JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: Ró Haksolok sei la mai TL, tanba Atlantic Eagle bankarrota ona

CNRT: Ró Haksolok sei la mai TL, tanba Atlantic Eagle bankarrota ona

Bankada CNRT konsidera Ró Haksolok sei la mai Timor-Leste (TL), tanba Atlantic Eagle Shipbuilding bankorrota tiha ona, nune’e bankada CNRT lamenta no kondena bankada parlamentár sira ne’ebé aprova tan orsamentu adisionál millaun USD 14 ba Ró Haksolok.

Razaun prinsipál ba bankada CNRT nia lamentasaun ne’e, relasiona Ró Haksolok ne’ebé agora sai ona objetu krime, nune’e tuir loloos labele selu, tanba ró ne’e iha hela investigasaun iha Ministériu Públiku (MP). 

Bankada CNRT mós fiar katak Governu hatene hela kompañia Atlantic Eagle Shipbuilding bankarrota ona no laiha kapitál atu kontinua konstrusaun Ró Haksolok, maibé obriga-an hodi aloka tan orsamentu ne’ebé laiha serteza katak bele finaliza konstrusaun ró refere.

“Aprovasaun adisionál millaun USD 14 ba Ró Haksolok ne’e hatudu katak iha konspirasaun polítika atu salva líder balun ne’ebé komete hela krime finanseira ne’ebé fó prejuízu boot ba Estadu. Bankada CNRT konsidera bankada parlamentár ne’ebé aprova alokasaun adisionál millaun USD 14 ba Ró Haksolok ne’e konspira hodi salva objetu krime, ida ne’e kontra prinsípiu justisa, transparénsia no akuntabilidade. Ró sei la mai Timor, tanba sá mak ha’u hateten hanesan ne’e, tanba primeiru komisaun C haree ró ne’e iha Figueira da Foz Portugál ami deteta asuntu lubuk ida mak tau ona iha ami nia relatóriu iha dívida seidauk selu, dívida ba konstrusaun ró ne’e no aeroportu iha oe-Cusse ami buka informasaun kona-bá ró la mai iha 2017 tuir nia eskedul kompañia bankarrota. Tuir loloos Governu laiha razaun atu prevé tan osan, tanba Governu deteta iha saldo dezerénsia RAEOA 27,430 sira hasa’i de’it milhões USD 127 hodi halo despeza no fundu dezenvolvimentu ekonómiku. Razaun laiha sé orsamentu milhões 127 ita diminui sei iha osan restu, Governu prevé osan katak ró atu mai Timor-Leste, maibé loloos ne’e ró sei la mai Timor”, Deputada CNRT Maria Fernanda Lay liu konferénsia imprensa iha Parlamentu Nasionál (PN), Sesta (12-12-2020).

Vise Xefe bankada CNRT, Patrocínio Fernandes, akresenta, problema kona-bá Ró Haksolok partidu polítiku sira iha PN hatene, maibé sira kontinua nafatin prevé osan, tanba konspirasaun atu salva ema seluk husi krime.

“Ha’u dehan konspirasaun atu hamoos prosesu krime sira la’ós atu halo investimentu kompleta ró milhões 14 atu bele salva ema ruma iha prosesu krime, hodi halakon evidénsia ruma“, tenik Patrocínio.

Antes ne’e, PN preokupa no husu esplikasaun husi Governu kona-bá atu prevé tan orsamentu ba Ró Haksolok.

Nune’e, Primeiru Ministru (PM), Taur Matan Ruak, klarifika VIII Governu labele sees husi nia responsabilidade, tanbá ne’e Governu aloka osan tokon USD 14 ba akizisaun Ró Haksolok, hodi finaliza konstrusaun ró refere.

Tanba ne’e, iha tinan ida ne’e autoridade RAEOA propoin tan osan tokon USD 14, hodi finaliza konstrusaun no mós tokon USD 2 ba konstrusaun pontoens. Nune’e projetu konstrusaun Ró Haksolok presiza tan osan tokon USD 16 ne’ebé sei foti husi OJE 2021. ety

Lee hotu :   PN aprova OJE 2019 iha jeneralidade ■FRETILIN maioria kontra

Add to Comments Here!!!!

error: Content is protected.
Secured By miniOrange
You might also like:
Impaktu husi haree liu pornografia, Liquiça rejista kazu VS 109

FOTO: GOOGLE Primeiru Sarjentu Xefe Unidade...

Tránzitu prende kareta neen no motorizada rua

Polísia Nasionál Timor-Leste (PNTL) husi seksaun...

Xanana asiste jogu finál SLB Laulara kontra Lalenok United

Lider Karismátiku, Kay Rala Xanana Gusmão...

Close