JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu laiha vontade implementa lei MPCC

Governu laiha vontade implementa lei MPCC

Bankada CNRT konsidera VIII Governu Konstituisionál ne’ebé lidera husi Primeiru Ministru (PM), Taur Matan Ruak laiha vontade atu implementa lei Medidas Preventivas e Combate à Corrupção (MPCC), maske Parlamentu Nasionál (PN) aprova ona lei refere.

“Vontade Governu la refleta iha Orsamentu Jerál Estadu (OJE) tinan 2021, Lei Comissão Anti Corrupção (CAC) ita boot sira hotu akompañia fulan hirak liu ba kotuk ami iha PN rame ate komisaun A despaixu dipensaun husi Prezidente PN ba plenária tenke fokus loos aselera debate ba lei CAC ho hanoin hotu-hotu iha komitmentu di’ak para bele kombate korupsaun. Maibé ami haree Governu ida ne’e ho nia deputadu bankada apoiu Governu laiha vontade atu la’o ba implementasaun rasik, tanba la refleta polítika OJE 2021 CAC presiza tebes apoiu orsamentu bele halo instalasaun ba instituisaun foun sira presiza atu bele harí sistema oinsa atu implementa lei MPCC, importante atu halo deklarasaun“, Vise Xefe Bankada CNRT, Patrocínio Fernandes liu husi konferénsia imprensa iha PN, Sesta (11-12-2020), relasiona ho bankada Governu retira proposta númeru 33 no 34 kona-bá CAC husu osan adisionál hamutuk rihun 400 resin no proposta númeru 34 husu osan rihun 200 resin atu tau iha kapitál menor.

Ho nune’e bankada CNRT triste la komprende Governu ho ninia bankada sira, maske Komisaun A aprezenta proposta tuir CAC nian rasik, iha audénsia, maibé bankada Governu retira proposta ne’e hatudu laiha seriedade ba lei ida ne’e.

Prezidente Komisaun A PN, Joaquim dos Santos, klarifika, CAC husu osan adisionál, maibé aprezenta ba plenária no Governu, deputadu sira rejeita, maske nune’e iha dalan Governu sei responde nesesidade husi CAC.

“Deputadu sira retira proposta la’ós husi CAC nian de’it, maibé mós retira proposta barak husi ministériu sira seluk tan. Tuir lei fundu kontijénsia mínimu 5%, maibé proposta foti fali iha fundu kontijénsia la’ós Governu de’it mak la apoiu, maibé maioria deputadu la konkorda katak, labele hamutuk fundu kontijénsia, foti osan hodi subtitui fundu rezerva. Maske pedidu husi CAC importante loos atu hala’o servisu balun, liu-liu bens servisu sira husu rihun 499, deputadu sira propoin ba PN atu servisu balun iha preparativu molok implementa lei MPCC kona-bá servisu tékniku operasionál. Maibé Governu fó garantia ba CAC liu husi plenária katak, iha dalan Governu bele responde nesesidade ida bainhira lei ne’e aprova tiha Governu la presiza halo aditamentu, tanba iha regra aplikasaun iha lei orsamentu ita sei aprova regra aplikasaun“, tenik Joaquim.

Portantu Governu uza orsamentu 2021 norma aplikasaun ezekusaun bele mós iha kompeténsia balun, tanba USD 256 tall tau iha kapitál menor hodi sosa ekipamentu hodi fó apoiu ba CAC nia preparativu molok implementa lei MPCC. Maibé Governu fó garantia katak CAC halo koordenasaun ho Governu bele responde, tanba ne’e mak la presiza halo aditamentu, ho razaun hirak ne’e proponente konvensidu.

Deputadu proponente ba proposta 33 no 34 ne’e mak hanesan Joaquim dos Santos, Adriano do Nascimento, Francisco Miranda Branco, Luis Roberto, Olinda Guterres no Francisco  de Vasconcelos. ety

Lee hotu :   Mudansa ba subsídiu liña oin tenke liu husi KM

Add to Comments Here!!!!

error: Content is protected.
Secured By miniOrange
You might also like:
PN preokupa Governu tau tan osan ba Ró Haksolok

Uma fukun Parlamentu Nasionál (PN) husu...

Atribuisaun sesta bázika ba povu problemátiku

Atribuisaun sesta bázika tuir VIII Governu...

FMCS UNTL realiza judisium ba finalista 95

Universidade Nasionál Timor-Leste (UNTL) hala’o serimonia...

Close