JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: Governu la kumpre lei jestaun finanseira

CNRT: Governu la kumpre lei jestaun finanseira

Reprezentante povu iha uma fukun Parlamentu Nasionál (PN), liu-liu bankada CNRT konsidera VIII Governu Konstitusionál la kumpre ona lei jestaun finanseira, tanba tuir loloos sistema ezekusaun Orsamentu Jerál Estadu (OJE) tinan 2020 taka iha loron 15, maibé Governu prolonga ou taka fali iha loron 17, fulan Dezembru, tinan ne’e.

“Tuir regra ne’ebé estabelese aprova lei jestaun finanseira fiksa ona loron 15, fulan Dezembru mak sistema tenke taka, prosesu administrasaun ne’e to’o de’it loron 15, maibé halo pagamentu ne’ebé aprova no vistu ona bele halo pagamentu to’o loron 28, fulan Fevereiru, tinan 2021. Sé Governu altera lei ne’e problema, tanba Timor-Leste adopta Estadu Direitu Demokrátiku. Ita-nia lala’ok loro-loron la tuir regra ne’ebé estabelese ona, ida ne’e grave tebes ba ita-nia sistema hanesan Estadu Direitu Demokrátiku. Problema tanba tuir tempu iha regra loron 15, fulan Dezembru, sistema taka ona. Tuir esperiénsia tinan kotuk loron 15, fulan Dezembru, ne’e saláriu hotu ona, maibé realidade oras ne’e dau-dauk seidauk, ha’u hanoin ita la kumpre ona regra ne’ebe estabelese, tanba hahú iha tinan 2010 to’o ohin loron ita muda sistema anuál OJE ne’ebé uluk iha sistema ida”, Deputadu bankada CNRT, Arão Noe de Jesus Amaral ba jornalista sira iha PN, Kinta (17-12-2020).

Nia subliña mós katak, dau-daun ne’e bankada CNRT seidauk hatene razaun Governu altera projetu dekretu Governu ezekusaun OJE 2020.

Vise Prezidente PN, Maria Angelina Sarmento, hateten, Governu altera lei ne’e ho iha razaun ruma, tanba Governu mak hatene difikuldade ezekusaun orsamentu, maibé atu altera lei ne’e kompeténsia PN.

“Ida kona-bá OJE 2020 ne’ebé Governu halo alterasaun ba prosesu sistema nian ne’e, ha’u hanoin presiza check lai dalaruma Governu iha razaun, tanba ita hatene katak Dotasaun Orsamentu Temporáriu (DOT) ita foin aprova iha fulan Outubru no Novembru, dalaruma difikulta Governu iha ezekusaun bele halo pagamentu ba obligasoens karik, maibé ha’u tenke check lai ho membru Governu“, tenik Vise Prezidente PN ne’e.

Entretantu liu husi projetu dekretu Governu kona-bá alterasaun dahuluk ba dekretu Governu númeru 14/2020, loron 23, fulan Outubru, ko’alia kona-bá ezekusaun OJE 2020, Governu liu husi Konsellu Ministru (KM) deside taka sistema ezekusaun OJE 2020 iha Kinta (17/12/2020). Ety

Lee hotu :   Timor-oan tama-sai ilegál durante COVID-19 hanesan traidór ba nasaun

Add to Comments Here!!!!

error: Content is protected.
Secured By miniOrange
You might also like:
Kada tinan BCTL simu relatóriu transaksaun suspeita brankeamentu kapitál 100

Diretora Ezekutiva Unidade Informasaun Finanseira (UIF),...

MJ-BCTL asina protokolu kombate krime finansiamentu terorizmu

Ministériu Justisa (MJ) liu husi Direcção...

SIK-SIP detein suspeitu na’ok prokuradór nia sasán

Servisu Investigasaun Kriminál (SIK) no Servisu...

Close