JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: Ró haksolok mai TL bainhira Governu selu Atlantic Eagle nia dívidas

CNRT: Ró haksolok mai TL bainhira Governu selu Atlantic Eagle nia dívidas

Deputadu opozisaun CNRT, Maria Fernanda Lay, deklara, Ró Haksolok kuandu mai Timor-Leste (TL) bainhira Governu selu dívidas ne’ebé kompañia konstrutór Atlantic Eagle (AE) iha, tanba kompañia refere hasoru hela problema finanseiru no bankarrota ona.

Tanba ne’e, enkuantu Governu TL ba selu hotu tusan mak AE bele hadi’a hikas ró refere no bele mai TL.

“Momentu ami komisaun C ba Portugál, RAEOA agora sai segundu kreadór ba dívidas Alantic Eagle ninian, ami nia pergunta ba RAEOA, osan hira mak tau para ita sai segundu kreadór dívida ba AE nian, to’o agora ami iha PN la hatene. Iha konta bankária lubuk ida nia jurus mós laiha, sé mak hetan jurus ne’e? dokumentu iha ami iha, Câmara de Contas de’it mós la hatene, ida ne’e mak konfuzaun boot”, Deputada CNRT ne’e ba jornalista sira iha PN, Tersa (15/12/2020).

Nia dehan, adendu ne’e depois de entrega tiha ona ba autoridade RAEOA, tanba momentu adendu dala 4 ne’e iha eis Prezidente RAEOA, Marí Alkatiri nia governasaun, nia (Alkatiri) mak asina, maibé to’o ohin loron hira Parlamentu Nasionál (PN) la hatene.

“Tanba AE bankarrota, para atu hamri’ik fali Uniaun Europeia ne’ebé liu husi Portugál, sira la aseita katak iha suntikan/injesaun kapitál ba kompañia privadu ne’ebé bankarrota, tanba AE ne’e la’ós governu nian, Stalero mak Governu nian, maibé sira aluga hodi halo ró atu mai Timor”, hakle’an deputada Fernanda Lay.

Alénde ne’e, Duarte Nunes, konsidera, Oitavu Governu aloka osan adisionál USD tokon 14 atu futu lia hodi estraga de’it povu nia osan, tanba tuir CNRT, laiha posibilidade Ró Haksolok mai TL.

“Ami ko’alia bei-beik, tanba saída mak tau tan osan, ami la konkorda ne’e mak ami hateten ida ne’e ita boot (Governu) atu futu lia hamutuk, hodi estraga povu nia osan ka oinsa!”, tenik Xefe bankada CNRT ne’e.

Maske nune’e, deputadu bankada FRETILIN, Joaquim dos Santos, deklara, prosesu kona-bá akizisaun Ró Haksolok iha Ministériu Públiku (MP), ne’e responsbailidade pesoál hirak ne’ebé partisipa iha prosesu, maibé desizaun polítika kontinua la’o, atu nune’e TL labele lakon total.

Polítikamente Governu asume nia responsabilidade, Governu ida uluk halo sala, la signfika problema ne’e atu husik no monu de’it, ne’e duni Governu ida kotuk nia sala ne’e, Oitavu Governu tenke asume hanesan Estadu, atu rezolve Estadu nia problema, ne’e la sala ida. Ita seidauk iha prova katak ró ne’e mai ka la’e, ita ko’alia agora ne’e kona-bá responsabilidade Governu hanesan organizasaun ne’ebé jere bens Estadu nian, Governu ida tun tiha ida sa’e mós problema seidauk rezolve. Kompaña bankarrota ne’e husu ba ida ne’ebé halo kontratu ne’e nia responsbailidade”, dehan deputadu bankada FRETILIN ne’e.

Iha proposta Orsamentu Jerál Estadu (OJE) tinan 2021, Governu aloka tan osan USD tokon 14 hodi kompleta prosesu reabilitasaun Ró Haksolok, maibé kompañia konstrutór AE bankarrota ona. say

Lee hotu :   KHUNTO vota kontra sosa kareta foun

Add to Comments Here!!!!

error: Content is protected.
Secured By miniOrange
You might also like:
PN ezije Governu finaliza pagamentu subsídiu famíliar antes 2021

Deputada bankada opozisaun iha Parlamentu Nasionál...

Benefisiáriu sesta bázika Comoro konsidera Governu bosok povu

Benefisiáriu sesta bázika suku Comoro, Francisco...

Falsifika dokumentu veteranu kontinua eziste, PJR konsidera CH inkapasidade

Prokuradór Jerál Repúblika (PJR), José da...

Close