JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu kontinua prevé osan ba Ró Haksolok

Governu kontinua prevé osan ba Ró Haksolok

Maske hetan kritika husi bankada opozisaun kona-bá Ró Haksolok, maibé Primeiru Ministru (PM), Taur Matan Ruak, kontinua prevé osan hodi finaliza konstrusaun ró ne’e, tanba antes ne’e iha V Governu Konstitusionál gasta osan barak ba konstrusan Ró Haksolok, nune’e VIII Governu Konstitusionál iha responsabilidade atu buka dalan oinsa solusiona problema refere.

“Ha’u nia hanoin ita tenke tau, tanba investimentu ita-nian ita halo ona hanesan na’i deputadu sira hateten kuaze 20 milhões mak ita gasta, bainhira ita gasta osan kompañia halo ita-nia falénsia, ho nune’e ita iha dalan tolu ou haat ida ita husik tiha ita lakon osan, ita foti ró ba kompañia seluk para hadi’a, ita halo besi aat fa’an tiha dalaruma nia presu USD rihun 500, ita tenke buka dalan seluk oinsa mak kapitaliza ho kompañia seluk ne’ebé iha interese hodi hadi’a”, PM Taur iha Parlamentu Nasionál (PN) bainhira debate OJE 2021 iha faze jeneralidade, Kuarta (02-12-2020).

Xefe Governu mós akresenta, atu halo negosiasaun presiza tau osan, maske responsabilidade Prezidente Autoridade Rejiaun Administrativa Espesiál Oe-Cusse Ambeno (RAOEA) no iha risku, maibé iha dalan atu rekupera.

“Prosesu ne’e la fásil kuandu eis prezidente RAEOA Mari Alkatiri sai, eis prezidente RAEOA, José Luis Guterres, hateten, Governu sentrál mak atu responsabiliza nia parte lakohi responsabiliza hodi entrega ba Governu sentrál. Durante fulan rua ami tenta buka solusaun atu hasa’i desizaun husik nia lakon de’it nia justifikasaun la’ós ita mak sala kompañia mak bankarota ka ita halo tentativa para bele salva karik bele. Maibé prezidente autoridade atuál Arsénio Bano kona-bá Ró Haksolok responsabilidade RAEOA nian hodi kontinua prosesu hodi hetan ninia solusaun ou ita abandona. Kona-bá Ró Haksolok to’o ohin loron seidauk iha desizaun final, sé ita abandona lakon tiha de’it ou ita tenta buka solusaun ha’u hanoin esforsu la fásil“, dehan Taur. 

Xefe Governu subliña, kona-bá kazu light house maske Timor-Leste lakon osan USD tokon 400 resin iha mandatu eis PM, Kay Rala Xanana Gusmão, maibé hanesan Xefe Oitavu Governu nia parte prontu atu buka tuir problema ne’e.

“Kona-bá light house ita lakon, ita selu USD tokon 400 resin, uluk Governu sira husik hela ida ne’e responsabilidade Governu ida ne’e nian, ita labele ida ne’e maun Kay Rala Xanana Gusmão nian ita husik hela ba nia la’e. Nia hanesan lidera Governu maske akontese iha governasaun uluk, maibé tenke investe no buka tuir tanba uluk mós aprezenta hanesan reprezenta Governu”, tenik PM Taur.

Iha loron 28, fulan Maiu, tinan 2019, bankada FRETILIN submete rekerimentu ba meza PN hodi husu ba PM, Taur Matan Ruak atu esplika kona-bá prosesu legál kompañia light house husi Austrália ne’ebé hato’o keixa ba tribunál hasoru Governu Timor-Leste iha tinan 2019, tanba Governu Timor-Leste kansela kontratu kona-bá fornesimentu mina no jeradór ba Timor-Leste ho light house ne’ebé asina iha tinan 2010.

Antes ne’e, Governu aloka osan USD tokon 14 ba akizisaun Ró Haksolok, maibé la konsege finaliza, tanba ne’e, iha tinan ida ne’e autoridade RAEOA propoin tan osan USD tokon 14, hodi finaliza konstrusaun no mós USD tokon 2 ba konstrusaun pontoens. ety

Lee hotu :   PN aprova OJE 2019 iha jeneralidade ■FRETILIN maioria kontra

Add to Comments Here!!!!

error: Content is protected.
Secured By miniOrange
You might also like:
Deskonfia asalta espoza PM Taur, PNTL detein suspeitu na’in haat

Polísia Nasionál Timor-Leste (PNTL) Eskuadra Cristo...

CNRT kestiona PLP-FRETILIN ho KHUNTO kontinua programa anterior

Primeiru Minsitru (PM), Taur Matan Ruak,...

SIK detein eis prezidente Komisaun Funsaun Públika

Polísia Nasionál Timor-Leste (PNTL), liu husi...

Close