkatiri: Ha’u la dehan konkorda millaun USD 14 ba empreza Atlantic Eagle

Eis Prezidente Autoridade Rejiaun Administrativa Espesiál Oe-Cusse Ambeno no Zona Ekonomia Espesiál Sosiál Merkadu (RAEOA-ZEESM),  Marí Alkatiri, deklara, nia parte la konkorda Governu tau tan osan adisionál ho montante tokon USD 14 ba empreza Atlantic Eagle, hodi finaliza konstrusaun Ró Haksolok.

Marí konfirma, Orsamentu Jerál Estadu (OJE) tinan 2021 seidauk iha legalidade, atu Governu tau osan adisionál ba finaliza konstrusaun ró ne’e.

“Seidauk iha ema ida dehan katak atu fó 14 milhões ba ema seluk. Osan tau iha orsamentu Estadu, só foti kuandu foti ho dalan ne’ebé que justu. Ha’u nunka dehan ha’u konkorda ho 14 milhões ba empreza ne’e, ha’u nunka dehan. Tanba saída mak sira tenke foti buat ne’e ba problema. Osan bee bara-barak adisionais ba projetu bara-barak ne’e hotu-hotu ho adisionál, e adisionál asves 100% ne’e la ko’alia, aeroportu Suai ne’e adisionál dala hira ona, seidauk hotu tan, agora dehan adisionál tan”, klarifika eis Prezidente RAEOA-ZEESM ne’e ba jornalista sira iha edifísiu Prokuradória Jerál Repúblika, Colmera Díli, Sesta (18/12/2020).

Sekretáriu Jerál partidu FRETILIN ne’e akresenta, Ró Haksolok atu mai Timor Leste, la’ós ona ninia kompeténsia, maibé atuál Prezidente RAEOA-ZEESM Arsénio Paixão Bano nian, tanba Governu sentrál hasa’i ona rezolusaun Governu númeru 23/2020, kona-bá konkluzaun ba konstrusaun ró karga no pasajeiru Haksolok, hodi entrega prosesu tomak ba autoridade RAEOA.

Maibé foin la-lais ne’e, audiénsia iha Parlamentu Nasionál (PN), Arsénio Paixão Bano, husu Governu atu propoin tan osan adisionál ho montante tokon USD 14, hodi finaliza konstrusaun Ró Haksolok.

Ró Haksolok konstrui husi empreza Atlantic Eagle, iha Portugál no asina termu kontratu iha loron 22, fulan Setembru, tinan 2014, ho osan montante Euro millaun 13.3, maibé to’o agora seidauk finaliza, tanba empreza refere bankarrota ona. san

Lee hotu :   Governu nomeia Xanana halo negosiasaun ba fronteira terrestre TL-RI

Add to Comments Here!!!!

error: Content is protected.
Secured By miniOrange
You might also like:
Xanana husu estrutura CNRT prepara-an ho onestu ba futuru

Prezidente partidu CNRT, Kay Rala Xanana...

Lere: Membru ida hatudu órgaun vitál la hatún imajen F-FDTL

Xefe Estadu Maiór Jenerál FALINTIL-Forsa Defeza...

Governu kria programa sesta bázika atu tulun povu

Sekretáriu Jerál partidu FRETILIN, Marí Alkatiri,...

Close