JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu aprova USD 200 apoia ba Xefe Suku sira

Governu aprova USD 200 apoia ba Xefe Suku sira

Konsellu Ministru (KM) iha Kuarta (09/12/2020) aprova ona projetu Dekretu Lei kona-bá insentivu finanseiru estraordináriu ba Xefe Suku sira ho nia estrutura ne’ebé halo ona servisu exesionál hodi tulun Governu fahe subsídiu USD 100 kada uma-kain no Sesta Bázika,  nune’e Xefe Suku sira hotu sei hetan osan USD 200.

Tuir komunikadu husi Prezidénsia Konsellu Ministru, objetivu husi lei ne’e atu rekoñese lideransa komunitária sira no mós ba pesoál ne’ebé hala’o servisu iha suku sira iha ámbitu nasionál programa “Subsídiu Uma-Kain” no “Sesta Bázika”.

“Iha ne’e ho nia objetivu ida atu rekoñese Xefe Suku no autoridade suku ne’ebé fó ona apoiu inisiativa Governu nian iha ámbitu rekuperasaun ekonomia nasionál. Ninia montante jerál ne’e Xefe Suku ida hetan USD 200 no sira seluk iha estrutura suku nian sei hetan USD 100. Ida ne’e hanesan insentivu finanseiru ida, tanba wainhira iha implementasaun programa Governu nian iha rekuperasaun ekonómika, liu-liu iha programa ida naran Sesta Bázika ezije atu Xefe Suku sira servisu extra para bele implementa programa ida ne’e. Ida ne’e insentivu ida ba servisu extra, la’ós subsídiu ba Xefe Suku sira”, Ministru Prezidénsia Konsellu Ministru (MPKM), Fidélis Magalhães.

Governu fó kompensasaun finanseira ba Xefe Suku ho nia estrutura sira ne’e, tanba haree ba  aumentu ezesionál servisu autoridade lokál nian hodi prepara no implementa programa asisténsia governamentál sira iha ámbitu nasionál, hodi minimiza krize finanseira ne’ebé hetan husi agregadu familiar.

“Agora atu implementa oinsa? Sé mak simu uluk no ikus? Ne’e sei depende ba iha servisu ne’ebé mak sira halo tiha ona no iha suku balun intensivu ne’e la’o hela sira sei simu. Ba suku sira ne’ebé mak seidauk implementa programa Governu sira ne’e, entaun sira seidauk simu. Signifika ne’e sei halo fazeadamente”, tenik MPKM ne’e.

Entretantu Dekretu Lei ne’e aprezenta husi Ministru Administrasaun Estatál (MAE), Miguel Pereira da Carvalho. oct

Lee hotu :   PM Alkatiri rasik mak aprezenta OR iha PN

Add to Comments Here!!!!

error: Content is protected.
Secured By miniOrange
You might also like:
Arkidioseze Díli lansa dahuluk tradusaun Biblia Antigu Testamentu

Liu husi selebrasaun ezisténsia Dioseze Díli...

FONGTIL kritika Governu husu tan osan adisionál ba Ró Haksolok

Forum Organizasaun Naun Govermentál Timor-Leste (FONGTIL)...

Sasán sesta bázika fuhuk ona, benefisiáriu Comoro protesta Governu

Benefisiáriu sira husi aldeia Moris Foun,...

Close