JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT kestiona PLP-FRETILIN ho KHUNTO kontinua programa anterior

CNRT kestiona PLP-FRETILIN ho KHUNTO kontinua programa anterior

Primeiru Minsitru (PM), Taur Matan Ruak, admira deputadu bankada CNRT sira ne’ebé kestiona VIII Governu ho viabilizadór FRETILIN ne’ebé kontinua implementa programa Governu AMP anterior nian.

Ho nune’e, PM Taur, hateten, CNRT labele fó kulpa ba FRETILIN ne’ebé viabiliza Governu, hodi kontinua implementa programa ne’ebé CNRT husik hela no la konsege implementa.

“Kuandu ko’alia kona-bá programa VIII Governu Konstitusional, ne’e ko’alia kona-bá PLP, KHUNTO ho CNRT. Ha’u admira mak ita boot (CNRT) sira mak levanta fali, maibé FRETILIN ida apoiu Governu ne’e la levanta, maibé apoiu fali, tanba ne’e programa ita nian. Iha programa ida ne’e hateten saída, kapital sosiál, infraestrutura, dezenvolvimentu ekonómiku no dezenvolvimentu institusionál, maibé ajusta saída mak Governu halo, liu-liu tau enkonta preokupasaun husi komunidade sira levanta, dalaruma PN rasik levanta bebeik”.

“Kapitál sosiál ne’e nafatin ami tau iha prioridade, segundu ami koloka kestaun ekonómika, infraestrutura no dezenvolvimentu institusionál, maibé iha prátika orsamentu ne’ebé agora ita iha, kapitál sosiál nia orsamentu USD 500 milhões, no ekonomia ne’ebé ami tau hanesan segundu, nia mai fali hanesan terseiru lugar iha USD 338 milhões, ne’e katak segundu lugar sei tau iha infraestrutura, ho USD 475 milhões, kuaze valor boot liu husi dezenvolvimentu ekonomia ne’e. Dezenvolvimentu institusionál iha USD 470 milhões, sé ita esforsu atu tau osan iha setór ekonómiku, entaun ita tenke tau prioridade mós, katak hasa’e osan uitoan”, Xefe Governu ne’e iha diskusaun Orsamentu Jerál Estadu (OJE) 2021 faze jeneralidade, Kuarta (02/12/2020).

Deputada CNRT, Maria Câmara Bisoi, afirma, tuir loloos Oitavu Governu ne’ebé viabiliza husi FRETILIN labele kontinua ona programa anterior no tenke aprezenta foun.

“CNRT laiha ona VIII Governu nia laran, uluk CNRT, PLP ho KHUNTO nia programa mak ida ne’e, lideransa partidu ne’e nian, nain tolu mak asina iha laran, Governu nia mak ida seluk ne’e, tanba kuandu FRETILIN ba viabiliza ne’e kumpre mak ida ne’e, hasa’i soe tiha ida fali ne’e, tanba ne’e CNRT nian”, realsa deputada Bisoi.

Alénde ne’e, deputadu FRETILIN, Antonino Bianco, argumenta, programa Governu la’ós privadu partidu nian, tanba ne’e kualker partidu bele kontinua implementa.

“Kualker dokumentu ne’ebé hetan aprovasaun husi Parlamentu ne’e Estadu nian, tanba ne’e Governu hanesan jestór ba Estadu, nia bele lori programa ne’ebé mak aprovadu iha PN ne’e”, subliña Bianco.

Nune’e mós deputadu PD, Adriano do Nascimento, haktuir, buat ne’ebé Oitavu Governu halo hanesan mós esperiensia sira husi Governu anterior nian.

“Kona-bá 2016, kuandu CNRT hasa’i PD ho Frente Mudansa programa ne’ebé CNRT ho FRETILIN viabiliza uza sein intendimentu ne’e nafatin, kontinua hanesan mós agora dadauk”, tenik Adriano.

Iha diskusaun ne’e mós membru Parlamentu Nasionál sira rekomenda ba Governu, atu tau prioridade liu ba setór produtivu sira, liu-liu agrikultura no setór turizmu sira. say

Lee hotu :   Traballadór Timor-oan iha Austrália hatama retornu mai TL millaun USD 17

Add to Comments Here!!!!

error: Content is protected.
Secured By miniOrange
You might also like:
SIK detein eis prezidente Komisaun Funsaun Públika

Polísia Nasionál Timor-Leste (PNTL), liu husi...

OJE 2021 billiaun USD 1.895 aprovadu iha jeneralidade

Reprezentante povu iha uma fukun Parlamentu...

DIT: Reflesaun loron nasionál hasa’e sentimentu patriotizmu

Atu hasa’e ema hotu nia sentimentu...

Close