JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT-FRETILIN kontinua diskute malu kona-bá legalidade VIII Governu

CNRT-FRETILIN kontinua diskute malu kona-bá legalidade VIII Governu

Bankada CNRT no FRETILIN kontinua diskute malu kona-bá legalidade VIII Governu Kontituisionál, liu-liu ba posizaun Governu no meza Parlamentu Nasionál (PN) atuál ne’ebé lidera husi Primeiru Ministru (PM), Taur Matan Ruak.

Diskusaun manas entre FRETILIN no CNRT hahú husi deklarasaun husi bankada CNRT ne’ebe hateten bankada FRETILIN mak sai mestre, hodi temi liafuan Governu de faktu.

Maibé deputadu bankada FRETILIN, Joaquim dos Santos, rejeita deklarasaun husi bankada CNRT ne’e no konsidera PM la hasa’i podér husi bankada CNRT, maibé mai husi konsentru iha klaran mak monu, nune’e la’ós FRETILIN mak hanorin CNRT uza konseitu de faktu.

“Uza sala konseitu atu fó kulpa ba FRETILIN, ida ne’e mak rasiosíniu erradu, ohin ha’u deklara ami-nia argumentu ne’e klaru, VIII Governu la’ós Governu de faktu, fundamentasaun jurídiku konstituisionál PM simu pose husi Prezidente Repúblika (PR), tuir konstituisaun hafoin eleisaun artigu 106 númeru 1 iha dalan klaran mak CNRT monu sai husi AMP la signifika VIII Governu atu monu kedas ne’e la’ós FRETILIN mak hanorin. PN seidauk aprova mosaun sensura ba Governu ka reprova votu konfiansa hodi VIII Governu, PR mós la aseita pedidu demisaun hodi PM tuir kontituisaun artigu 112 númeru 1 ho 2, tanba ne’e Governu nafatin iha plenu podér tuir kontituisaun artigu 106 númeru. FRETILIN la hanorin buat sala ba ema, maibé FRETILIN hanorin ema buat ne’ebé loos, ita boot sira mak uza sala konseitu ne’e, FRETILIN mak hanorin 2017 FRETILIN manan CNRT hadau de’it, agora konseitu diferente, tanba ne’e VIII Governu de faktu ne’e falsu“, Deputadu bankada FRETILIN ne’e iha plenária, Tersa (15-12-2020).

Vise Xefe bankada CNRT, Patrocínio Fernandes, rekomenda ba deputadu FRETILIN atu halo reflesaun no loke konstituisaun hodi estuda di-di’ak.

“Bankada CNRT atu hateten hanesan ne’e, konsidera sira-nia apresiasaun ne’e hanesan uma auto kritika ba FRETILIN rasik no serve de’it ba militante FRETILIN, la serve ba bankada CNRT, deputadu Joaquim nu’udár prezidente komisaun A ami rekomenda atu nia bele halo reflesaun loke konstituisaun artigu 86 alinea F no 106, lee halo di-di’ak ho fó resposta ba nia komentáriu rasik. Tanba ne’e ba CNRT deklarasaun hodi bankada FRETILIN ne’e bele serve hanesan edukasaun sívika ba militante sira husi FRETILIN no la vale ba bankada CNRT. Maske bankada CNRT lori ona prosesu de faktu ne’e ba tribunál no husi tribunál rasik hasa’i akordaun ida Governu válidu, ha’u hanoin notifikasaun ne’ebé bankada CNRT simu husi tribunál indefere, tribunál lakohi hateten parte ida ne’e polítika la’e, ne’ebé to’o agora bankada CNRT seidauk hetan akordaun ida, hodi hateten Governu ne’e legál“, realsa Patrocínio.

Enkuantu, durante ne’e bankada CNRT konsidera VIII Governu de faktu hahoris meza ilegál, ho nune’e bankada CNRT auzente iha debate Orsamentu Jerál Estadu (OJE) tinan 2021 faze espesialidade no partisipa de’it iha faze jeneralidade, maibé la fó votus. ety

Lee hotu :   PM Taur: AMP mantein lista membru Governu nain sia

Add to Comments Here!!!!

error: Content is protected.
Secured By miniOrange
You might also like:
PN ezije Governu finaliza pagamentu subsídiu famíliar antes 2021

Deputada bankada opozisaun iha Parlamentu Nasionál...

Komando PNTL demite ona membru ida

Vise Ministru Interior (MI), António Armindo,...

CNRT: Ró haksolok mai TL bainhira Governu selu Atlantic Eagle nia dívidas

Deputadu opozisaun CNRT, Maria Fernanda Lay,...

Close