JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MNEK husu líder nasionál sira lian ida ba adezaun TL iha ASEAN

MNEK husu líder nasionál sira lian ida ba adezaun TL iha ASEAN

Ministra Negósiu Estranjeiru no Kooperasaun (MNEK), Adalgiza Magno, husu líder nasionál sira, inklui líder órgaun soberanu sira, atu hasai deklarasaun  ka lian ida de’it, nune’e bele gaña konfiansa, no a-favór ba Timor-Leste (TL) nia pedidu adezaun ba Association of South East Asia Nations (ASEAN).

“Adezaun ne’e kuaze la’o tinan 10 ona, kuaze atu remata ona, ne’ebé ami sente importante tebes, ho nune’e mak ami husu atu mai partilla informasaun, para ita bele iha informasaun ida de’it,

Tanba adezaun ne’e presiza konsensus ba ita hotu, iha ita nia konstituisaun no mós ita nia planu dezenvolvimentu nasionál, hakarak ka lakoi ita tenke kumpri duni,

Tanba prosesu ita iha kompromisu desde 1975 kedan mós ita iha ona hakarak ida atu tama iha membru ASEAN, ida ne’ebé mak iha ita nia rejiaun,

Maibé natoon ne’ebá karik ita nia objetivu seluk ba seguransa,tempu agora objetivu la’os de’it seguransa, maibé liu-liu ba asuntu ekonómiku, no mós integrasaun ba ita nia rejiaun nian.”hateten Adalgiza iha plenária PN, bainhira diskute adezaun ba ASEAN, Segunda(21/12/2020)

Maske nune’e, governante ne’e deklara, Timor-Leste presiza prepara an di’ak-liu, liu-liu iha sosiu kultural, ekonomia no rekursu humanu.

“Ita prepara peskiza ida kona-bá, atu buka tuir kona-bá elementus krítikus ba adezaun nian, ne’ebé mak ita iha doadores balun ne’ebé mak ajuda TL prepara ba peskiza sira ne’e,

No ami mós iha dokumentu sira balun mak bele sai giaun, para atu halo prepara prosesu ba adezaun ne’e,

Hosi pillar tolu, sosio kultural no polítiku ne’e ladun iha problema, maibé pillar ekonomia ne’e mak kompleksu oituan,

Lee hotu :   Politiku Sira Laiha Vontade Luta Ba Intrese Povu

Tanba ida ne’e, ita rasik hanesan governu rekoñese kompleksu, tanba kuandu ita sai membru ASEAN, ita tenke preparadu iha área komersiu,

Iha área komersiu ne’e rasik iha akoordu barak mak ita tenke kumpri, asuntu barak liu mak muito téniku, ne’ebé mak ita tenke prepara an didi’ak,

Tanba ejizensia hosi nasaun membru sira rasik husu ita atu prepara di’ak liutan ita nia rekursus humanus, entaun ita mós iha planu rekursu humanus ida ne’ebé mak preparadu, katak ita atinji ona balun, maibé itra presiza servisu liutan, maibé ne’e la’os ba ita mesak, inklui rai sira seluk ne’ebé tama ASEAN ikus ne’e, sira mós iha situasaun hanesan, kuandu sira primeiru tama ASEAN.

Ita sei di’akliu, tanba iha preparasaun tinan 10 nia laran, ita halo estratéjia, ita buka rasik ita nia frakeza iha ita nia governasaun depois hadi’a,”tenik MNEK.

Asosiasaun ba Nasaun Sudeste Asiátiku ne’e, harí iha tinan 1968, no funda hosi nasaun lima, hanesan Fhilipina, Indonézia, Singapura, Malaysia no Thailandia.Say

Add to Comments Here!!!!

error: Content is protected.
Secured By miniOrange
You might also like:
Membru PNTL ualu hetan demisaun

Komandante Jerál Polísia Nasional Timor-Leste (PNTL)...

Alkatiri konsidera Xanana halo asaun polítika

Sekretáriu Jerál Partidu Fretilin, Marí Bim...

Pe. Ângelo Salsinha: Xanana sempre fó esperansa ba povu iha situasaun difísil

Reitór Semináriu Menór Nossa Señora de...

Close