JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu kontinua esforsu adere ba ASEAN

Governu kontinua esforsu adere ba ASEAN

Governu Timor-Leste partisipa iha enkontru virtuál ne’ebé realiza husi Sekretariadu Association of Southeast Asian Nations (ASEAN) koordena ho Ofisiál Ekonomia sira husi ASEAN, inklui Asian Development Bank (ADB).

Enkontru ne’e hala’o durante loron tolu, hahú husi loron 7 to’o loron 9, fulan ne’e, hodi kompleta relatóriu avaliasaun kona-bá Timor-Leste nia adezaun ba ASEAN.

Diretora Asuntu ASEAN Ministériu Negósiu Estranjeiru no Kooperasaun (MNEK), Milena Rangel, hateten, enkontru ne’e hanesan pasu importante ba Timor-Leste nia ministériu no ajénsia relevante sira no mós setór privadu hodi estabelese koneksaun no komunikasaun ho líder Ofisiál Ekonomia sira husi ASEAN no nia delegasaun.

“Haree ba situasaun atuál saúde globál nian Ofisiál Senior Ekonomia sira husi ASEAN organiza enkontru virtuál ho Timor-Leste nia ministériu no ajénsia relevante sira hodi kompleta informasaun liu tan ba relatóriu avaliasaun ne’ebé prepara husi ADB no Sekretariadu ASEAN kona-bá implikasaun husi Timor-Leste nia adezaun ba ASEAN nia akordu ekonomia sira”, Diretora Asuntu ASEAN MNEK ne’e liu husi konferénsia imprensa, Segunda (07-12-2020).

Diretór Ezekutivu TradeInvest Timor-Leste, Arcanjo da Silva, rekoñese, Timor-Leste sei difísil hodi tama ba ASEAN wainhira seidauk iha lei investimentu ne’ebé klareza ba investidór sira.

“Sé ita Timor-Leste atu tama ASEAN ita tenke haree sira-nia lei ne’e saída mak iha, nune’e wainhira ita tama labele lori lei ou artigu balun ne’ebé adere ba rejiaun ASEAN, ita nia lei atuál iha lista negativu no nasaun balun  ASEAN uza lista pozitivu, ita negativu hodi halo rezerva ba setór balun ba ita-nia interese nasionál, ita la loke merkadu livre katak dedika ba investidór nasionál, infelizmente dokumentu ne’e iha hela Konsellu Ministru (KM), sé ita iha protesaun barak liu mós sei susar hodi tama iha ASEAN, ida ne’e mós rekezitu ida hodi klaru molok tama no tama ba rezisaun ida, lei presiza serka no klareza ba investidór sira”, tenik Arcanjo.

Diretora Jerál Agrikultura no Peska, Maria Odete do Céu Guterres mós esplika, dau-daun ne’e setór agrikultura kontinua foka ba produtividade no produsaun, inklui ho área seluk hanesan peska, floresta, pekuaria, iha poténsia boot, hodi kontribui ba dezenvolvimentu agikultura ne’e ba oin, nune’e bele iha preparasaun di’ak envolve iha ASEAN.

Maske nune’e, Diretór Jerál Turizmu, José Dias Quintas, mós rekoñese iha setór turizmu sei kontinua hasoru dezafiu boot ida mak hanesan halo pagamentu online ou E-Payment, nune’e sei esforsu hodi ko’alia ho Banco Central de Timor-Leste (BCTL), nune’e bele iha ona fasilidade ba ida ne’e, tanba nasaun hotu iha ASEAN uza ona sistema ida ne’e.

Governu Timor-Leste nafatin iha komitmentu kumpre regulamentu ne’ebé fó sai hodi lori adezaun ne’e rasik, tanba pedidu adezaun nian haruka ona ba iha tinan 2011. ida

Lee hotu :   Sosa asaun ConocoPhillips, Xanana sujere PN altera lei aktividade petróliferu

Add to Comments Here!!!!

error: Content is protected.
Secured By miniOrange
You might also like:
PM husu Timor-oan hotu proteje ai-han lokál

Primeiru Ministru (PM), Taur Matan Ruak,...

Dom Virgílio: Dalabarak ita brani kontra lei, maibé la brani rekoñese sala

Selebrasaun tinan 80 Arkidioseze Díli  ninia ezisténsia...

Ministro Pedro dos Reis: Covid-19 tem ensinado povo timorense a trabalhar mais

O Ministro da Agricultura e Pescas,...

Close