JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu preokupa PN aprezenta proposta alterasaun barak

Governu preokupa PN aprezenta proposta alterasaun barak

Ministru Finansa (MF), Rui Gomes, preokupa ho membru Parlamentu Nasionál (PN), liu-liu bankada apoiu Governu rasik ne’ebé aprezenta proposta alterasaun barak, hodi halo mudansa ba proposta Orsamentu Jerál Estadu (OJE) tinan 2021 ne’ebé Governu propoin osan USD billiaun 1.895.

Antes ne’e membru PN kompostu husi bankada ualu aprezenta proposta alterasaun kuaze 200, maibé 50 resin ne’ebé aprezenta husi bankada CNRT retira, tanba CNRT lakohi partisipa iha desizaun no kuaze 100 liu aprezenta rasik husi bankada Governu.

“Iha loron tolu liu ba to’o horikalan, Ministériu Finansa halo ezersísiu ne’ebé todan, para atu haree proposta ne’ebé husi PN, husi proposta 30 resin ne’ebé tama ona, orsamentu ne’ebé propoin USD 37.400, enkuantu ita-nia fundu rezerva kontijénsia USD 18 milhões. Husi USD 18 milhões ida ne’e hasa’i tiha ona USD 1 millaun hela USD 17 milhões, tuir lei fundu rezerva kontijénsia ne’e tenke 5% husi OJE, agora dau-daun ne’e reprezenta 0,9% de’it, la to’o 1%, Estadu labele moris ho risku. Dau-daun ne’e ita haree ona udan boot komesa kria ona estragu, ida ne’e foin mak hahú iha previzaun katak, iha fulan hirak mai ne’e, tanba efeitu La Niña mak halo karik abanbainrua ita sei rekore ba fundu rezerva kontinjénsia”, MF ne’e iha diskusaun OJE 2021 iha faze espesialidade, Kuarta (09/12/2020).

Governante ne’e hateten, proposta orsamentu ne’ebé Governu aprezenta bazeia ba planu anuál kada ministériu nian, liu-liu fundu rezerva kontijénsia ne’e importante, nune’e bele utiliza iha situasaun emerjénsia sira, hanesan situasaun atuál rai udan ne’ebé risku ba dezastre naturál.

“Governu koloka osan bazeia ba planu asaun anuál ne’ebé prepara liu husi prosesu naruk, tanba ne’e husu PN atu nafatin tau konfiansa ba Governu iha ezekusaun, maibé la’ós atu difikulta. OJE ne’ebé mak Governu propoin mai PN ida ne’e mai husi prosesu naruk ida, bazeia ba planu anuál kada ministériu nian, planus anuál ida ne’e mós diskute komisaun polítika orsamentál, iha ne’ebá deside hotu ona, prosesu naruk teb-tebes, hahú husi fulan Maiu to’o mai iha ne’e. Hanoin katak husi konfiansa ne’ebé na’i deputadu sira fó mai Governu, mak fiar katak OJE ida ne’e sei bele ezekuta ho di’ak, hanesan temi tiha ona iha loron hirak liu bá katak, ita sei konsentra liu bá kualidade despeza duke kuantidade, aspeitu rigor ne’e sei iha ne’ebá”, hakle’an Rui Gomes.

Nia hatutan, orsamentu ida ne’e bazeia ba planu anuál kada ministériu, mak agora foti osan husi ida tau fali ba ida ne’e, signifika nia implikasaun ne’e tenke muda fila-fali programa sira ne’e.

“Ida ne’e ita hahú fali prosesu foun, marjén ba ida ne’e, téknikamente ita la rekomenda, tanba dau-daun ne’e ita atu finaliza ona diskusaun debate espesialidade ida ne’e”, dehan MF ne’e. say

Lee hotu :   PD SEI RESPONDE KARTA FRETILIN semana ne’e

Add to Comments Here!!!!

error: Content is protected.
Secured By miniOrange
You might also like:
CNRT: Diskusaun OJE 2021 la’o sabraut de’it

Deputadu bankada CNRT, Arão Noe Amaral,...

Governu aprova USD 200 apoia ba Xefe Suku sira

Konsellu Ministru (KM) iha Kuarta (09/12/2020)...

Arkidioseze Díli lansa dahuluk tradusaun Biblia Antigu Testamentu

Liu husi selebrasaun ezisténsia Dioseze Díli...

Close