JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: Diskusaun OJE 2021 la’o sabraut de’it

CNRT: Diskusaun OJE 2021 la’o sabraut de’it

Deputadu bankada CNRT, Arão Noe Amaral, hateten, diskusaun Orsamentu Jerál Estadu (OJE) tinan 2021 ne’e la’o ho sabraut de’it, tanba ladun iha liña koordenasaun di’ak entre Governu ho bankada apoiu Governu nian.

Liu-liu durante preparasaun proposta OJE, tanba ne’e mosu proposta alterasaun barak ne’ebé mak aprezenta husi bankada governasaun rasik. Ida ne’e, CNRT haree katak, foin mosu iha VIII Governu defaktu ida ne’e no CNRT lakohi kontribui ba buat ne’ebé laloos.

Tuir artigu 145 K-RDTL, hateten, OJE prepara husi Governu no Parlamentu Nasionál (PN) aprova, katak kompeténsia alokasaun orsamentu ne’e Governu nian la’ós PN.

“Husi ami nia akompaña durante ne’e, giaun la vale tiha ona iha plenária agora, maibé depende de’it ona gostu, aktu sira ne’e oho ita-nia prinsípiu legál ne’ebé ita estabelese. Ho proposta barak boot ida ne’e hatudu katak, maske ami husi opozisaun retira tiha ami-nia proposta, tanba sé ami mak tama tan karik, proposta ne’e sai boot liu tan, ne’e hatudu katak orsamentu ne’e kuaze PN mak elabora fali, orsamentu la tuir saída mak artigu 145 K-RDTL hateten”, afirma Arão Noe liu husi konferénsia imprensa iha PN, Kuarta (09/12/2020).

Deputadu bankada CNRT ne’e akresenta, normalmente iha duni proposta alterasaun para atu halo emendas hodi hadi’ak ou hatún, maibé sé halo proposta ida para atu hasa’e orsamentu, ida ne’e kontradis ho artigu 145 K-RDTL.

Alénde ne’e, eis prezidente PN ne’e mós konsidera, atúal Prezidente PN, Aniceto Guterres presiza hadiak étika komunikasaun durante diriji plenária.

“Plenária ne’e soberanu, tenke lidera ho di-di’ak no konsiderasaun, tanba dignifikasaun plenária ne’e ita ema mak tenke dignifika”, tenik nia.

Relasiona ho asuntu hirak ne’e, GMN tenta konfirma ho Xefe bankada FRETILIN, inklui Prezidente PN, Aniceto Guterres Lopes, maibé lakohi fó komentáriu ba média. say

Lee hotu :   Apuramentu nasional CNE ba dala ikus, AMP sai primeiru vensedor ho votus 309.663

Add to Comments Here!!!!

error: Content is protected.
Secured By miniOrange
You might also like:
Governu aprova USD 200 apoia ba Xefe Suku sira

Konsellu Ministru (KM) iha Kuarta (09/12/2020)...

Arkidioseze Díli lansa dahuluk tradusaun Biblia Antigu Testamentu

Liu husi selebrasaun ezisténsia Dioseze Díli...

FONGTIL kritika Governu husu tan osan adisionál ba Ró Haksolok

Forum Organizasaun Naun Govermentál Timor-Leste (FONGTIL)...

Close